有冇人讀過香港天才兒童藝術協會的playgroup?

pui001

有冇人讀過香港天才兒童藝術協會的playgroup?
好不好?
d老師如何?

vikiepaul

你好, 我上年同個女報讀過佢地既幼稚園面試親子班, 評語係 "差x10", 老師無愛心, 十分之commercial, 好唔專心..  

baby10

我剛剛先一肚氣   
我個女兩歲九個月,九月將升k1有個幾月唔駛返學未幫個女搵暑期班,就搵到香港天才呢,一星期返兩日個半鍾,個女返左三堂連老師叫咩都唔知,我都覺怪怪地我個女早前有返playgroup及n1,個課程完全唔係我個女做到聽到,佢地只會是但搵個你時間可以d班比你完全無想過小朋友適唔適合,原來我個女返去就係遊魂,我打電話去佢地就話個班係適合2.5至6歲小朋友,唉....有咩何能2.5歲同6歲學嘢係一樣(其他小朋友最細都3歲幾),當初我問佢佢地話d小朋友同我個女一樣或細d我先報姐,現在激氣....我已經同佢地講我唔讀補回幾他堂架錢.....   

raema

baby10
which center did you join?  my girl joined Yuen Long theatre, she is 3 yrs old.
Rae Ma

baby10

屯門.....
頭先佢地打電話黎話唔會退錢,只會轉其他班,我話如果有一班適合我個女的可以,但係我要在一邊睇住佢,我驚你地唔知點對我個女,佢話可以,我話我仲有7堂但係只返到八月之後唔會返要返學餘下堂數點算,佢果個職員就話無辦法架哪,又話報名前已經同我講左個班係3-6歲單張都有寫你一早知,嘩......火都黎佢當日,我打電話問佢佢話個班2.5適合我個女...我大聲發脾氣話佢,佢先話在八月份補回7堂,我話唔得你直接叫責人同我講,過左半小時仲唔覆我,我又打電話去,佢話個老師未上完堂(叫教我個女個老師打比我),我話你叫佢打比我有咩用,我都唔係要同佢講,我話你立即叫你老細打比我,唔係我就上離,轉頭唔駛二分鐘就打離話退番學費比我,我話好,不過你都要叫你老細打電話比我,我要同佢當面講,佢話佢開會遲D覆.....

各位MAMA你地報名時小心又要問多D,個間嘢真係咩都得(講時),同時最好有時間睇下小朋友上課.....

唉.....現在都唔知搵唔搵其他暑期班比個女,又無時間又怕怕

vikiepaul

我果時仲衰.. 參加果d面試班.. 竟然係去美麗華酒店度上堂.. 班房唔似班房, 一次多人過一次.. 我參加一個course 8堂.. 上到第6堂. 忍唔住問佢. 點解佢地無上限, 由2個老師對11-12個細路.. 到第6堂有30幾個細路.. 再加埋家長.. 你地話有幾多人.. 仲要d房一次細過一次... 我上上下堂, 我直頭走左去.. 最後2堂都費事晒氣. 唔返..

另外, 果時我個女歲幾, 佢竟然同我講唔鍾意返呢度.. 次次一去到就要走 ( 不過, 佢平日係返開學既, 平日果間無問題, 只係唔鍾意呢間).

天才喎.. 去左果d就真係正蠢才就真. (當然包括我呢個懵媽媽啦)     

pui001

謝謝各媽媽報料，
我之所以考慮係因為佢分校多，
會就腳D，
點知原來咁唔掂，
咪駛指意join！

kendrama

又多人參加，要亞仔等好耐先有得玩！d細路走黎走去導師又理唔到！    褸褸地轉去第二間小班教學o既playgroup(8人以內)，亞仔唔駛等太耐開心好多！
都唔明香港天才兒童藝術協會的playgroup又貴又唔好，都甘多人參加，都係廣告！

yanmachai

有時一些優質的機購因為收費不高，無能力大賣廣告，自己默默耕耘，只有靠口卑，但是實在物超所值。

joycetang

我參加都一肚火   
見一次都angry一次!
所有媽媽不要參加這個會的離譜班
要信一些有口碑的班
joyce

neighbour931

感覺上, 呢d成日標榜'天才','資優'呀, 多數都係名不附實, 不過真係引左唔少人落搭. 大家以後小心d, 同埋多d上黎報料啦啦!

