亞氏保加的小朋友

uarecheap

請問亞氏保加的小朋友適合返中文戲劇嗎? TKS!

uarecheap

我打算比多D機會佢可以同小朋友一齊合作...一齊相處, 學習聽取別人的說話, 但又不知道有什麼課外活動適合亞氏保加小朋友, 我諗中文戲劇都應該OK既~
而公文式數學之前返左一個多月, 佢好喜歡...但佢實在喜歡都不得了, 簡直開心到忘形, 失去常態, 情緒非常HIGH, 因為公文式數學比較著重計得快, 佢成日寫得好快, 好想用最小的分鐘來完成, 佢就係計同寫都勁怏, 搞到個人變得好心急, 心急..又會令佢情緒激動...跟住就好容易發脾氣!!

其實我是不是要停止公文式數學呢?

囝囝的強項係1)記憶狂 2)數字狂 3)寫字狂
學鋼琴彈二次已經識背譜...佢有絕對音準~
寫字方面..手部控制都好好..寫字好靚~
成日話身邊同學唔乖..寫字唔靚..又話同學唔識讀書~
喜歡背書...背故事書...音樂書...好喜歡MTR~
溝通冇問題...語言冇問題, 但唔識睇人眉頭眼額~

鍾意同小朋友和同學玩...因為興趣古板...人地同佢溝通唔到, 一唔岩玩就比人蝦, 跟住返到屋企又話比人蝦~

日常生活中, 什麼事情佢都會用數目OR數學來代入事情, 呢個問題我覺得最煩, 佢可以講數字講數學講足全日, 同小朋友點樣溝通~!!

成日唱歌..沖涼又唱..訓覺又唱, 玩緊LEGO又唱...食飯又唱, 當佢唱緊歌, 你點樣教佢同佢傾計都聽你唔到, 完全忘我狀態~

情緒就好似坐過山車, 有時好好好靜, 有時興奮過後...cool down唔到, 要罵先可以停和冷靜~

又唔喜歡人罰佢, 個人又敏感, 人地話佢曳, 話多幾句就話"我鍾意"...跟住就大發脾氣, OR用行動來抗議~

我就黎比佢激死我, 就快到我有病, 我自己個人都好DOWN, 好煩, 呢類小朋友好難教, 身邊親人和朋友話我教得衰...唔識教, 搞到個囝咁樣, 個妹又成日講佢個同事個小朋友點乖點懂事, 因為我沒有同佢地解釋囝囝的問題, 就算講左都冇用...都會覺得因為我教得唔好而令囝囝咁差!!!  唉@@

[ 本帖最後由 uarecheap 於 10-12-28 13:41 編輯 ]