教兒子!好疲倦

IvanLai

Hi,

我上了這個網很久，看見有很多家長都在這裏發表自己的意見或心聲，我很想在這裏舒發自己的情緒，因我實在找不到人可以倾訴，但鬱在心裏真的很不舒服時常呢埋喊。
我個仔現在三歲半，他是一個早產嬰兒，早在兩歲時去過醫院做評估見過護士話他是一個BB於同年七月見埋醫生做完評估是發展遲緩，差不多遲了一年要排期做早期訓練，於今年二月做過心理評估話佢有自閉症傾向，九月終於排到早期。在這段期間我真的很俾心機去教他，但他到現在都是這樣沒有什麽進步，單是教他1的數量配對，由去年十一月教到現在他都不明白，見到天上的月亮就會說好多個月亮，見到一棵樹，就會說好多棵樹，問他問題又唔識答你，問他剛才在學校吃過什麽茶點，每次都說食咗餅餅。在學校又不懂和同學玩和溝通，情緒又飄忽，時常無緣無故喊，又唔知他喊什麽，他又不懂說但又突然間會唔喊笑起來，笑一會後又會喊，真的對住他唔知應該點做好。他的大小二便也很麻煩，在暑假前明明已教曉他，開始放暑差不多個多星期左右又打回原形，唔肯講痾屎、痾尿，有得D尿賴出來，每天差不多換三、四次底褲，又唔肯痾屎，現在差不多三天才一次大便，時常夾大脾唔比舊屎出來，每次都要強逼他痾出來，他辛苦，我又辛苦，每次他都哭到聲嘶力竭。我每次看見他這樣心情都很矛盾，起初是很憤怒，最後是心痛。老公又唔理，好似唔關佢事咁，他竟然可以說，我唔會逼你，你鐘意痾米痾，唔痾就算數，其實已跟他鬧過好多次架，希望他在家時可以分擔教他的工作，不要只顧玩電腦或做其它無謂事情，如果真的是做功課也沒辦法，但好多時只見他做了一會兒功課就喺度玩電腦，叫他陪個仔玩唔夠三分鐘就入房玩電腦，個仔入房喊住咁揾佢，就用間尺打他話阿仔嘈住他要他收聲。到他做完嘢後又走出來話可番阿仔，都唔知佢想點，對阿仔乎之則本來，揮之則去。叫他教阿仔，教得兩三次見佢唔識，就罵他蠢，咁都唔識，之後就唔教啦。我有和他傾個阿仔的問題，希望他能耐心教他，點知佢竟然話個仔蠢，我都冇辦法，仲鬧番我轉頭，成人顧住教個仔，唔好好打理屋企，攪到間屋好多嘢，因為我自己做了一些教材教他。這些對他來說是垃圾，但阿仔就好鐘意這些教材。其實我對我老公已死心，我只想用我的時間好好的教兒子多些事物，但真的好累時常都在死撑，有時個仔做唔到D嘢，我的情緒就突然間好激動用手打了他幾下，他就會喊住的捉住我的手說唔打，這時我的心很痛跟住就摟住他喊，覺得好對唔住佢，有想過放棄、有想過和他一起结束生命咁就唔駛咁煩，但又想起他笑起來的樣子很可愛，而且我也無權去摧毀他的生命，這個念頭便會打消。但真的好辛苦!我一路寫一路喊，喊了出來心情又好些了。

Justin2002

Dear IvanLai,

I really feel very sorry for you!  Regarding teaching our special kids, we all parents here (mostly moms) have similar experience and struggles!

You did the right thing of putting your voice here!  Don't give up as you see there are so many 同路人 here.   Please ensure that you have to keep yourself calm and easy when you teach your son (also a reminder to myself), we cannot compare them with other kids, don't forget that there are even worse cases than ours!

Life is full of challenges and difficulties, but also joy and satisfaction especially with our role as moms!

Justin2002

whitehorse

看完妳的留言我也眼濕濕! 偉大的媽媽, 可憐的孩子!

如果孩子真的不能做到某些訓練, 就停一下, 這表示他仍未夠成熟應付, 從低一步再開始. 反而大小便的問題是最首要解決的. 如在家, 妳給他喝水一小時後帶他去廁所, 一定要他在廁所去, 去了之後讚賞他, 給他一些喜愛的零食. 大便三天一次會很乾硬, 去的時後會很辛苦. 給他喝益力多.

