資優兒童最早可於幾時發現？有什麼特徵？

睡覺

pigpig, ononbaby,,
           搞掂左，pm左俾你地喇。

palmchristy

pigpig,

我只能說：學校有老師專責處理資優學童，校長也很用心，但並不是每個老師都有概念的。這是無奈。

當然有不少老師是很了解的，可惜是別班的老師。有幾個認識我女兒的其他老師不約而同說：”你的女兒其實是...，但當她心情不佳的時候，她會完全不合作，這樣的話在她將來一些重要評估時若出現狀況，是會有壞的影響的。”我覺得說得出這些觀察的，才是真正了解我們所面對的問題的。

妹妹出世前的心理準備，加上妹妹”送”給她的禮物等等，已經令她對妹妹有好感。我們經常對她說妹妹很喜歡她，又讓她抱妹妹。所以兩姊妹感情其實很好。只是當以前100%的陪伴變成70%，總會令她難受。我們只好非常刻意地經常抱她錫她，又向她解釋說我們是同時很愛她和妹妹的，不會取決於誰乖誰不乖，因為兩個都是我們的好女兒。又把陪伴時間由70%升到７５％，雖然對妹妹不公，但也沒辦法了。

有資優小朋友的家長告訴我們，如果你的孩子需求你特別大，就盡量滿足她的需求，當終有一日會”攞夠”的，到時便沒事了。她的孩子正是５歲左右”攞夠”。只是５歲前，真是不足為外人道。雖然女兒未必是資優，但卻明顯是高需求早熟而又敏感的，所以都會參考他人的經驗。

你那句：”你唔想媽咪大聲，你就要俾幾多分鐘內做完，唔係到我大聲時，你又唔高興”的計仔，今晚試過對付她拖拉不刷牙的問題，真係有用，多謝晒。

祝開學順利，老師諒解！

pigpig

palmchristy ，
我好同意你所講，如果佢地心情不佳時，真係完全唔合作的，另外，當遇上佢地認為唔合理或唔係佢好中所想的情況，佢又會唔合作.....所以我同你想法一樣，即使將來要做評估，都一定會有難度，我想一定要找一個佢地認為可以信任的心理學家，才可以順利進行！
突然記起心理學家同我講過，我們這類小朋友，好需要有事發前的心理準備，即每樣時發生前，你都要同佢說明當時的情境如何？會見到咩人？發生咩事？等佢有心理準備，令到佢地的情緒唔會一下止去得太高漲......因為每件事在佢地眼中，都會有不同的睇法.....等我舉一個例子：記得囡囡大約3歲時，去做皮膚敏感測試，去之前我無同佢講清楚，要做D咩﹙因為要用針吉背脊的﹚，我只係同佢講，好似平時睇醫生甘，而無再作進一步的解釋；到當日，佢見到自己要除晒衫拎轉身，佢就發左癲一樣，當時連醫生都打個突，要3個人要按得住囡囡，睇完醫生後，囡囡喊到收唔到聲，仲不停話我講大話，話平時睇醫生都唔使除晒衫，當時成間診所的人都望住我地2母女，跟住囡囡同我講左一句“你應該要講俾我知呀！”....我覺得自己係做錯了....如果事前同佢解釋得清楚D，情況可能唔會甘失控......
所以，有時佢地的情緒，好多時係因為每一個明確的指引，所以我現在每件事情，我都會同佢講清楚，情況會有所改善的，你又不妨一試！
我同你的心態一樣，都未能証實囡囡係資優，但我現階段，我都會當佢係資優的教法去教導佢，都無壞的....因為最清楚自己子女的是父母，旁人好多時好難理解，我只有說，如果遇到一個明白你心情、了解你子女的人，咪傾多幾句，但如果遇到大家唔岩嘴型的，再傾都係無用.......
最近睇了一本書，覺得唔錯，其實之前係圖書館借過，睇過，但最近都係買了一本返屋企，再慢慢睇
書名：家有資優兒父母教養指南﹙心理出版社﹚
書中有部份資料幾有用，不妨一看！

pigpig

睡覺，
唔該晒！

Sindy

我女都有咁情況出現,希望佢早d攞夠就好囉...多謝分享

pigpig既提議都係可行的,我都有預早同仔講明佢要做/遇到既野,的確係無咁大情緒波動

palmchristy 寫道:
pigpig,


有資優小朋友的家長告訴我們，如果你的孩子需求你特別大，就盡量滿足她的需求，當終有一日會”攞夠”的，到時便沒事了。她的孩子正是５歲左右”攞夠”。只是５歲前，真是不足為外人道。雖然女兒未必是資優，但卻明顯是高需求早熟而又敏感的，所以都會參考他人的經驗。

fat

睡覺,

pls check pm! thanks!

靖嵐

你o地講起學校, 令我想起件事...

