95區家長你地會點排位呀?

alkyng

yeeli:

証明你0既辛苦無白費, 咁就最開心. 黎緊九月大家真係要一齊努力

alkyng

Miholo:

原來你同我一樣想法, 本身我同老公都唔抗拒多小朋友唔怕煩, 而且我成日想萬一我同老公死後, 咁有幾兄弟姊妹可以互相照應, 所以我依家想要多個仔, 係因為將來多個男人拿主意都會好d.

不過最近比大女個身體攪到我有d怕怕, 成日響度想仲應唔應該生多個, 因大女早三個月開始感冒, 後來食極藥都唔好, 後來醫生話d菌入左鼻, 變左"鼻竇炎", 點知一直醫到現在都仲未好得晒, 只要一停藥d綠鼻涕同咳就會再出現, 所以令我好煩, 我今晚又要帶佢去覆診.   

alkyng

yeeli:

我睇開個兒科係近排好紅個位梁醫生 , 我地都種左菌, 但又不幸地發現我個女對好多種抗生素有抗體, 呢點我真係唔係好明點解會咁, 梁醫生仲話再係咁就要用打針方法來醫, 每日打兩針, 所以佢話萬一要行到呢步就要安排入院住一個星期會好d, 到時幫個女種豆係隻手到, 就唔需要打咁多次針, 不過我已決定今晚帶個女去嘉賓睇另外一個醫生"葉鵬飛", 都係一位媽咪朋友介紹的, 今晚就知呢位醫生有無乜野見解, 而我就好希望佢比到希望我.

至於公文數個度一定唔會有其他野學的, 只有公文中, 公文英及公文數.

alkyng

各位:

多謝關心!! 我已睇左葉鵬飛醫生, 他大致上都係話我個女d鼻竇炎未好晒, 所以令d鼻水倒流引致成日咳, 不過佢都係話如果再有綠鼻涕或發燒就一定要入院打針, 因為佢今次呢隻細菌好勁, 有好多食得0既藥都起唔到作用(隻菌有抗藥性), 所以佢比左三支藥水再加一支salt水沖鼻, 而我自己個想法, 即管轉個醫生, 或者葉醫生開0既藥同以前梁醫生唔同, 或會對個病有d效果.

另外我都有帶個女去新都城三期間仁安分科診所睇專科, 但佢一講就話一定係慢性, 如食左佢開d藥唔得, 或許要做手術 , 所以攪到我有d亂, 因為以前梁醫生從來無提過我個女有需要做手術, 咁後來我再無去睇個專科, 後尾我樓下有個媽咪介紹我去睇葉醫生, 因之前佢個女又係有鼻竇炎比佢醫好的. 所以希望我個女響過年前可以好得番.

alkyng

miholo:

聽到你個女咁我都鄧你辛苦呀! 咁你平時有無煲d野比佢打好個身子呀? 我個女因為仲會飲奶, 所以我會朝早會淮山水沖奶, 夜晚瞓前用粥水開奶, 平時隔一個星期煲開奶茶及竹蔗水, 有時仲會比下保嬰丹個細女食, 久不久又會煲菊花茶或雞骨草全家清熱氣, 而大女自從有左鼻竇炎後, 依家每日仲會食一粒蜂膠, 你地話係未好恐怖, 攪咁多野都仲要去睇醫生, 所以依家d菌真係好惡, 我今日先響到想雖唔雖要再做多d善事.

95區家之家長會 或 大家庭盡在95區, 我都覺得呢個提意幾好, 咁我可以去邊到搵到呢個題目呀.

alkyng

miholo:

咁就啱嗱, 我剛剛幫個女用salt水沖鼻, 但原來我唔醒起問醫生要唔要給入去, 還是要個女唔好抖氣, 等我沖dsalt入去後比佢流番出來, 因為個女不停用個鼻給晒入肚 , 正打算入黎bk搵媽咪問下, 點知你話用過, 麻煩你話我知丫, 我依家驚個女食左d salt水唔知得唔得

alkyng

miholo:

淮山水 = 去南北行買d淮山番黎, 價錢唔會好貴, 可以一次買多少少放響雪櫃, 之後每次用十片放d水浸一個鐘, 跟住張d水掉左去, 再張d淮山放入d新水到煲, 見到d淮山變大及軟, d水又有少許奶白(好少好少), 咁就熄火待開奶. 淮山呢樣野都係響公園d老人家教我的, 佢地話淮山健脾, 如小朋友食極唔肥唔吸收就最好比淮山佢地食. 不過當時個位老人家教我將d淮山磨粉煲粥, 但南北行d職員話唔得, 因為淮山表面有d"流黃"(唔係太記得係唔係呢樣野, 不過總之表面個層粉最好洗走), 所以比小朋友食的話, 就要浸一個鐘再煲會好d.

alkyng

miholo:

葉醫生比左支針筒我, 叫我注入5ml salt後再唧入個鼻入面, 但就無同我講過要唔要流番出黎, 還是給入去, 因我頭先見個女響到抖氣時, 吸晒入鼻再流入喉龍吞入肚, 所以我唔知咁得唔得.

alkyng

miholo:

至於d粥水就係好似平時煲粥咁, 到咁上下就拿d粥水出來, 放涼後沖奶用, 呢個方法就係我d長輩用開的, 佢地話因為飯可以正氣, 所以我兩個表弟妹由bb時已用粥水沖奶, 佢地d肉就生得比一般bb結實, 有時個女病左無胃口食飯, 我就更加會用呢個方法沖奶飲, 咁就會有飯氣到肚.

alkyng

miholo:

等我聽日打去問清楚先, 因我個支只係普通針筒, 所以我都唔知點控制, 只係好記得個姑娘話唔需要伸到好入, 只要放響鼻哥"龍"門口度唧入去, 而且仲話唔需要將個頭向高, 只要水平線就得, 不過唔知點解竟然一滴都無流番出來, 比個吸晒入肚.

alkyng

miholo:

不要給它流出, 因它須從鼻腔流到口腔

"先給妳看" ----- 這個有d唔明wor

alkyng

miholo:

原來係咁, 因為之前個醫生比我個支就係一支原裝0既唧鼻藥水仲有少少類固"順"tim(唔屬於salt水), 但今次這支salt水就係用普通藥水樽裝的.

alkyng

miholo:

我要去瞓嗱, 聽日再同你傾,    

alkyng

halaha:

我緊係唔介意你搭嘴啦, 大家交流下丫 .

我通常會用十片浸完一個鐘後唔要d水再重新加水煲大概一個鐘, 個時d水就會有少少奶白色的, 因為我要比兩個女飲, 所以我就會用十片, 煲完之後d水夠沖四支奶(每支放五安士), 我用呢個方法已好幾年了, 妹妹由八個月開始就用呢個方法, 其實d老人家話每日煲湯加幾片都可以, 因為淮山個味好淡唔會影響d湯個味, 咁樣就連大人都可以健脾開胃.

alkyng

yeeli:

我今日打左去問醫生, 佢同我講要將d salt水沖入鼻後等佢流番出黎, 唔駛吸入個肚到, 但我個女好似掌握唔到, 好多都比佢食晒 , 不過醫生話食左都唔怕不過會好咸. 另外想問下, 如佢病緊可唔可以食冬蟲草的, 還是要等好番只可食 .

alkyng

tracyfo:

我個女k3, 來緊九月先小一, 你個小朋友幾大呀, 響邊到讀書.

alkyng

tracyfo:

我住新都城二期, 我地一直都係揀將軍澳天主教小學, 本來有想過考私校或直資, 不過後來無去考, 因為就算收都未必讀, 因為我仲有個細女, 所以想留番d錢比d女學下其它野, 或補習用.

alkyng

yeeli:

喊就無, 因尋晚第一次沖, 今朝起身返學時幫佢再沖時已唔多願意, 攪到我要脅佢話唔沖到時唔好番, 就會比醫生捉入醫院打針, 佢先至就範, 所以喊個位係我至真. 又心痛又無奈

alkyng

Dear All,

今日個女放學返到黎(5:30pm)個樣好恐怖, 眼肚青黑青黑, 個樣仲好似好疲倦咁, 最慘就係咳多左仲要有痰聲, 你地知唔知食化痰藥係米會令個小朋友咳多d架, 我好似曾經聽過醫生咁講但又唔係好記得  

alkyng

Yeeli:

我個女已經無得食抗生素, 因為佢隻菌已經對所以可以比小朋友服用0既抗生素都有抗藥性, 所以佢再唔好番就要用針藥, 每日打兩支針仲要打足一個星期