情緒宣洩很重要, 妳不要收藏在心. 上網傾訴也是好辦法. 還有....早點睡吧. 姑果妳沒有精神怎樣訓練妳個仔呢?

wcandtt

Dear IvanLai,

睇完你篇文章後，很同情你的處境。一個人獨立撐住一個特別的小 孩子很不容易，而且丈夫又不體諒，但千萬不要尋死，只要有生命就有希望 。

有冇同其他親人談談???  媽咪 or 兄弟姊妹，再唔係返教會同別人傾數都好，上多d BK 啦。

[size=x-large]努力

Siu_Ming

IvanLai,

我想你現在所經驗的，我們這裡很多父母也曾有過。我家都有兩個特殊小孩。不要灰心，你的努力是有回報的，要有耐性！

我想你先生現時可能也無法處理內心的憂慮和情緒、對孩子的問題不明所以，他需要時間，跟你一樣，內心深處也在求救，只是表現出來跟你的不一樣。

孩子現在還小，機會永遠存在，重要的是你跟他同行，當你的先生也明白的時候，你們一起跟他同行。重要的不是孩子跟上多少，而是一家人的互相扶持，一起上路。別人教三次便可，若自己的孩子要花上五十倍的學習時間又如何？沒所謂，只要他好便可！別看輕孩子，他會教會我們成年人很多很多東西。他那樣的可愛，因為世上有你的欣賞！

如有需要，找個好的、有經驗的輔導員或心理學家談談，上來BK呻下也好，不要讓失望和各種負面情緒和態度佔據你和家人，宣洩了便算，不要追，也不要使自己成為受害者。希望永遠存在！

祝福你！

Siu_Ming

kmwun

Dear IvanLai

依度好多人都有相似嘅經歷，你可以多d上嚟傾吓。除咗小朋友，你都要照顧自己，身體同情緒，搵信任嘅親人或朋友傾訴吓，或者可以搵早期訓練嘅社工傾吓，佢地又明白你小朋友嘅情形又專業會幫到你嘅，唔好俾機會自己胡思亂想。你小朋友入早期應該情況唔太差，或者同姑娘傾吓小朋友有無需要讀S位，S位訓練會密集d，上課時間會長d，你會多番d時間。

小朋友去洗手間有問題，要從飲食開始治本，食d生果，好似西梅、火龍果都幫到小朋友去洗手間，有需要去小朋友就唔去唔得。另外自閉傾向會喜歡有規律嘅生活，去洗手間或者做嘢之前預告小朋友，或者幫佢做張時間表寫低定好時間，安排佢乖乖做完一件唔鍾意嘅事就做番d鍾意嘅事。讚多d，大人同小朋友都鍾意人讚，讚人同被人讚嘅都開心。有時要明白訓練要時間，唔一定即刻做到，有進步最緊要。努力！加油！

CarmenYsm

我好明白妳的心情,因為我都有個仔仲有兩個月就三歲,佢係語言發展遲緩,所以依家仲係講緊bb話,認知又唔識,教左好耐我係媽咪,到依家都唔記得,有時我都會喊,點解人地d小朋友講野咁叻,自己個小朋友就mug都唔識,妳都排到早期訓練,我地評估完比左封信我地去醫院見語言治療師排期排到12/2008年,我仲有排等,想快d咩睇私家每次45min $600,一個月4次$2,400,返左3個月mug都學唔到,返幼兒園差唔多成年又學唔到,我成日都怪自己冇時間陪佢,日頭要返工夜晚要返學(公司規定),想唔做又唔得要供樓,整度佢mug都唔識我都好耐久,但我從來冇諗過要同佢一起结束生命,佢咁可愛而且仲係自己懷胎10月生佢出o黎,點捨得呢?當妳諗下佢係一個身體健康的小朋友比起其他有缺憾的小朋友,已經是好好彩了,我相信我們的小朋友終有一天會開窺.大家一同努力吧!

hoho1105

hi......﹗ IvanLai


睇完妳啲留言都感到妳ge困苦、妳可以的話可以參與我哋啲同路人所攪ge聚會、參與聚會的都係同路人、大家利用這個機會互相分享自己ge問題、妳多啲參與就會同啲家長熟洛、當妳有難題ge時候、可以得到更多人幫妳分憂、諗吓多啲解決方法。當妳感到自己很苦時、妳試諗吓、比妳更苦的大有人在。當妳為他大小便煩腦的時候、同樣地有別的人為進食/感知/行動/如廁等等ge問題而苦腦。大家都在努力﹗妳都係一個有勇氣ge人、妳就係妳囝你ge曙光嘛﹗努力
得閒參與依樹啲媽咪攪ge活動、識多啲同路人、八多啲、知多啲 要主動多啲呢.............


按吓e樹

jwong888

Life is difficult, please don't give up on your son & yourself.

  

      

hinhinmummy

單是教他1的數量配對，

- 好多, 好小呢d係概念, 對一個自閉症的小朋友黎講, 係好難既野

跟據幼訓的教法是, 教左配對先, 整d 1-5的字card, 放係檯面, 再放返相同的字card係果個字上邊

由1-5, 識晒, 跟住再用d 杯, 貼1-5的未係杯上邊, 再比d相同的波子(類似)的野佢, 叫佢放1粒係杯, 2字的杯放兩粒, 如此類推

教識1-5, 再黎6-10


問他剛才在學校吃過什麽茶點，每次都說食咗餅餅。

你仔仔係普通學校讀? 定係i位?