蘋果

同意！唔好誤信廣告！我都有朋友參加過香港天才兒童藝術協會的playgroup，都唔係甘好！佢地只會sell你比錢，介紹時就講到好好！又有証書

ReSt媽媽

你地多數係邊度上堂先?
我個 仔上左年幾
俾個老師又教得幾好呀
我舍 仔依家上緊好多班
不過,有d老師真係唔掂囉!!! :tongue:
但係有2個老師好好嫁

:

leeyin

ReSt媽媽 寫道:
你地多數係邊度上堂先?
我個 仔上左年幾
俾個老師又教得幾好呀
我舍 仔依家上緊好多班
不過,有d老師真係唔掂囉!!! :tongue:
但係有2個老師好好嫁

:

其實會唔會間間分校師資不同, 我老公d朋友話沙田好好~

我仲諗住明日去銅鑼灣報讀佢地既幼稚園面試親子班, 現在睇見你地d留言, 我都唔知仲報唔報名好   

leeyin

ReSt媽媽~

你個仔讀邊區??

macyma

OH! 我只是打電話去問:
我: 有無得試堂架?
職員: 我地無架喎!
我 :-| : 咁可以上去參觀下嗎?
職員: 唔得喎!
我  :evil: :  只是上去睇下個環境,同埋睇下上堂做d咩啫.
職員: 就算你上到去,佢地都唔會俾你睇架.
我: 但係我一報名就8堂2千几蚊,萬一我小朋友唔鈡意咁點算吖,我都要睇下喎.
職員: 無架, 你俾左$就可以上去上堂,米知道咯.
我 : ....(收左綫)
猝之,我去左朋友bb join開的playgroup,有得試堂,價錢similar,我bb仲上得好開心!

macyma

丙丙1974

我小女讀過今年暑期英語MI多元智能就完全唔掂,teacher好似summer job, 冇經驗, 唔係全英語教授, teacher控制晤到小朋友, 8堂之後連我個女係邊個都唔知, 搵笨.

丙丙1974

邊區都唔掂.   

小B維維

我都係其中一個蠢才   

我又係參加果d面試班(係美麗華酒店度上堂), 嘩...多人到 成15-20個小朋友 d miss又唔惦, 明明話逐個小朋友叫名出來, 點知有d小朋友係咁周圍走, 有d圍住miss都冇人理, 得個亂字 又咩到學不到, 我俾左成$2,xxx, 激到我      最後我只俾維維上左幾堂就冇上

vikiepaul 寫道:
我果時仲衰.. 參加果d面試班.. 竟然係去美麗華酒店度上堂.. 班房唔似班房, 一次多人過一次.. 我參加一個course 8堂.. 上到第6堂. 忍唔住問佢. 點解佢地無上限, 由2個老師對11-12個細路.. 到第6堂有30幾個細路.. 再加埋家長.. 你地話有幾多人.. 仲要d房一次細過一次... 我上上下堂, 我直頭走左去.. 最後2堂都費事晒氣. 唔返..

另外, 果時我個女歲幾, 佢竟然同我講唔鍾意返呢度.. 次次一去到就要走 ( 不過, 佢平日係返開學既, 平日果間無問題, 只係唔鍾意呢間).

天才喎.. 去左果d就真係正蠢才就真. (當然包括我呢個懵媽媽啦)     

ArgusMum

小b
你又幾蠢才喎...比人騙左2千幾蚊..你咁有錢既..
哈哈       
等我同佢地講下先

小B維維 寫道:
我都係其中一個蠢才   

我又係參加果d面試班(係美麗華酒店度上堂), 嘩...多人到 成15-20個小朋友 d miss又唔惦, 明明話逐個小朋友叫名出來, 點知有d小朋友係咁周圍走, 有d圍住miss都冇人理, 得個亂字 又咩到學不到, 我俾左成$2,xxx, 激到我      最後我只俾維維上左幾堂就冇上

[quote]
vikiepaul 寫道:
我果時仲衰.. 參加果d面試班.. 竟然係去美麗華酒店度上堂.. 班房唔似班房, 一次多人過一次.. 我參加一個course 8堂.. 上到第6堂. 忍唔住問佢. 點解佢地無上限, 由2個老師對11-12個細路.. 到第6堂有30幾個細路.. 再加埋家長.. 你地話有幾多人.. 仲要d房一次細過一次... 我上上下堂, 我直頭走左去.. 最後2堂都費事晒氣. 唔返..

另外, 果時我個女歲幾, 佢竟然同我講唔鍾意返呢度.. 次次一去到就要走 ( 不過, 佢平日係返開學既, 平日果間無問題, 只係唔鍾意呢間).

天才喎.. 去左果d就真係正蠢才就真. (當然包括我呢個懵媽媽啦)     

[/quote]