【Jayden之亂】大家點睇同小朋友講嘢中英夾雜？

YW18

依家英文咁重要，有邊個父母唔想小朋友學好英文？就算英文半桶水，都係想營造個英文語境啫。同埋香港人本身都係講嘢中英夾雜，而家搞到全城公審港媽，會唔會令到啲家長壓力仲大，唔敢喺街同仔女講英文？

poonseelai

ha ha, 今早見到有youtuber題目講jayden之亂, 你咁問我才去睇, 香港特色是中英夾雜, 唔覺有問題喎, 要show off 就全英文啦

jbbmom

好多香港人都習慣講嘢中英夾雜，不論對大人定小朋友。
唔知點解好似突然發現新大陸咁，其實一向都存在

akys

好多人諗多咗，識好多家長都係中英夾雜，之後孩子們語文都好好，其他嘢影響大啲。

febbiewan

香港人本身講嘢就係中英夾雜㗎啦，呢個係香港文化嘅一部分
有啲小朋友可能會學得慢咗嘅，但係我諗好多香港嘅小朋友都適應得好好

twhkleung

呢啲都係一啲譁眾取寵嘅題目, 又或者想借題發揮而已.

通常喺某d國家, 某啲地方, 存在多種文化, 多種語言, 多種口音, 呢個結果, 係非常之正常, 同係咪一個問題, 基本上係冇關.
- 星加坡人: 一句說話, 包括咗福建, 馬拉, 英文.
- 歐洲人: 識三四種種言, 一啲都唔出奇, 亦都因為咁, 幾種語言之間嘅詞匯, 相互影響, 形成一啲新嘅體驗嘅用法, 非常正常, 語言本身就在進化中. 不懂進化的語言, 才是真正的問題.

要搞到形容係乜乜"之亂", 就真係有啲多咗舊魚.

ANChan59

akys 發表於 26-4-14 19:35
好多人諗多咗，識好多家長都係中英夾雜，之後孩子們語文都好好，其他嘢影響大啲。 ...

我會中英夾雜，你見我在Ek的帖都係。

我仔踏入中學之後就不再中英夾雜，講廣東話就全廣東話，英文就全英文。我問過點解，他的回應是禮貌。

Dora310

香港人講嘢由細到大都係中英夾雜，我覺得溝通得到咪得囉