我該如何做個母親

HACS

回覆 nkf 的帖子

啊, 睇左, 笑埋, 無嘢好評論, 有錢人曬命POST一篇

樓主, 看完你的情況, 我也是過來人, 孩子一出世時當然想她開開心心過生活, 我當年同你想法一樣, 只不過我的夢比你快醒, 我當時想法是孩子長大後要靠自己, 我唔可能養佢一世, 在香港自立搵份較好工作入大學是必然, 當然亦有例外, 但會難行好多, 與其日後辛苦, 不如早作預備, 因為發覺到如果要入到大學, 先要有好中學(天才另計), 要入到好中學, 先要有好小學, 要考名校一定困難, 考到以後讀得上與否又是未知數, 但我覺得必須要試, 試過唔得都起碼試過, 無悔了, 所以在她K1時便開始為她報讀英文和數學, 讓她養成學習
習慣, 最後有幸入到心儀學校, 功課是一定多, 但她自小習慣了, 現在不覺辛苦而且很喜歡番學, 所以我覺得最緊要知道自己最終目標是什麼, 就盡力去嘗試做, 如果覺得填鴨式不好, 我相信你要選擇國際學校及將來出國讀大學了........

HACS

順帶一提，如果真的想扣門，所準備的比考小一要更多更多，真的，你想像一下連已經考到私小的也許會再來一試，競爭之激烈而且所考的範圍更是小一全年所學兼且是筆試，要有心理準備是不容易的。

HACS

回覆 200904 的帖子

現實是殘酷，這就是遊戲玩法，你唔做但唔代表無人做，其實學校只是出一份比較深的卷給考生做，唔代表一定識做曬，邊個高分咪收邊個囉。仲有既係就算扣門入咗去既都唔一定一帆風順，唔繼續努力的話都會慢慢碌落嚟，初小扣入到高小變成中下游亦大有人在。

HACS

回覆 lightingchung 的帖子

搞笑既重點係個囡書讀唔成，最後比個囡去韓國讀韓文，只係做一個韓文翻譯員，有冇人請都話唔埋但係講到發掘到驚世才能咁⋯⋯

HACS

回覆 lightingchung 的帖子

我都係在那時候察覺到原來搵幼稚園收好困難，於是痛定思痛，決定為小一做好準備。

HACS

回覆 siden 的帖子

我都想毎個週末同囡囡去遊山玩水，但現實是不可能的，單單是應付週末的功課也十分花時間，著實沒有太多空閒時間。

HACS

回覆 Charlotte_mom 的帖子

呢兩三年係高峰期, 唔醒唔得啦, 好多家長一開始都話最緊要孩子讀得舒服同開心, 到頭來仲谷得狼過我, 因為只要明白到小學與小學之間, 在程度和學習風氣往往有很大差異, 有時不是說只要孩子肯努力讀那一間都冇所謂, 入 BAND1 同BAND3 完全是兩個世界, 因為在小學要渡過六年, 學校因素實在對學生影響深遠, 了解多一些不同學校的資料自會明白和懂得選擇

"愉快學習"說易行難 (有特異功能除外), 應付考試過程往往是艱苦的, 我信奉一分耕耘一分收獲, 自己也讀過書, 讀書時期當然快樂, 但要溫書考試就不快樂了, 相信普遍小朋友都會有這想法,可是考試是必然的, 避不了, 要怎樣培養孩子在讀書考試中覺得輕鬆愉快就真正是一門學問, 各施各法, 因人而異了



其實只要諗遠少少, 諗下將來你希望孩子的學業路線是怎樣行和對孩子有什麼期望, 同時你又可以給予或負擔到什麼選擇供他去選, 你自會懂得現在應該怎樣去預備, 共勉之