一般人對s位的誤解

babymaggieleung

hinhinmummy,
thx!
曾經我都想過同雪雪去批吓命,改吓名咁,但係諗深d,如果改吓名就會好,咁就唔會有咁多小朋友有事啦!算命既嘢信就有唔信就冇,算左出黎唔好既話,自己又會唔開心,又成日凝住凝住咁,所以唔敢再諗算命既嘢喇!(以前我都會去求吓籤果d架)

啱架,軒軒真係好好運,好幸福,因為生喺你地既家庭,有父母家姐疼愛,唔係每個有病既小朋友都可以得到家人既愛架!所以有你地咁愛軒軒,對佢黎講,佢已經係世上最幸運既人!

你個仔真係幸福, 有個甘有心機的阿媽................

里句說話我中心既導師都同我講過,小朋友最幸福既事情就係得到摯親既愛嘛!我地都唔愛佢,咁仲有邊過愛呢!

唉~~!如果有機會的話,可以同你見吓面,傾吓計,我諗係一件唔錯既事呀!因為其實我對小雪既將來都有d模糊,無論係揀學校同將來既生活都充滿疑惑,而家諗定升小學既事,會唔會快左d呢?因為我對小雪能唔能夠讀返主流學校真係冇乜信心呀!

hinhinmummy

WMBABA

呵呵, 你同我的諗法一樣, 果位媽咪, 都係想係樹搵個support, 証明佢無做錯.....................但言語間表達得吾好, 或者應該話, 手寫我口

病..............好返啦..............唉....................

跟住到個女..............尋日到老公

今日叫工人, 用1:49 將全間屋消毒, d 床單, curtain, 全部拿出去焗, 毛巾牙刷全部換過晒新

還叫佢用1:49 倒落地下浸10分鐘之後先好抹走...............希望有幫助

小艾比

wmbaba,

   講得好, 昨晚睇到那位家長回應"唔好放棄佢,所以我想仔仔唔入s位住" 個心真係好唔舒服.  今早見到你呢篇reply 正正講出讀緊s位小朋友的我們呢班家長的心聲.

"這是父母的責任，他們有權力及義務去決定孩子要走的路" 說得對, 我囡囡幸福, 因為有我呢位理智的媽咪親手踢佢入s位 (因為原先她是讀緊i位的, 雖則當時仍有進步, 但見佢與同齡小朋友仍有距離, 我就求有資格批准她轉入S位的高層人士幫她轉入S位), 讀了半個學期喇已進步好多, 砌PUZZLE當然由一塊都不懂砌到現在何止6塊呢, 而係呢個數量的一倍有多呀. 講清楚先, 阿囡都係未夠4歲嫁.

所以大家努力, 不要只看你目前見到的事, wmbaba話事計
"是對是錯時間能夠証明".

wmbaba 寫道:
hi hinhinmummy:
很久沒有在bk見 :)

我的女兒現正在就讀S位的小學二年級，若果你有問題想問我，能力範圍內我嘗試和你分享。

看過有關的Topic我沒有太大反應，我覺得這位家長只不過是想增强一下自己信心，然後寫下這個放棄S位的topic。若果這位家長能和孩子一起練習一起學習，i位和S位也不必太介懷。若果家長不和孩子一起練習不一起學習，只選擇i位和S位那一間教得比較好，同樣地也不必太介懷。這是父母的責任，他們有權力及義務去決定孩子要走的路，是對是錯時間能夠証明，hinhinmummy你也不必太介懷。

好心，病就唔好睇D咁刺激既野喇人地媽咪。

有福依然在，世界更可愛。

hinhinmummy

maggie

我諗呢樹的媽咪, 都有著你的問題, 但我相信, 只要自己盡左力, 做左自己應該要做既野, 小朋友得吾得, 呢d就真係要看神的安排, 只要將來望返轉頭, 吾會後悔就足夠

就算小朋友真係要讀s小學, 可能對佢地黎講未嘗吾係一件好事, 我自己都set左時間, 如果見到軒軒第時入主流小學係吾得既, 都會幫佢轉返去s小學, 雖然心吾想, 但為左個仔, 我吾會猶疑

markojacey

我也是因為兒子能力還未達主流小學的程度而幫他選擇了S小學，而他讀了幾個月也有不同的進步，真係多謝學校老師，治療師等人的協助 。

如果能力可以的話，我也會讓兒子轉讀主流，可惜暫時呢個階段未到，所以我也是按照他的能力選擇適合他的小學，也希望讓他愉快地成長。

祝各位有小朋友就讀S位的媽媽永遠開心快樂，雖然我們前面條路還有很長要行，但是大家繼續努力吧！

pamam

One of my friend's son is definitely global dev delay(at least more than 1.5 yr), his parents/grandparents are all well educated, the grandpa is a doctor, I am sure they know something is not right but they just can't accept it.........they refused to let the boy to do any assessment, they won't even listen if anyone starts talking about it. That boy is going to a Band 1 primary school this Sept, I just feel sorry for him,  because of his family's pride, he missed the golden window for therapies and I can foresee his misery in that school.

