講下:一打開佢地d功課既感受....

Lovely媽咪

噚日阿少爺要做2篇週記,星期六仲同佢講唔知會唔會又要閙交先做到呢,佢笑笑口話"應該唔會既",因每次做呢樣功課就係我地最易閙交的時間.
點知好安全咁做完第一篇,到第2篇佢又開始唔想諗,不停咁問我點寫,當我開始想發火時,佢突然用手拍我背脊講"定啲嚟,唔好嬲..."真係俾佢啲行為激到唔知好嬲定好笑.
因每一篇都要120字,佢居然諗到"星期四是三年級,四年級,五年級,六年級開運動會,因此一年級和二年級不用上課"咁樣就可以寫多啲字數

G-Ma

我有個朋友既理論係幼稚園開始就搵一間超"谷"既學校比佢, 等小朋友當左溫習同做功課係遊戲, 咁上小學就會無咁辛苦.  見佢囡囡讀書真係幾叻, 自理能能力都好好, 不過就少左d童真, 同埋有d呆呆地咁.

[quote]
YongXin 寫道:

所以幼稚園開始就要訓練.

K1同K2我比阿女盡情happy, 響屋企唔講溫書.

但到K3下學期, 學校都開始聽寫能力啦(算遲添喇!), 不過唔深, 學校無壓力, 就我比壓力囉! 壓力唔一定係壞事來既.

依家晚晚同阿女默書, 等佢慣, 等佢知咩叫溫書, 咩叫入腦, 咩叫專心, 唔係到九月開始上小一, 佢會突然覺得好辛苦.

有默錯唔會鬧, 默多一两晚就熟; 但無心機讀就即鬧. 連續默得好就有小獎.

YongXin

咁幼稚園咁細就谷, 好似好殘忍, 阿女依家呢間都係主張愉快學習, 係到K3下學期至開始有適量訓練, 涵接小學課程.

唉! 係咁現實架喇! 我唔係好信到小學仲可以愉快學習, 邊入到腦架? 小學用來啃多啲料, 中學用來訓練思考同分析.

佢地精過鬼, 點會當左溫習同做功課係遊戲丫.

如果花師奶, keroro, 蘇絲黃同佢地講功課, 咪又係一樣會擔泥咁! (阿女好鍾意 "一粒鐘真人show", 阿蘇講過咩都記得, 但係叫佢計數串字就好似誓願咁.)

[quote]
G-Ma 寫道:
我有個朋友既理論係幼稚園開始就搵一間超"谷"既學校比佢, 等小朋友當左溫習同做功課係遊戲, 咁上小學就會無咁辛苦.  見佢囡囡讀書真係幾叻, 自理能能力都好好, 不過就少左d童真, 同埋有d呆呆地咁.

[quote]

Charlotte_mom

呵, 果然, 有字數limit, 小朋友就乖乖地......
我個女上次要用"藍天"作句, 佢第一樣唸到 "藍天博士今天....." 即時俾我ban左 -_-"""""
於是改正後, 變成"藍天很藍"   真係     

ho3186

而加响樹講呢
佢地真系好似失散左d同類咁既
睇下d case又真系幾好笑
點解佢地咁厚面皮, 咁灑脫既.....
睇人地果個仲覺得幾可愛0y

但系當在其中時
真系"興"到上沸點呀
    

羊咩咩太太

中文作文我都比亞囡 ,佢話要夠字數,終於佢攞哂成家用黎搭夠呀.
如題目係開心.佢會作
明天是星期日,爸爸.媽媽.哥哥.姊姊.我.弟弟和妹妹一起去郊外旅行,我們玩得很開心.
死未,對...句子很完整,但係寫得黎都天光了

ho3186

唉又系咁啦

林0訓先話明天好似要默書wor
我....我真想嘔血
我今次唔會幫佢咖啦
等佢聽日點死

natalieleung

我女夠衰啦，昨天吾肯給我check功課，要妞計吃暑片，我話check完功課,默完書先，她不肯，還說:

女:    我要求１樣，你要求2樣吾公平，話我要求多多,
我:    好啦！我說以後吾睇功課吾

carcar123

咪係, 佢地可止係選擇性失憶呀, 仲係局部性腦部發育超強呀！八卦野就過目不忘 呀!

