啓思小學附屬幼稚園(九龍塘牛津道)

IRON

wawa,

呢度成日都係得我地撐場呀, 呵呵呵.

仔仔今日返黎成日係度講......唔知講乜, 岩岩我先聽到最後果句係"粒粒皆辛苦"(普通話), 哎, 我而家上黎搵返前3句呀, 我已經唔記得晒啦.

IRON

hi all,

今日佢地整真既cookie呀, 仔仔不停咁講, 好興奮, 之前整過泥膠壽司同pizza, 都幾靚喎, 班主任仲係簿度俾評語"做得不錯!"

個"飧"真係讀"孫"音架, 俊堯個爹地都係咁話喎.

而家仔仔唔訓午教啦, 一直玩到9點幾, 我就黎"死"囉, 呵呵呵. ^_*

學校開放日岩岩過, 睇怕都無咁快又有囉.

IRON

hi wawa,

我仔好細個就話第時要做飛機師, 而家都仲未變, 爹地成日同佢講要英文同數學好先得, 不過我只係想佢搵份固定職業, 最好做個普通文員, 日頭同我食個早餐返工, 放工返黎食飯飲湯, 大假一齊去旅行, 老公話~~~妳唔駛諗啦, 有都係同女友啦, 嘿嘿嘿. ^_*

IRON

wawa,

可能妳仔仔都係對數字好敏感既, 我仔仔舊年暑假自己學識單位加減數, 而家進軍雙位加數, 可加到百位. ^_*

IRON

好潮濕呀, 尋晚終於開左冷氣訓, 今朝返學見課室都無開冷氣, 唔見佢地熱唔熱呢......, 不過見有d小朋友仲著冷衫校褸, 我仔仔只係運動衫已開始出汗呢.

IRON

hi all,

今日終於見到陽光啦真係心情都靚d, 仔仔一早起身返學, 前幾日佢成日話叫風姐姐出黎吹走霧哥哥......不過好似話星期六又落雨.

舊年k1讀書計劃係10本(自訂), 今年係20本, 星期日同仔仔去圖書館借書, 今年有2頁報告係要指定睇英文書, 而家一晚睇一本都幾好.

係呢你地同仔仔女女玩咩架?? 上星期日仔仔話要野餐, 點知又落雨, 我地買晒食物舖左膠布係廳地下玩野餐, 佢又玩得好投入喎, 呵呵呵.

IRON

wawa,

不過讀書計劃個意義係睇完識得講返出黎喎, 你仔仔已識?? 我仔仔k1就未得啦, 而家就可以簡單講返, 但有時都要提示, 英文就真係仲未掂囉, 而我會一星期借6本(2本英文4本中文), 每晚講一本, 第2晚要佢講返之前果本.

IRON

hi wawa,

咁妳仔仔係咪識講返成個故事俾妳聽, 同埋明白書中表達既道理?? 我記得k2開始我仔仔先識講完整既"3只小豬"俾我聽, 同埋書中想表達既意義, 我都係好細個就俾書佢睇, 又係俾disney個套教材佢睇, 但係好似對數字興趣大過睇書.

今日終於可著短褲啦.

復活節又黎, 計劃去邊樹玩呀?? 我book左10號黃金海岸住1晚, 等仔仔玩下沙同踏單車, 佢呢期鐘意食自助餐, 我地間學校早放假應該唔係咁多人去卦.

IRON

hi DOUGLASMAMA,

無呀, 因為套野係好友送既.

妳仔仔咁叻表演唱歌, 我仔仔k1時好怕羞, 先生話幾個一齊唱就得, 自己一個就未試過. ^_*

IRON

hi all,

今日仔仔返黎好好唱口, 佢學左首新歌.

復活節要整"帽"返去, 家陣同老公諗緊點整, 真係頭痛......

IRON

hi all,

今日妳地有無去學校呀?? 入門口處搞個模擬餐廳, 仔仔返學時已好興奮, d玩具食物又好鬼靚喎, 佢睇左好耐先上去丫, 放學時又講佢做寫單, 睇邊張台要order野, 跟手俾廚師整, 又羅返去果張台, 我心諗咁即係做樓面啦, 呵呵呵.

