發脾氣

Taimei

仔仔3歳，有自閉症傾向，這2星期經常發脾氣，打人推人，應如何處理？

chanyuen2012

我理解其實佢係學到一啲野但因為唔識講所以會行動行先，所以會出現推撞，如果係咁，可以試下先唔好開口鬧，等佢發完皮氣呵左佢先，等佢平靜左少少，可以問下佢點解唔開心呀，係咪因為想要某樣野但因為得唔到所以心急呀？咁我錫返你先啦，不如我地學下，如果下次我地遇到相同情況可唔可以問一下人地可唔可以借黎玩一陣先吖，好嗎？唔洗唔開心架，我地一齊學吖，唔緊要架………

咁樣試下吖………

Taimei

😔屋企人話要教，打手先，因為咁先知自己曳，我呵佢即係仲佢

irenelwl

唔好打罵，成日打罵只會搞到家嘈屋閉。我地以前未知個仔咩事都好似你家人咁。但無用，個小孩甚至有自殘行為。dd情況，你要比空間佢，發脾氣由切佢發，但打人同傷害自己，成人就要在旁stop佢，預防佢打傷人同舟自己，過程中不要再向小孩不停輸入對錯等言語。等佢冷靜落黎，再慢慢同佢傾，對自閉症兒童多以佢感受出發，同調整佢對情緒的控制。甚佢地先天對感覺同情緒都比較差，甚實連自己都唔識分辦自己的情緒。要教。

Taimei

謝謝分享，每次發脾氣，我細聲同佢講嘢，佢會喊住走過來㩜住我，希望佢有日明白咩叫打人唔啱啦。