教兒子!好疲倦

小肥肥晴晴

當我陀住囡囡嘅時候,佢爸爸已經入咗去戒毒,身邊嘅人都叫落咗佢啦,但我無理會佢地,反而會話呢個係我嘅決定,最終嗰句BB係無辜,佢無理由因為我同個廢人嘅事而受到任何懲罰,終於無人支持下我終於生咗佢,喺我嘅人生入面就多咗小肥晴同我一齊,開心唔開心幾難過,我同女女都過咗６年,但係呢6年真係好難過.............!
肥晴9個月患羊癇症,經常抽搐而導至言語,大肌及小肌都緩慢,到1歲因為尿倒流流番入腎,搞到兩邊腎有疤痕,要食6年抗生素,呢幾年女女辛苦極了,但佢唔會俾你睇到佢驚,佢痛,從來打bok,抽血,插尿喉放尿,都未喊過,仲好乖咁俾姑娘制,我成日同人講呢D小朋友係識體諒,關心身邊嘅人,反而叻嗰Ｄ小朋友係能力方面係做到,但決乏觸感,唔會感受身邊嘅人,認同嗎?
一直以來肥睛都係單親家庭,用我全副精神都只係俾到母愛,佢完全唔知道咩叫父愛,我係同肥晴一齊訓,每晚我見住佢訓內心就好痛苦,為何要佢受苦呢!

a961115

Hello IvanLai
  
從妳的文字中, 可以感受到妳的無助和痛苦.
希望妳能支持下去, 不要言敗.

markojacey

IvanLai,

您好！我也有一個自閉症兒子，現就讀特殊學校小一，妳所經歷的，我曾經也試過，只係老公果part有啲不同，近兩年開始多參與。
不要講話妳的小朋友，就算我個仔依家6歲，有時問佢返小學，學咗啲乜？佢都唔係時時答到我 :cry: 。我都係睇番佢啲課程簿先知。
至於大小便，小便佢就好細過讀普通幼兒園時已經學會，重叫佢daddy demo俾佢睇， 反而大便都係近半年先成功    ，因為佢好偏食，又唔肯食生果，時時便秘 ，每次都好辛苦，要用"甘油pump" :cry: (我都知咁樣做唔係咁好)，但係近半年，唔知是否他自己開"曉"，知道唔舒服，唔駛用藥都得，但係佢唔係次次講出嚟，係我同工人發現佢啲舉動有異，問佢，佢就話要疴，真係俾佢激C 。
所以，IvanLai，比心機    ，我哋一齊努力吧！

markojacey

IvanLai

markojacey,

我的兒子第2年讀k1啦，上課時仍然唔明先生講乜，所以幾乎喺無學東西。想問吓妳，妳的兒子是不是在普通幼兒園讀到畢業，你的兒子有否像我的兒子一樣唔明先生講乜，如果有妳是怎樣處理的。

IvanLai

tung1999121

西梅或apple得吾得呢？？？   

siubakto

....這時我的心很痛跟住就摟住他喊，覺得好對唔住佢，有想過放棄、有想過和他一起结束生命咁就唔駛咁煩，但又想起他笑起來的樣子很可愛，而且我也無權去摧毀他的生命，這個念頭便會打消....

真正的幸福，是要能通過看起來過不到的關卡才能得到的。在最絕望的時候，再堅持走多一會，曙光就會出現。祝你和你孩子能得到幸福，努力吧！Aloha！

jennyho

Ivan Lai,

其實我同你個ｃａｓｅ都幾似，個老公都係愛理不理，佢對住個仔都係好唔耐煩，叫佢同個仔玩？好難喇！就算連我同佢溝通都係少之又少，有時佢都會打個仔，但每次我都一定會勁鬧佢，因為佢咩都唔理，有咩資格打個仔呀，不過，有時要去做物做物，我都會叫佢請假倍埋一齊去，當然佢只係齋坐，我成日都話佢，點解可以咩都唔理，唔通個仔無你份架咩，但佢都係無咩反應，一樣係咁，所以我而家都廢時理佢理唔理個仔．

至於返學個度，我個仔都係唔知老師講咩，老師都話佢好多功課佢都唔明係要點做，所以我見到其他同學有既功課，我個仔係無，我都唔係好知要點做先幫到佢，但我相信佢地係會有進步囉，大家一齊努力！

