☆屯門聖公會青山聖彼得堂(兆麟苑)家長請進~

LongLong_ma

GOOD MORNING


chunchunma,

我都頭痛緊.....幫亞仔扮o麥好呢???...星期五就係啦......都唔知去邊o樹買衫???....我昨晚問仔仔扮o麥好?亞仔話扮巫婆喎...... :  :
妳地K2係11月3日觀課呀?....K1 好似要12月7日......相差咁遠o既???.....昨日老師派手冊.....仔仔各方面都有進步.....我都好想睇下仔仔上課情形!!
嘩.....妳bb 已經7磅幾啦.....好厲害.....好在妳決定開刀.....唔駛生得咁辛苦......祝妳一齊順利.....生個肥肥白白小宝貝
    

chunchunmama

各位早晨!

LongLong_ma,

亞仔昨晚同今朝都好興奮話要扮鬼客人喎!  我估小朋友個日一定好開心喇! 不過, 我都係吾鐘意佢扮鬼既造型  
我同你一樣都係未有idea亞仔扮咩好?  花園街好似有幾間舖頭買Halloween d衫, 你可以去睇下! 我宜家都去吾到, 或者叫老公放工去睇下有冇d衫岩亞仔囉!  不過屯門應該都可以買到, 好似置樂都有, 但係款式可能吾多!

係呀! 各級的觀課日都不同架!  亞仔K1時我都有去觀課, 好好架! 可以知道小朋友上課既情況。

今個星期日同亞仔同埋朋友去食buffet, 個日係Halloween正日, 或者都扮下野先!

加加媽咪

hello 各位媽,

昨日囡囡一放學回家已經同婆婆講:『老師話星期五係化妝舞會, 老師叫我扮老虎..Wawoo...』, 雖然佢係女仔, 但性格就好男仔頭, 我諗都係佢自己話要扮老虎多d, "小仙女"同"白雪公主"都唔係咁岩佢, 好彩佢冇話要扮"巴斯光年","蜘蛛俠"或者"超人"咋.......   

本來諗住學校咁耐都未有通告, 仲以為今年冇添, 不過對於小朋友緊講, 有得扮吓野梗係開心同難忘啦.... 不過我毫無準備, 都唔知買唔買得切, 又唔知邊度有得買, 真頭痛   加上星期五我又要返工, 如果囡囡佢賴床唔願起身, 又趕住換衫扮野, 又趕住出門口, 咁就煩......... 不過盡可能都會扮下野

chunchunmama,
嘩~~~ BB仲有一個多星期就出世啦... 真替你開心, 你喺邊間醫院開刀呀???  我都預祝你順順利利生個肥肥白白, 健健康康的BB   

LongLong_ma,
睇本手冊知道囡囡呢兩個星期喺學校的表現都好好, 我都有讚佢叻女, 佢都唔知幾開心    我都希望快d有得觀課, 因為佢返學真係好開心, 我都想知道點解咁開心嘛.....   琴日佢仲開心到攞埋同學仔本書放咗落書包到, 仲拎埋番屋企添        

cheuklam-mama

hello 各位,
我的囝囝剛滿2yr,準備報siu lun幼稚園,希望可以做同學仔   
間中都有上來visit一下,但都入不到題,請多多指教

chunchunmama

cheuklam-mama,
你好! 你囝囝應該2005年讀K1喇! 你會報上午或下午班呀?
我個仔現在讀緊K2喇! 其實大家都係分享下囝囝囡囡係幼稚園的生活, 都冇話入吾入到題既, 得閒入來傾下計都得架!
你是否住係Siu Lun?

加加媽咪,
幫你囡囡扮老虎都好喎! 難得佢自己鐘意, 可能會扮得好神似好得意呢!  總好過帶面具扮鬼啦!
多謝你的祝福,  我會係屯門開刀生小B。

tszyau2000

呢幾日好busy, 依家偷hen 走入lai!

唉~~~我都有d 頭痛囡囡個日扮什麼,但我個囡已經話要扮"公主",本來就無咩問題,但我要搵套衫呢吾係點似"公主"ar!

chunchunma:
甘米好law, 可以改到期,仲可以去觀課,喂你個小b都係似哥哥, 好la, 甘你要養足精神去迎接小b  

cheuklam-mama

chunchunmama,
原來你就快生小b,祝你一切順利!!!!
我會報上午班,因為表姐e+讀緊k1上午班,到時婆婆接會方便d!!我地住在大興花園,囝囝一直都在婆婆處照顧,早出晚歸,所以都慣了舟車勞頓的生活,而佢都好鍾意siu lun幼稚園的環境!!

tszyau2000

cheuklam-mama :

welcome!
我囡囡都係同你一樣交比婆婆湊,但我就每晚放工後湊回她,婆婆就負責她放學,做功課,沖涼,食飯,星期日更加係自己湊!

