乙明救世軍幼兒園家長, 請進!!

tokyleung

乙明
1.122510 2.Edith豆豆小公主(已畢業) 3.sundaychow 4.茜淇媽媽 5.3loks 6.brianmama 7.迪男媽媽 8.Kit 9.517 10.SmallSmall (coming 21/9) 11.andrewmama(N1 飛機組!!) 12.Machoma (N1) 13.tokyleung (N1) 14. Tiffany媽咪(N1) 15. 行行媽(N1)

Hello, 我已開了新頁喇, 大家可以有個地方講下小朋友係學校既情況.

晴晴今天返學臨同婆婆Bye Bye時喊到嘔, 攪到佢自己一身都係, 好彩學校既嬸嬸話唔緊要, 佢地會處理, 仲叫婆婆快d走, 不過晴晴後尾都無喊, 都肯玩同食. 過兩三天, 晴晴又有一個考驗, 開始試訓, 不過晴晴好似意識到要訓, 佢仲同我講要婆婆陪佢係乙明訓喎.

SmallSmall>>婆婆叫我同你証實下今天LokYin放學是否有少少唔開心喎? (佢話見到個大眼妹好似係我所講既LokYin)
唔知晴晴係未今日又同你囡囡鬥食飯呢? 因為晴晴成件校服都係南瓜漬   

122510

我細囝比較好,上學第三日已上朝九晚五,而且我沒有陪過他在課室內!

SmallSmall

晴晴媽,

好快手喎...
學校既嬸嬸好好喎

迪男媽媽

你地就好啦, 可以返學, 迪男自從中秋前o個日返完學, 呢幾日都返唔到學, 腸胃炎之後又到傷風, 好在可以係呢度睇到下學校情況 :">

122510

迪男媽,

祝迪男早日康復!

SmallSmall

迪男媽媽,

唔怪得我係學校見唔到迪男啦, hope he get well soon... :wink:

tokyleung

迪男媽媽>> 迪男現在好番d未呀? 你都小心身體呀.

SmallSmall>>LokYin今日返學點呀?

剛剛同老師問完晴晴在校情況, 晴晴只是入校時喊到嘔, 後尾都肯投入返學同埋一直都無喊, 係操場都玩左好多野, 老師說她可以星期四試午睡. 希望晴晴能夠適應啦.

迪男媽媽

多謝大家慰問, 迪男今日好好多喇, 聽朝希望可以帶佢返學啦!

SmallSmall

晴晴媽,

諾妍尋日曳曳呀, 婆婆湊返學喊, 連老師都叫婆婆唔好黎, 仲要快d走添

尋日訓左午睡, 老師話訓醒喊 & 叫媽媽, 不過都算 ok, 今朝我堂妹湊返學就無扭計 lu...

SmallSmall

tokyleung 寫道:
SmallSmall>>婆婆叫我同你証實下今天LokYin放學是否有少少唔開心喎? (佢話見到個大眼妹好似係我所講既LokYin)
唔知晴晴係未今日又同你囡囡鬥食飯呢? 因為晴晴成件校服都係南瓜漬   

aiya...差d唔記得答你添

無喎, 到我返呀媽度接佢好開心咁玩緊扮沖奶 仲學曬爸爸d手勢...好好笑

老師無話鬥食飯啦, 佢話諾妍食飯無痴住佢 :wink: 係呀, 今日飲南瓜湯...yummy yummy ar

so far 我好鐘意佢地既膳食, at least heathy than my mother, but 覺得學校唔夠地方, 太多小朋友, how's your feeling???

迪男媽媽

膳食我就覺得一時時啦, 地方方面, 我就覺得廁所太細太迫, 而且同一時間太多小朋友一齊去廁所喇...

SmallSmall

迪男媽媽 寫道:
膳食我就覺得一時時啦, 地方方面, 我就覺得廁所太細太迫, 而且同一時間太多小朋友一齊去廁所喇...

oh yes, toilet is really small and too many child go together, I always wonder 佢地有冇去就已經出左黎...

迪男媽媽

今日仔仔返9:30至3:00, 先生話佢大致ok, 仲訓到個半鐘, 不過一湊佢放學, 佢就好淒涼咁喊  :cry:

SmallSmall

迪男媽媽,
same as Lok Yin wor, she was sleeping in school from 1pm to 2:30pm yesterday...Miss Ho say she is ok and just ask Daddy & Mami when she wake up.