今日派返黎張中文測驗, at least 有成6分係 careless mistake, 佢自己都知個 answer 應該填 "相框" 佢 fool 到填左 "相相", 仲有一題唔睇清條題目又唔用腦, test 前一晚先提醒佢 ("踮" 起腳尖) 個 "踮" 字一定會出, 佢竟然填 (小高要 "舉" 腳才能拿到架上的書) 喎...! 我問返佢, 你老師叫你地上堂發問時要 "舉手" 定係 "舉腳" 丫, 佢就笑到死,  大人講錯野或發音錯左, 又或者寫錯字, 就懶醒咁糾正人, 真係比呀大少激死呀..!  

麟媽媽 寫道:
唉吖！佢地真係選擇性記憶架！
我琴晚同個仔默書，佢仲軟皮蛇咁激死我啦！
唔知默一句有個make 字，睇住佢寫錯，
問佢點串？佢話︰M~A~K~E~ 囉！！
我話咁你做咩寫︰M~A~R~K~？？！！
佢仲一味「Gee~~Gee~~」咁係度笑！
你話死唔死？！我差D 嘔血！！ :evil:

ho3186

今曰之衰我都費事睬佢  簡直吾見棺才吾流眼淚！

natalieleung

講得好呀
成日都系老馮咁
我決定聽日都唔采佢呀
黑人憎
而加好似系佢幫我做咁wor  
米等佢地以為呀媽就"蝦"得   

師奶

我簡直日日求個仔寫好d中英數d字,人哋最多一科寫得唔好,佢就三科都寫得唔好，全部功課都要刷晒,人哋做2個鐘頭功課佢做夠4-5個鐘,有幾慢得幾慢。
買刷膠係一打打咁買,問佢"你係咪攞黎食架",佢就好慘望住你咁。
次次鬧佢都係為寫字,如果個仔可以改下d字寫好d,就好喇！     

WYmom

I think it is more important for the kids to have interest to learn and have really learnt more than having them writing words beautifully.  It is very discouraging to the child if you rub off all their homework and ask them to re-do again and again.  If you were the child, will you feel happy doing homework repeatedly for 4 to 5 hours?!

師奶

Hi WYmom
我很明白你為小兒好,我身邊家人及朋友都以為我要求高,直至他們見過他的功課,無朋友及家人話佢寫字合格,可惜我唔識copy佢本筆記簿給你看，這本筆記我冇要佢刷過的,一定會嚇你一跳,小兒由k2開始班主任已經叫我留意佢寫字。
三年級初期我學其他媽咪放手唔好刷功課,結果一課書老師打回頭重抄再重抄再重抄,連續三次重抄，為了完成功課只好要佢刷。做4-5鐘頭功課不是不斷地,只是他很慢很慢地做功課。
我用過獎勵方法也鬧過,總是他不喜歡抄寫,每次我都明確表示我冇需要好靚好靚,只求佢不要寫錯或寫少，係t就唔好寫f,係g就唔好寫成y,中文係長就長,就唔好寫少d野...苦冇辦法只好刷走唔好d字,但都要做咁耐！
我唔想咁,但唔知有物好辦法。
    

ohmama

有冇留意他做微細動作時手指的靈活程度? 例如剪直線,曲線有冇問題?砌微細模型有冇問題?如果連玩的東西都做不好,可能是他的手眼協調有問題,那你就不能怪他寫字差

有時間,跟小朋友玩一些找出兩張圖畫不同之處的遊戲,訓練他們自己找出錯處,可改善把24抄成14的問題

師奶

唔關手眼協調事。
係佢唔專心同冇心機做功課。   
多謝提點！

andrewmummy

我個小朋友都係呀     

lion

師奶
橫掂都要寫幾次，不如叫在另一張紙或薄先寫，寫到整齊/準確後才抄寫在功課薄上，這樣便不用花擦薄的時間。當然，做左一排有d進步時都要正面d鼓勵下佢直接寫返落功課薄，讚下佢，提升下自信，始終test & exam都係一take過。
另外，如果寫少d字，他會否寫得好d，有心機呢?
學書法班、寫copy book 又有用呢?(寫copy book當然 要實行獎罰制)
祝你盡快擺脫苦難

hhma

唔係化...一日有幾多時間比你甘做呀
甘搞法佢咪重無心機

lion 寫道:
師奶
橫掂都要寫幾次，不如叫在另一張紙或薄先寫，寫到整齊/準確後才抄寫在功課薄上，這樣便不用花擦薄的時間。