我果時的教法係, 叫老師/姑娘, 比學校小朋友果個week的menu比我, 等我知道佢係學校食過d乜

甘我放工返屋企, 就會問佢, 你今日係學校食左d乜呀

佢初頸都係吾答/亂答, 跟住因為我看過menu, 知佢食過d 乜, 我就會話, 吾係wor, 係xxx wor, 久而久知, 佢會知道我想問乜, & 識答



他的大小二便也很麻煩，在暑假前明明已教曉他，開始放暑差不多個多星期左右又打回原形，唔肯講痾屎、痾尿，有得D尿賴出來，每天差不多換三、四次底褲，又唔肯痾屎，現在差不多三天才一次大便，時常夾大脾唔比舊屎出來，每次都要強逼他痾出來，他辛苦，我又辛苦，每次他都哭到聲嘶力竭。

呢個我都努力緊, 大便佢無問題, 但小便就硬係吾肯講, 每次都係濕左先搵人, 係學校, 老師話開始會搵人同佢去廁所, 但係屋企就一時時.......................

老公果方便, 你試下join下d 協康/明愛 or 其他機構的家庭活動, 帶埋佢去, 等其他daddy點醒佢

HelloMelody2007

IvanLai

我個仔2年前有便祕問題，嚴重到要睇專科。

可以參考以下建議 :

1. 用獎勵計劃 。肯講痾屎、痾尿，要<即時>
    獎勵。記住係要<即時>，效果會明顯。

    (你想一下那些東西他最愛的，但平日要收埋佢，
      有需要攞出來做獎勵)

2. 不要強逼他痾出來。(最好不要這樣做)

3. 除了多飲水，吃水果，用其他民間方法，
     例如火麻仁，大蕉，也可以試下probiotic
    - 即益生菌

______________________________________

<quote>他的大小二便也很麻煩，在暑假前明明已教曉他，開始放暑差不多個多星期左右又打回原形，唔肯講痾屎、痾尿，有得D尿賴出來，每天差不多換三、四次底褲，又唔肯痾屎，現在差不多三天才一次大便，時常夾大脾唔比舊屎出來，每次都要強逼他痾出來，他辛苦，我又辛苦，每次他都哭到聲嘶力竭。

pamam

When you feel down, just come here and talk to us, we know how you feel. You are not alone.

Don't worry too much, just do your best, you may not see big improvement now but in time, you know your efforts would pay off.

IvanLai

Hi hinhinmummy,

多謝妳的資料，我個仔是讀普通幼稚園的，我會試下用妳提供的方法教他。

IvanLai

HelloMelody

大蕉我試過係work的，他很容易就排到出來，但在上星期開始我在街市已找不到大蕉，D生果舖的老闆話現在沒有大蕉出。我現在唯有每天给他喝一支益力多和吃水果，火龍果和木瓜也試過，對他都沒有效，我會試下用火麻仁睇下能否幫到他。

IvanLai

Hi 各位mummy

看了妳們的回應，真的很感動，自己都唔喺咁孤單，雖然我的家人唔撑我，唔幫我，我都會努力，我會嘗試找協康的社工傾下。

SandraLo

IvanLai ：
還有一樣，每日一定要俾自己一個 free from everything 的時間，如果會顧住做屋企嘢，就最好直情唔好响屋企，一定要休息/relax夠，至有持久力！

jasper888

Dear IvanLai,

For a few families that I knew with autistic kids, the Daddies' acceptance of the situation are usually not as good as the mothers.  Once they accepted the condition, they do give good support, objective and constructive views.  This applies to my husband too and that means a period of around 3 years.

I think your husband is still in the non-acceptance stage / or he just does not what to do.  Don't push him.  Time is what he needed.  Try to keep him happy while with the son currently.

pamam

Totally agree with this

jasper888 寫道:
For a few families that I knew with autistic kids, the Daddies' acceptance of the situation are usually not as good as the mothers.  Once they accepted the condition, they do give good support, objective and constructive views.  This applies to my husband too and that means a period of around 3 years.

I think your husband is still in the non-acceptance stage / or he just does not what to do.  Don't push him.  Time is what he needed.  Try to keep him happy while with the son currently.

  

Siu_Ming

Open and frank talks between the mother and father is very important indeed.  It would be a long process, full of struggles, tears, greivances and even blames that may hurt even further.  Just don't take language too seriously.  Sometimes when a male says or does something, he means something else.  Man is sometimes not as good a communicator as woman, especially when it comes to their worries, love and inner emotions.  Just stay calm and be loving.  Do what you think is best for the child and the whole family.  I would say that process is a must for deeper mutual understanding and ultimate acceptance.  If you have faith, that will help a lot. If not, just hold on to your love for your child, husband and you yourself.

Siu_Ming

waiyinmama

IvanLai,

看了你扁文, 我沒意見可以幫到你, 但是覺得你已很叻. 所以忍不住來打打氣, 加油.