LongLong_ma

cheuklam-mama ,

歡迎妳和囝囝加入我地的大家庭

tszyau2000,加加媽咪

女仔就最好.....唔駛煩......一定係"公主"啦.....不過.....加加都好有創意喎......扮老虎.....一定好得意!!!...不過....係邊o樹揾套"老虎衫"呀

cheuklam-mama

LongLong_ma & tszyau2000,
hello!!
聽到你們小朋友多姿多彩的校園生活都感到很有興趣,我的姨甥女對星期五的化妝會沒有什麼特別反應,反而我就好期待那日,想睇睇各小朋友的裝扮
不過見她好鍾意返學,又經常學老師,在屋企點名,都好好笑,見她返學咁開心,亦是揀它的主要原因!!

tszyau2000

good morning!

上年我囡囡k1時都係甘樣,好鍾意返學,又經常學老師,在屋企點名,總之d 言行舉止成個老師甘, 好攪笑!所以我都好鍾意同我囡囡分亨學校的事情!

cheuklam-mama 寫道:
LongLong_ma & tszyau2000,
hello!!
聽到你們小朋友多姿多彩的校園生活都感到很有興趣,我的姨甥女對星期五的化妝會沒有什麼特別反應,反而我就好期待那日,想睇睇各小朋友的裝扮
不過見她好鍾意返學,又經常學老師,在屋企點名,都好好笑,見她返學咁開心,亦是揀它的主要原因!!

加加媽咪

cheuklam-mama 歡迎你呀    , 記住以後多d入嚟傾吓計
我都好想睇到星期五化妝舞會d小朋友會扮d咩, 我諗實好得意啫...

各位媽咪, 你哋為小朋友預備好星期五的裝扮未呀???

Y.Y.

昨晚囡囡一見我就說:媽咪，媽咪，星期五化裝舞會我要扮鬼:evil:！我又不想她太誇張，又怕給其他同學仔笑，所以胡亂買了套緣色好似"小飛俠"連身裙連帽給她HAPPY

加加媽咪

歡迎你呀 Y.Y ,
"小飛俠"都幾好呀! 最緊要小朋友自己鍾意, 如果佢唔鍾意, 夾硬要佢扮都扮得唔開心啦~~.  

加加佢自己話要扮"老虎" 所以琴晚去"反斗城"買咗一個可以自己油顏色的老虎面具俾佢, 不過就冇特登買件"老虎衫".

Y.Y.

其實加加小朋友讀K1?K2?K3?

加加媽咪

Y.Y.

加加今年讀K1.  

LongLong_ma

加加媽咪,

我食lunch 去買衫俾仔仔時......見到有個老虎頭"cool"和尾巴.......妳有無興趣呀?....如有...我可代勞喎!!原來今年週街到係"萬聖節"用品....真係唔愁買唔到衫呀!!

chunchunmama

Hello YY,
真巧合啦!  我老公今日都買左套"Disney小飛俠"衫+褲比亞仔星期五扮下野, 你個套係裙?  原來有分男女裝架!
如果男女Peter Pan 一齊影張相就好喇!  一定好得意!

加加媽咪,
記住叫加加星期五個日扮埋老虎既叫聲, 一定會好神似喇!

tszyau2000,
你買左公主裙比囡囡未呀?  我老公話係花園街見到條白雪公主裙好靚, 好似二佰元左右。
不如星期五那天提早少少到學校, 同佢地一齊影下相先好吾好呀?
  
Marco仔仔，
你會吾會幫Marco仔扮下野呀？


[quote]
Y.Y. 寫道:
昨晚囡囡一見我就說:媽咪，媽咪，星期五化裝舞會我要扮鬼:evil:！我又不想她太誇張，又怕給其他同學仔笑，所以胡亂買了套緣色好似"小飛俠"連身裙連帽給她HAPPY

chunchunmama

LongLong_ma，
甘你亞仔會扮咩呀？

LongLong_ma 寫道:
加加媽咪,

我食lunch 去買衫俾仔仔時......見到有個老虎頭"cool"和尾巴.......妳有無興趣呀?....如有...我可代勞喎!!原來今年週街到係"萬聖節"用品....真係唔愁買唔到衫呀!!

tszyau2000

chunchunma:

原先諗住"公主"造型,但又要買套公主裙,唉~~~ 邊有時間,卒之今晚在"百佳"見到好多有關"萬聖節"的服飾,覺得有款都幾得意,不過我見d 衫其實都好單薄,岩岩呢幾日又涼左,我真怕小朋友們玩完"化裝舞會"之後,好易病到,所以一來無時間,二來又衣衫單薄,所以我就買左右"百佳"那套,最起碼我可以幫囡囡加多件底衫,無甘凍嗎! "Disney小飛俠"呢個造型都好岩chunchun,好啦,到時那朝見到面一齊影下相!