行行媽

Hi all,

思行腸胃唔不適, 今日第二日無翻學啦!  最攪鬼, 昨日竟然第一次教認字, 唔知老師會唔會再教翻呢? 今朝一起床, 思行就話"唔舒服, 睇醫生", 我當然話唔得啦, 醫生唔俾日日去睇佢架, 要食藥, 休息多d, 唔好先再去。 佢好似覺得唔舒服就唔使翻學, 我驚佢遲d會用這個借口唔想翻學。 佢之前就無話講到出口話唔想翻學, 但每朝都攪好耐先出到門口

SmallSmall

行行媽,

"e"~~~原來行行真係無返學, 事關我昨晚問諾妍"行行有冇返學", 佢答冇, 唔知佢真知定假知...

尋日諾妍第二日係學校訓午睡, 可以訓到個半鐘, seem ok of her...

迪男媽媽

行行媽,
行行又係腸胃不適? 迪男上星期又係腸胃炎所以幾日冇返學, 醫生話呢排係好多小朋友腸胃炎, ...不過最慘就係迪男腸胃一好返少少又輪到傷風咳, 全家都冇覺好訓!
大家都要小心身子啊!  

tokyleung

晴晴今天嘗試係學校午睡, 老師話佢都OK, 因為之前逢親晴晴食完lunch婆婆就黎接佢, 但今天晴晴見食左飯婆婆都未黎, 佢就問老師.

晴晴: 婆婆幾時黎呀?
老師: 婆婆就快黎喇, 可能搭緊巴士呢, 你不如坐係到等一陣啦 (其時晴晴眼見嬸嬸已經預備好床舖).
晴晴: 婆婆仲未黎?
老師: 係呀, 不如休息下先婆婆就黎架喇.

跟住晴晴就敵不過睡魔既急call就zzz, 到婆婆接佢都未醒, 後因為有個同學仔喊,晴晴先嘈醒左, 都訓左差不多一個鐘(1:35 pm - 2:20 am), 但我都好開心喇, 起碼晴晴有進步, 今天老師send e-mail教學日誌仲讚晴晴tim. 不過唯一就係晴晴朝早一返到校同婆婆Bye Bye時都仲會喊.

行行媽: 思行好番未呀? 婆婆有無炸型呢? 希望思行可以快d番學啦.

迪男媽媽 : 係啦, 傷風咳可能係返學無可避免既事 :cry: 所以返學都有著同唔著, 而家晴晴一有幾聲"克痴"/咳, 我地都比定保嬰丹佢食, 以防萬一ma.

SmallSmall>> 講開這幾天真係要多謝你媽咪(希望我無撈亂)照顧晴晴呀, 晴晴話好鍾意個個婆婆喎, 因為佢入校時喊, 你媽咪就安撫佢拖佢入去課室tim.

係呀, 婆婆話Lok Yin昨天喊得好淒涼, 我諗而家都係佢地返學初期既階段, 睇怕佢地都會時喊時唔喊lu.

講真, 地方方面我都覺得活動空間差些少 (操場稍為細左), 不過都無法, 因為學校building畢竟都成10幾20年(?), 以前既design邊有而家o甘好, 好彩佢地其他方面搭夠, 特別係老師同嬸嬸, 佢地真係好好, 婆婆成日都同我講佢地好主動"乙水"小朋友同交帶, 呢兩樣我就已經覺得好好喇.      

有一樣事我好欣賞既就係---晴晴同我講佢有日婆婆黎接佢放學, 晴晴臨走時去多次洗手間, 剛巧撞正高班d小朋友又去toilet, 可能人多關係, 佢跌低左, 有個姐姐扶番佢起身, 仲叫佢唔使驚, 我聽左後覺得高班既姐姐好helpful, 學到幾多個生字都係其次, 品格既培養真係好重要.

Tiffany媽咪

各位:

星期六有家長會, 你哋去唔去呀?

SmallSmall

晴晴媽,

見晴晴進度唔錯都"鄧"你happy...不過我尋日同何老師傾電話, 佢話諾妍ok wor, 有訓 and 醒左無喊...但放工返呀媽度接佢就話"唔要先生, 要返屋企", 仲眼紅紅唔開心咁, 攪到我都有d心痛...

"e"...我媽咪照顧晴晴???...等我一陣問下佢先...