我女返學基本上冇乜問題, 由playgroup, 暫託, 甚至返學佢都好獨立, 從來冇喊過, 好易適應... 就算去旅行去玩都唔駛遷就.
但k1開學後一個星期, 我女突然喊得好厲害, 入門口都唔肯, 又咁好彩件事發生o係門口我睇到哂... 就係...
小朋友入門口之後就要去洗手, 我女洗先, 但有個高年級小朋友突然"攝"入黎用我女用開個水喉, 我女講o野唔差, 咪同個小朋友"理論", 結果比老師話, 因為老師背住佢o地淨係聽到"理論"(其實老師都係講多過話), 當時當日入課室我女都冇乜o野, 但第二日就黎料... 主任好細心, 問我發生咩事, 我就講比佢知, 佢叫我抱女入課室先, 佢再安排... 到第三日, 主任叫當日"話"o個位老師親自出門口迎接我女, 親自拖實佢單對單幫佢洗手再帶佢入課室, 自o個次之後, 我女就冇事... 心藥還需心藥醫.
我女係好有原則, 自我要求高o既人, 有時仲要求人o地添, 所以佢從來唔會"遊魂", "唔守規則", 亦好好彩佢講o野好叻, 好肯同我分享學校裏面o既事, 所以k2時都發生過不愉快事後, 我同佢傾, 班主任再傾就好快解決(佢十分信任班主任, 因獎罰分明).
暫時我都唔知佢係唔係資優, 但其實有時佢都會話上堂悶, 但佢自己會解釋話佢聽多d, 就可以諗多d, 返到屋企佢就會同我舉一反十.

Sindy

佢地就係咁有原則,好多時人地都唔知佢搞乜鬼,怪錯左佢地/唔知佢想點,誤會就好多時咁黎,我都唔識點搞......唉

靖嵐 寫道:
我女係好有原則, 自我要求高o既人, 有時仲要求人o地添, 所以佢從來唔會"遊魂", "唔守規則", 亦好好彩佢講o野好叻, 好肯同我分享學校裏面o既事, 所以k2時都發生過不愉快事後, 我同佢傾, 班主任再傾就好快解決(佢十分信任班主任, 因獎罰分明).

palmchristy

pigpig,

事先解釋+心理預備的確對我個女好重要. 呢兩日用左唔少時間同個女做開學演習, 話定俾佢知個流程及可能會預見的事. 睇下今晚放學返來會點.

今晚會搵下本"家有資優兒父母教養指南". 謝謝推介.

pigpig

qq123 寫道:
palmchristy, pigpig

你地講的問題, 我仔仔都有, 佢在九龍塘某出名幼稚園就讀, 老師都是咁講他的情緒, 心情好好合作, 心情唔好完全唔出聲, 考試都一樣, 不想做就唔做, 老師從來沒有講佢是資優兒, 是我見佢有咁多問題, 帶佢做測試才証實。

我每次帶佢去返興趣班, 佢是完全不接受新的地方, 去到又喊又扭計, 我有呢個仔我都很頭痛。

9月要選小學, 我真係唔知邊間學校啱佢讀。

qq123，
你的仔仔幾多歲去做測試？
我囡囡對於新環境的適應都一樣麻麻地，記起上年初初開始去興趣班，一樣喊得死去活來，連老師都怕左佢呢！
我想現在的幼稚園老師，因為對資優方面了解不多，所以好多時會將行為良好、聰明的學生，當作資優，相反，行為、情緒有問題的，就不被發現.....
其實，有時我打從心底好想生多一個小朋友，但一見到囡囡有時令我不知所以時，我就會由即改變我自己的想法...而且我屬一個事事緊張的媽咪，要處理囡囡的問題，已經令到我好累，實在無多餘的心情去想其他的事情.....
可否講講你仔仔幼稚園期間有咩問題呢？

pigpig

palmchristy ，
你好認真呢！你點做開學演習呀？令我想起細時讀書的火警演習
你最後有無搵老師傾傾呢？
今日收到教會的電話，話囡囡學銅琴有位了，可以上堂，其實大約5個月前，囡囡都上過通利的音樂班，但返了3堂，就已經唔鐘意再返，話好悶，上堂表現得得無聊，唔專心，又將隻腳放上凳度，我已經陪住佢上堂，但佢表現都係一樣，最後都放棄了！之後，佢經常都話要學小提琴，但我覺得佢太細，想遲D先俾佢學.....教會的銅琴班是一對一的，每堂半小時，你覺得我應唔應該俾佢地學呢？如果放棄的話，又要重新再排﹙這個位已經排了2年﹚，但俾佢去學的話，佢又唔知會唔會投入呢？我想聽多少少意見！
其實，我老公話就叫佢去試下，但我唔想佢又好似上次甘，中途放棄.....
我有個朋友的仔仔屬資優，但其實對彈琴無咩特別興趣，但佢媽咪就一定要佢學，目的就係要佢知道呢個世上無不勞而獲的事......你對佢既睇法又點睇呢？

靖嵐

pigpig,
hihi唔知你記唔記得我呢?
我女就快上完tomlee兩年音樂班, 坦白講, 頭兩三個月真係幾悶, 個琴明明放o係度"引"d小朋友, 但偏偏又唔比佢o地玩, 就算有得開都只係"叮"幾o下... 唔好話資優, 試問邊個小朋友唔鍾意玩琴? 所以我覺得你女在tomlee班o既表現唔係太大問題, 你可以從新考慮比你女學其他音樂.

