07年入讀蘇淅幼稚園5月20日新生家長會

See

各位好呀！因我今天打去問有關學卷問題。學校話當天可以帶埋學卷正本交比學校(佢地話打算當日先通知我地30號前交比學校，但家長會那天已經可以收。)，咁20號那天可以帶埋去，唔洗專登再去多次學校啦！

婕婕媽

See 寫道:
各位好呀！因我今天打去問有關學卷問題。學校話當天可以帶埋學卷正本交比學校(佢地話打算當日先通知我地30號前交比學校，但家長會那天已經可以收。)，咁20號那天可以帶埋去，唔洗專登再去多次學校啦！

多謝提醒

may1668

我今早都也致電學校，因為封信沒有提及交學卷的問題，學校應該要寫在信中，不用個個打去查問 ．
學校要求我們交9月份的學費全費，但學卷的部份會甚樣處理

vanustat

我剛剛打比學校問過,佢答我話教育局未撥款比佢學校, so未知點扣,要先交全數,到時會refung 番比我哋,仲有,份表上面寫住已向教育局申請07/08年學費加價,唉唔知加幾多.你哋d仔仔女女讀am or pm 呀

See

哈！我家畯畯B係讀下午班！到時見大家啦！如果有特別事大家上來互通消息！希望各位的仔仔女女都讀得開心！   

vanustat

我個仔臻臻又係讀pm喎,你住係邊?我住係筲箕灣.太開心,唔知會唔會編埋同一班呢?

y2kyiu

Hi. 你地有無考慮報搭校巴，我覺得它的校巴太大(旅遊巴)，小學生還可以，但幼稚園就驚危險，所以現在十五十六，唔知報唔報好。

婕婕媽

我個囡婕婕返上午班

vanustat

y2kyiu, 係呀我都覺得佢哋校巴太大,唔適合幼稚園d小朋友坐,如果你唔報學校校車,你有其他方法?如果你選擇出面d校巴,佢哋可唔可以宜接駛入學校,咁邊個帶小朋友入課室呢?

y2kyiu 寫道:
Hi. 你地有無考慮報搭校巴，我覺得它的校巴太大(旅遊巴)，小學生還可以，但幼稚園就驚危險，所以現在十五十六，唔知報唔報好。

MD

HELLO各位
我囡囡會讀am~
囡囡而家讀緊kcs的n1,校外車(保母車)係不準駛入學校停車場的,我見過保母車停係學校門口,小朋友由保母車的跟車嬸嬸帶返課室,落雨天可能會比較狼狽..所以我會比囡囡撘kcs的校車~
另外加學費的問題我今朝都問過,佢地話如教統局批的話大約加100咁上下  

iamchowchow

我女都係上午班呀  

MD, 咁你囡囡而家有無搭校車呀? 校車有幾多個大人跟車呢? 恕我無知, 有無安全帶架?

See

vanustat,
我都係住筲箕灣 不過因是返下午班，所以畯畯B會跟婆婆，所以佢會係小西灣坐校車返學。照我所知是有跟車同有安全帶。而且只要不坐最後，我想都唔會太危險。所以我會教佢唔好坐最前同最後。

vanustat

咁啱,我哋咪搭埋同一路線既校巴。阿仔到時有伴。我媽咪又係住係小西灣富景。不過阿仔係亞ma湊,so 會係筲箕灣耀東商場到上車。

See 寫道:
vanustat,
我都係住筲箕灣 不過因是返下午班，所以畯畯B會跟婆婆，所以佢會係小西灣坐校車返學。照我所知是有跟車同有安全帶。而且只要不坐最後，我想都唔會太危險。所以我會教佢唔好坐最前同最後。

MD

iamchowchow
kcs的校車係有安全帶的,跟車每車有一個嬸嬸同一個老師~
我囡囡而家係由工人送返學,我覺得2yrs太小了,撘校車好似唔係咁好;而家囡囡大個好多,我已放心比佢撘校車啦
加上當時計過條數,2yrs坐車唔駛$,就算比姐姐車費都底過坐校車~
我囡囡會撘H線,你呢?

iamchowchow

我女會搭G線呀.

你囡囡而家講國語得多唔多? 講唔講到句子? 我開始擔心阿女返學一舊雲. 佢而家子只識一d響幼兒園學過既日常用語單字

MD

其實佢係家對住我只會講廣東話,不過我試過用國話問佢係學校的事,如:
[今天上課有沒有吃點心?]
[吃什麼?麵飽還是餅乾?]
[渴水還是牛奶?]
[有沒有幫忙收玩具?]
[有沒有乖乖排隊去洗手間?]
囡囡都識用國語答我,但佢就好小係屋企主動講國語;有時同佢溫習學校的書,用國語問佢問題,佢都會用國語答我,答中會讚自已:[好棒啊]
老師就話佢係學校會國語+廣東話同老師溝通,所以我估計佢仲未識得太多的國語詞彙

vanustat

MD,
我想問KCS 老師嚴唔嚴? 你阿女讀得開唔開心呀!
因為我有d擔心,怕個仔唔適應.而且阿仔而家係幼兒園讀緊
N1.今年9月會係KCS 讀下午班.我聽人講話KCS老師好惡.
而家仲15/16, 我又唔想一次個交5期校車費,萬一到時想退
學,咪浪費.你可唔可以講解KCS 資料比我聽.

MD 寫道:
其實佢係家對住我只會講廣東話,不過我試過用國話問佢係學校的事,如:
[今天上課有沒有吃點心?]
[吃什麼?麵飽還是餅乾?]
[渴水還是牛奶?]
[有沒有幫忙收玩具?]
[有沒有乖乖排隊去洗手間?]
囡囡都識用國語答我,但佢就好小係屋企主動講國語;有時同佢溫習學校的書,用國語問佢問題,佢都會用國語答我,答中會讚自已:[好棒啊]
老師就話佢係學校會國語+廣東話同老師溝通,所以我估計佢仲未識得太多的國語詞彙

MD

vanustat
其他班我唔知啦,但我囡囡個班的老師好好,我覺得佢好細心,試過佢見到我囡囡手腳有瘀傷都會打電話問我知唔知,仲話問過我工人(因工人接送囡囡返放學)工人同佢講係囡囡自已撞到的,佢想同我確認下係咪真的~
我囡囡好鐘意返學,放長假時會話:[我想返學呀],我又問過佢鐘唔鐘意老師,佢話鐘意
話分兩頭,其實我覺得老師有適當的'惡'未必係一件壞事,我個人就唔係咁介意,最緊要唔係打就得啦  

vanustat

MD,唔該哂你。我想問上堂全部用普通話?知唔知一星期裹面有幾多堂有外籍老師教英文。咁英文方面你個女OK 唔 OK。
唔好意思。咁多野問。   

See

vanustat,
照我所知係每日都有一堂英文。同埋我地都唔洗太擔心啦！小朋有適應力同理解力比我地大人好好多。不過如果小朋有未曾在全外語環境下活動時，可以在暑假上外語班適應下先。我就在循道報了國語班比佢玩下！