你地會俾小一生參加幾多項校內課外活動？

Kingkong6

有些是放學，有些是星期六

cwhtcybb

原帖由 Kingkong6 於 12-09-11 發表
有些是放學，有些是星期六

因為我係返5日半，如果可以咩都想比佢學下，但你要睇返接送既問題先。

anna59

回復 Kingkong6 的帖子

你不如睇下佢既成績點樣再決定

kat0318

我一向無咩野心, 想個仔開心上學.
而家都係周六上三個興趣班, 學校課外活動就一樣.
佢鍾意棋藝, 我留意緊自己個區有無.
就係咁多.
同埋, 佢剛剛開學, 唔想佢一下子要學好多野.
等佢慢慢適應下來, 習慣小學早起, 學校食午餐等各樣, 同埋認識多點同學後, 先同佢慢慢轉下課外活動.

Happie

先適應小一生活.  理順左後, 可以加d 活動輕鬆下.
活動呢, 以人為本, 揀佢有興趣同enjoy ge 活動, 就事半功倍 ga la.
例如, 畫畫 (訓練專注力), 趣味普通話/英語....開心, 好玩果d, , (培養語文興趣,,,,,,, --> 提升閱讀/語文能力) 都唔錯ga.   一切係要時間,  耐性.  果效要一段時間才見到.  橫學, 掂學, 學得開心同舒泰d, 對孩子身心都好d, 係長線栽培.

HaYi

我依家是keep 住  8樣校外, 佢一路都學開, 有些己幾年,  其中3樣是星六, 因要出去遠D, 其它的都在樓下,志在參與下, 不是太谷就冇問題.   放左學每天一小時我覺得都可應付.   

主要是 體 樂 學術 藝 棋,   學校活動同有冇校隊可參加就未知, 到時要再 較過D時間啦, 不過留校冇校車到都幾煩架, 所以如非必要, 都會選自己的校外活動, 未必會選校內的留校活動啦..

karenlyk

上年小一平日學圍棋，普通話，星期六英文。

cutiebebe

我女上年小一，校外5樣，校內3樣，再加埋留校訓練的校隊3樣(中，英集誦和普通話獨誦）。上學期真係超忙！下學期集誦比賽完左，cut咗校內2個興趣班，先輕鬆d。但全個學期比賽+公開考試有十幾個！

chanwendy

女今年小一, 同佢報咗 3 項校內課外活動.

Haz-mama

依家同囡囡報咗校內網球班, 一星期要上兩日, 好難再報其他校內活動; 校外: 學緊話劇, 鋼琴和英文(Phonics + Cambridge)..

HaYi

其實多少 同 "學咩" 比較有關, 多野要回家操的一定不可以學得多.. 冇時間操即是費時.

Happie

~~~溫馨提示~~~
去公園跑跑, 走走, 跳跳, Fing Fing 都好重要, 尤其是男孩 tim.
可訓練好多野, 一D都唔hea.  e.g.  感統, 大小肌肉, 平衡, 社交....親子, 心理質素培養, 正能量, 陽光笑容......  所以, 一有時間, 我盡量帶佢地去玩!!!  當然首要係玩成每天的家課先啦!  身心健康, 再學2-3樣野, 就好夠啦!   

stephanielum

我女今年小一, 學校已開始要報課外活動, 因是屬於課堂時間的多元智能堂上, 唔上就在課室做功課, 學校可選一至三樣, 其中一樣是必要報的普通話班, 其他隨意報讀, 所以亞女另報左多兩樣, 但都是輕鬆學習, 不用操練的, 至於課外都是三樣, 除了彈琴要練習外, 其他又是輕鬆學習, 所以都覺OK, 同埋最緊要亞女喜歡.

qop

我本身都係睇成績去決定參與否，如果小朋友想參與，無問題不過要用成績來交換，無成績跟本就唔洗諗，除非我發現佢有高過天份的能力，否則都係以學業為重，一係就盡啲推佢成為代表。
其實我老公話劑，學業是基本嘢！有學業周身刀無張利，都叫有個低比人睇下，人地當你啲刀花拳繡腿攞嚟睇OK，如果無低又唔想追，一係搵一把鋒利無比的刀，其實一把就夠殺。