pigpig

靖嵐，
當然記得你啦.......
我囡囡上通利音樂班時，就算老師俾佢彈，佢對眼都唔係望住個琴，就係甘先死呀.....我到其他的小朋友個個唱歌好大聲，而囡囡又唔願意唱，其他小朋友彈時，佢就四圍望，我問佢，你望咩呀？佢答我話睇緊牆上的鐘，秘針跳跳下，好得意... 跟住佢唔肯跟住彈時，我又開始發癲，話佢好唔彈，攪到佢又話我好鬧佢，令佢唔開心....真激氣！上完果堂音樂番黎，大家好似有仇甘......你話...唉.....
其實，由細到大，我都覺得囡囡對音樂方面無咩興趣，佢唔係一個聞歌起舞既人，返學時，睇番學校拍的VCD，見到佢上音樂時，自己走去照鏡，都唔一齊唱歌同做律動.....
所以，有時我覺得自己好似迫緊佢做佢唔鐘意既事....
今晚我問佢，學唔學琴？佢又話好....然後問我係咪要出去唱歌？我話唔使ga...不過要坐係度彈....佢望一望我就無出聲.....只係叫我係門口等佢.....所以我都唔知佢究竟係點諗...不過，我同老公都決定俾佢學一個月，睇下情況點，再作決定囉.....

靖嵐

pigpig,
我女好鍾意唱歌, o係屋企o係街都會放膽唱, 但偏偏上堂佢係唔會點大聲唱, 有時佢話佢"夾口型"添, 你話c未.... 佢話老師彈得好睇喎(返到屋企玩琴佢會研究d chord就真).. 不過返到屋企試佢d 音, 又o岩喎...
其實唔好話我女, 佢班上面d同學有d都唔鍾意唱, 出去唱唱o下可以靜雞雞返呀媽度, 但當然老師發現到, 一係就背住唱, 逃避緊, 但呀媽問佢, 佢又話鍾意返喎... 但好明顯有d年紀大d 先開始返o既, 返得咁上下就會同呀媽講"好低b"...
之於彈琴... 甚至學樂器, 我同老公都抱住一個態度... 課外活動=興趣班=>玩=>開心, 有興趣先學, 玩得開心就ok, 過份要求只會傷害大家, 最基本原則係唔大落後.
坦白講, 我女其實係最憎人唔守規則, 所以佢都要求自己做到.

wongkaka

我想問小朋友已７歲多，　仲可唔可以做呢類ｔｅｓｔ ? 若有，可否介紹同埋貴唔貴？

palmchristy

lam's-mother,

我要找一找評估表才答到你.  在K1最後一次評估, "能專注進行活動"是4分. 英文大都是4分, 普通話全是3分.

可能受開學時對老師印象的影響, 我並沒有把評分太放在心上, 大致就是開學時不太好, 畢業時有進步之類的評分. 而且K1小朋友的情緒控制能力和合作性總是差一點, 所以個人覺得無須介懷.

lam's-mother 寫道:
palmchristy,

咁幼稚園老師係評估中的專注力那一行比什麼分數?  而囡囡的英文同普通話老師都分別比 "2", 最慘係班主任話囡囡係識嫁, 只是上堂唔合作遊魂....連班主任都話如果k2都是這樣, 考小學會有點難度......      

pigpig

靖嵐 寫道:
pigpig,
我女好鍾意唱歌, o係屋企o係街都會放膽唱, 但偏偏上堂佢係唔會點大聲唱, 有時佢話佢"夾口型"添, 你話c未.... 佢話老師彈得好睇喎(返到屋企玩琴佢會研究d chord就真).. 不過返到屋企試佢d 音, 又o岩喎...
其實唔好話我女, 佢班上面d同學有d都唔鍾意唱, 出去唱唱o下可以靜雞雞返呀媽度, 但當然老師發現到, 一係就背住唱, 逃避緊, 但呀媽問佢, 佢又話鍾意返喎... 但好明顯有d年紀大d 先開始返o既, 返得咁上下就會同呀媽講"好低b"...
之於彈琴... 甚至學樂器, 我同老公都抱住一個態度... 課外活動=興趣班=>玩=>開心, 有興趣先學, 玩得開心就ok, 過份要求只會傷害大家, 最基本原則係唔大落後.
坦白講, 我女其實係最憎人唔守規則, 所以佢都要求自己做到.

靖嵐，
我想每個小朋友都有自己的一套，我囡囡嚴格來說唔屬一個守規的人，但就有完美主義的性格，所以對佢黎話，都係幾痛苦的........

palmchristy

pigpig,

演習是誇張了. 最後太太有找老師, 主要講她睡覺相關的情緒問題.

銅琴我唔識喎. 小提琴聽講可以很早學的, 主要是鈴木小提琴, 好似三歲就可以學了.

即使將來不走音樂這條路, 鋼琴對小朋友發展也是很好的. 但家長要付出很多時間. 如果小朋友並不討厭, 家長積極鼓勵也無妨. 始終有些事物, 要親自投入, 才知道是否適合自己, 如果未放時間就放棄, 總是有點可惜.