I believe our special son's future is a lot brighter than those with parents who care more about their pride than their son's best interests.  

babymaggieleung

到小雪要揀學校同前路既時候,一定要向你取吓經至得喇!
有次去醫院覆診,同一個18診既弱兒既家長傾計既時候,俾另一個弱兒既家長聽睹小雪讀緊s位,果位媽媽佢教我話,如果小雪5歲評估左萬一係中弱的話,到時配學位時,如果派中度位俾我,叫我千其唔好要,一定要幫亞囡爭取一間輕中既學校,佢話評估中心係就小朋友當時既表現而做出評估,如果小朋友當時唔合作就有可能會被降低左,咁就要同亞囡爭取返一間輕中學校,咁囡囡第日至有機會upgrade返亞囡,同埋中度學既嘢,都係d生活技能既嘢,好似工場咁,冇書讀(果個媽咪係咁講),佢話如果亞囡本身係輕度,但係被評為中度,而又入埋中度學校,咁就一世喇!(佢係咁講)我都唔知係咪真係會咁

但係又諗,仲有3年幾至夠6歲,里段時間唔知亞囡會追返幾多,會唔會太早諗小學既事呢!同埋想問,你軒軒讀s位既初期,有冇去參觀s位既小學架?

hinhinmummy

MAGGIE

我諗呢, 你多d同中心的主任傾計, 佢地會比到suggestion比你, 因為我都係上年summer, 主任約我傾計, 先同我講, 可以比軒軒試下讀主流的溶合位.............但亦提醒我, 如果見到吾對路就好出黎, 吾好side時間

至於將來的問題, 真係吾敢諗, 我都係見步行步

輕度中度.................我亦無諗過

參觀小學.............呵呵我又係好懶, 一間都無參觀過

因為我都係信口啤多d, 眼前看到既野, 可能係好表面又或者係美化左, 我都係聽d 入左去讀的家長意見同主任的意見..........但黎緊, 都會鎖左一兩間, 會去參觀, 有時點都要看下d表面野既

wmbaba

HI Yraymond:

先say 句 sorry 我D英文係有限公司，我去嘗試回應你的問題。
1.經驗分享
若果由女兒出世後說到現在八年的經驗很長篇，容我分享過程中一些比較重要的經驗。

先講我女兒的弱能問題，先天性心臟病、左耳全聾右耳嚴重弱聽、深遠視及散光及左眼小許外斜視、中至嚴重弱智、肌肉張力低、專注力弱等等

略過女兒出世後覆診治療當一天自由行的過程。跳到第一個重要決定，在三選一的情况下選擇；銀紙(工作)、面子(傳統觀念)、照顧孩子。我選擇了照顧孩子，然後親人在不知者不罪的情況下給了我很多壓力。在這個情况下我漸漸學習到控制自己情緒，總算過了一關。有失必有得，失去了銀紙、面子，得到了女兒四歲半時踏出她人生的第一小步(這時我還未能完全放棄工作，仍有做跟車兼職，因為未上公屋)。

第二個重要決定，在二選一的情况下選擇、中度小學、嚴重度小學。期間我問了一位幼兒中心主任的意見，後來就沒有再問其他人的意見，和太太商議過後重點放在學校是否就近我的居所、學校是否設備齊全、學校是否人手充足。最後選擇了嚴重度小學。

另一點
What should we do; What should we not do?

我覺得心態很重要，一切由孩子出發。就算孩子不能表示，只要家長留心他的身體語言，總會找到孩子需要什麼。

懂得釋放自己也很重要，無論如何要定時放自己假，不放假我擔心你會漸漸把自己收埋也不自知。

不要當自己是超人，以我女兒的弱能為例我要讀幾多年書才能獲得這麽多專業?要知己知彼能做的自己做，不能做的求助於別人，求助不了的學懂放手，你和孩子不會因為一個問題解決不了而不能繼續走下去的。

最後一點：不要拿孩子來比較，你的孩子就是你的孩子。

good night

brenda0505

hi babytszkin, 我記得啦, 個日星期五係門口同你微笑say hi mum, 原來我個仔同你一班嗎? 傻下傻下真係唔知, 3號家長聚會, 又見面啦 :

babymaggieleung

wmbaba,
     冇諗過你係一位爸爸,而且仲願意為左孩子放棄銀紙同面子,當一個男人,肯為兒女放棄一個男人最重要的東西,好不容易呀!我真係好敬佩你,真心的呀!
[不要當自己是超人]里句話正正講左我既心事呀!我爸爸媽媽年紀大喇,99同62又要返工(而且佢地同囡囡好多"意見")我5個兄弟都不會揍小朋友,佢地D女朋友更加唔識啦!我老公專心搵錢養我地,講到揍女就慚愧喇,個女就黎3歲,爸爸都未識開奶=.="所以其他就更加唔洗指意佢幫睹手,結果我喺冇辦法之下唔可以唔當超人,我都好想休息架,無奈冇人可以幫手揍女,有時自己病左都仲要死頂,同朋友出街食飯,亞囡又唔識坐,攪到好唔好意思,結果就越來越同朋友出街喇!連一家3口出街都好少出去食飯喇!
有時都驚自己會不知不覺收埋自己,仲驚自己會抑"屈"添呀!好在得閒上黎BK傾吓計,唔係我諗我痴左好耐囉!!   

babymaggieleung

軒軒媽,
我參觀過一間輕中,學係話頭[美化左]咁樣,設施好好咁,不過就唔知佢地係咪真係教我好囉!
之後中心攪參觀[松嶺]...我都冇去喇,一黎覺得個女仲細,唔洗咁早,2黎唔希望亞囡有資格入(里樣係自己呃自己既,不過邊個父母唔"車"望小朋友可以喺里幾年進步多D呢),3黎自己了解唔多,睇左都唔知人地講乜,倒不如學係話頭,聽吓人1地讀緊既家長講好過!

YRaymond

Thanks for your sharing!

wmbaba 寫道:


最後一點：不要拿孩子來比較，你的孩子就是你的孩子。

good night