囡囡interview後，夜晚發燒，講夢話

ArgusMum

你老公又好似過份左d喎...
而家先至係in 幼稚園..仲有好多關要過架.小學,中學, 大學..幾時擔心完??
呢兩間考得唔好,唔代表"完","無"架....為何要比壓力個囡????
講真.我都好明白做父母既,一定想子女考到好學校..我自己兩年前個仔考幼稚園我都好緊張..但我只會對住46緊張...自己有壓力,都唔想比個囝知道....何苦攪到佢地咁呢????

苦瓜媽媽 寫道:
囡囡in完培正同民生之後，可能因為表現不佳，（佢唔肯單獨見老師，入去又出返來．）完着之後佢又係咁同爹地媽咪say sorry,話以後唔會咁樣了．我都冇所謂，佢得個兩歲八個月人仔，你想佢點樣啊？！　最衰老公係度哎聲嘆氣咁話：冇了冇了，冇希望了！況且囡囡都好生性，衰在佢冇mug胆，內向怕生人，咁樣interview肯定輸俾人了．
點知夜晚八點開始發燒，仲愈燒愈高到３９度，又講夢話要同媽咪一齊．帶佢看夜診，講埋日頭過d野俾醫生知，醫生話佢冇病冇痛，可能係過度惊慌同緊張．我都唔係好信，仲覺得個醫生冇料．但係第日起身囡囡真係退晒燒，咩事都冇！我地仲去参加小朋友生日會tim.　
我開始覺得醫生講d野係有道理．