思佳媽咪

唔肯痾屎，現在差不多三天才一次大便，時常夾大脾唔比舊屎出來，每次都要強逼他痾出來

我對這有一模一樣的經驗。這經驗對我和我兒子（現已17歲）來說真是恍如昨日！而且一世都記得那時和他的掙扎。我兒子是4歲5個月才學會上廁所大便的，但他終於學會了，所以你千萬不要灰心啊！

我兒子現在已能解釋不肯排便的原因，原來是怕臭！他一向有感官敏感（嗅覺、味覺、聽覺、觸角、視覺），那時怕大便臭所以盡量keep 住，現在和他說起他也覺得好笑呢！

很能體會你的情況，多尋求專業協助，多點和同路人傾訴，不要覺得老公是唯一的支柱，女人能頂半邊天，在育兒方面，大多數男人是無能為力的（Siu_Ming絕對是例外），他們只會玩仔，不會湊仔。但只要明白男人養妻活兒的壓力，也知道他們本身亦很無助，多點溝通吧！

孩子無論有多少問題，始終都會進步、會長大的，那時你會對自己的付出和能耐感到驕傲。

kmwun

IvanLai

思佳媽咪俾咗d靈感我，我爹d屋企嘅洗手間有個好似叫香必飄嘅，"禁"一吓有香味噴嗰d，我仔仔好鍾意"禁"，你試吓俾小朋友去洗手間前後可以"禁"，令成件事開心d可能小朋友會合作d。

hinhinmummy

JENNYHO, IVANLAI

我記得, 當年軒軒做完評估之後, 本應果年佢要讀k1, 但醫生同我講左一句, 你比佢返k1 係害左佢, 因為佢都係發夢, 完全吸收吾到知識

我同我老公都掙札左一後時間, 但好快, 我們已經接受左現實, 比佢去間收生不足的nursery 讀n1, 當然, 佢都會發夢, 但n1 同k1 的課程吾同, 要求的亦吾同, 最重要的係n1的同學仔, 大多數是比軒軒細一年, 併埋去, 個different無甘大, 老師嬸嬸包容亦會多d(起碼瀨尿時包容d)

軒軒依家讀緊s位, 但學校係教緊普通kg k2的課程, 亦有晒k2的書(包括英文書), 我自己亦參考左k1的課程, 而自己整左d 功課比佢, 今年軒軒會好幸苦, 學校教佢k2的野, 但我自己係home就同佢重溫k1的野

我會覺得, 目前最重要的係追返小朋友的理解先, 明吾明老師講乜, 吸吾吸收到都吾重要, 最重要的是佢有理解, 有理解先會問老師講乜.......................

Meisuen

小肥肥晴晴, ivanlai,

加油, 努力 !

IvanLai

Hi,

今天返協康同果度的社工傾咗成個鍾頭，講番之前發生的事及爹D對軒軒的態度，講完成個人的心情也好了好多。社工和我說，以後有什麽事想不開想找人傾訴可以找她，有什麽不明白(軒軒的訓練)記得要同治療師傾，一齊想辦法解決，千祈唔好覺得唔好意思。真喺好開心，自己喺最無助的時候有你地同佢地喺度支持和鼓勵我。

軒軒四日唔痾大便啦，喺唔喺可以用甘油pump?  其實這幾天也吃了很多東西都迫唔到佢舊屎出來(吃了兩天大蕉、火龍果、奇異果、莧菜)。

hinhinmummy

IvanLai

我個仔又係軒

rachaelmum

IvanLai,

教一位有特殊需要的小朋友真係好疲乏, 而且時常有一種好無助的感覺, 但到某一程度我們真係要開放自己的心同其他人傾訴及尋求協助。您的身邊真係不乏同路人架   加油呀!

另外, 如果仔仔四日去唔到大便, 非常時期真係要用金油條幫下, 我囡囡細時都去得好差, 加上他們細過唔夠氣推出便便來, 真係好辛苦。 我囡囡昨晚左邊肚痛好厲害, 要背住佢入醫院, 估計都係數天沒有大便引起, 後來醫生俾了一隻"fleet"的浣腸劑, 都o.k.至少亞囡沒有呱呱嘈。

KarenKoo

我想你可參考BB肚仔按摩方法. 真係幾work呀！大人都work.

順時針方向從右向上推開始！

KarenKoo

我忘記講比你知,大概要做二十次,之後飲杯暖水,兩個鍾頭內就有反應.我諗試試無妨,希望幫到你們啦！