係呀星期五先羅帽返去呀, 我地已諗到點整啦, 聽日去買料, 哎, k1已整過一次, k3唔知駛唔駛, 查實我地以前做手工都好水皮, 家陣真係考起, 又唔可以買又要有創意又要特別又要岩節日, 當然仲要親子, 即係佢都要有份整, 老公話仲難過返工, 哈哈哈.

IRON

hi wawa,

不如下次抽時間去睇下佢地既學校生活, 影下相, 佢地會好開心同埋自己都有一個好好既回憶, 人地話全職媽咪點點點, 我就覺得好enjoy, 日日一齊返學放學, 知道佢做緊咩, 睇住佢長大成人, 雖然我去做野會多d$$, 但呢d經歷過左就無, 哈哈哈, 係度齋talk......

今日又有同學仔係m記生日會, 仔仔好開心.

IRON

hi wawa,

嘩, 妳咁快整好啦, 我地只係諗左, 聽日去買料整, 仲未知掂唔掂, 呵呵呵.

今日熱到死丫, 聽日打算俾佢著夏季囉, 不過好似話星期四五又落返雨.

IRON

hi wawa,

今朝同仔仔著短袖衫長褲, 羅埋冷衫, 到課室見開左冷氣, 即刻同佢著返冷衫岩岩好, 叫佢出去玩時先除; 有d同學仔著晒短衫短褲, 真係驚一冷一熱攝親.

hi lui,

學校有車隊, 可打去查詢; 點為之keep close contact呀?? 如果有事可打去同先生傾, 如小朋友無返學班主任會打黎問候, 咁算未呢?? ^_* 歡迎妳加入哦.

IRON

hi wawa,

不過如果著長袖出去玩遊樂場就真係熱死啦, 返課室又會冷親, 所以我叫仔仔出去玩前除衫.

哎, 頭先去買料買唔到丫, 係發泡膠整既復活蛋, 諗住俾仔仔自己上色再整係帽上面, 一陣又要出去搵.

IRON

hi wawa,

仔仔中招啦, 前日返學時已聽到d同學仔咳, 終於夜晚就咳同流nose涕, 今日休息囉. 可能學校突然開冷氣, 之前話27度先會開, 所以坐校車d小朋友(著短衫短褲果d)就中晒招.

IRON

hi wawa,

haha.......終於都完工, 今日個個都話佢得意, 佢又一早起身好開心, 我地羅埋相機去影相.

IRON

hi wawa,

今日老公返工, 我同仔仔係屋企做功課, 都幾多野做, 仲有d要戶外做, 真係夠晒親子, 呵呵呵.

星期一本來plan左去黃金海岸住返晚, 不過見天氣報告話有雷暴就取消左囉, 妳地又有咩節目?? 出唔出外旅遊呀?? 我仔仔d同學仔就好多去日本, 可惜我老公放唔正囉(佢要輪班)

IRON

hi wawa,

老公做消防, 返2放1, 另每月有1次連放5日, haha~~~所以成日去接仔仔放學, 初頭d人仲以為佢不務正業.

尋日我地都去左黃金海岸, 撞正5車大相撞, 塞左個幾鐘, 今日有無睇報紙呀, 呵呵呵, 仔仔係車度又肚餓, 我又想vv, 幾辛苦先捱到開車, 不過後黎都幾開心, 老公預先放d硬幣係沙度, 仔仔用鏟搵返出黎, 又搵到好多靚貝殼.

去英國得幾日少d喎, 不如暑假去, 我地都諗住去睇下, 因羅左居英權都未利用過, 唔知有乜福利.

IRON

hi wawa,

今朝要同仔仔去整復活蛋, 係去開果間畫室搞既, 一早佢就起身囉, 呵呵, 重要拎埋相機去影, 順便做功課~~今次功課要講復活節做過d咩, 另外又要影路上行既交通工具.....其他既復活咭就做左啦要去分派俾婆婆等.....手指畫/寫字/推理就做左, 讀書報告要再去借書......以上講果d都係功課, 妳仔仔而家k1好好enjoy時間啦, k2就好忙架啦, 呵呵呵. ^_*