史丹福(葵涌)游泳會

傻妹

請問口碑如何? 謝謝.

GoldenDragon

教練質素參差 , 好處是室內 , 如果自己冇時間教 , 都可以試下 .

傻妹

Thank you GoldenDragon.

chiu@mrlee

要真正學游水,梗係唔會去福仔啦!!!!! 又貴又無料到.

傻妹

chiu@mrlee 寫道:
要真正學游水,梗係唔會去福仔啦!!!!! 又貴又無料到.

有無好介紹丫?

chiu@mrlee

你要學班定私人?

出唔出公眾池學?
你俾多少少資料我幫你問下我個女個會葵盛果邊仲有冇班.你pm我, 好不?

cycchor

我個仔學果個會教得好好, 佢現在都快至六歲, 學咗年半, 上年冬天開學的, 初初每星期學一堂, 暑假時一星期三堂, 而家可以係九龍公園個大池游到三式, 50至二百米, 仲開始學蝶式添...

我初初同佢報都係因為有個街坊介紹, 話佢地教怕水的小朋友好好, 於是我到泳池觀察吓, 覺得好好...d小朋友上課時很有紀律, 但又好開心..所以同個仔報名.因為我個仔極怕水, 次次洗頭都又喊又叫 我自己本身以前都有操開水, 都攪唔掂..

我覺得d教練好盡責同有方法...同時我鍾意佢d教練水準及出席都好穩定..因為有時同其他家長講開, 發現很多會都會有時常換教練的情況...

後來我先知個會的總教練來頭不少, 在行內都好有名, 以前係大會做, 很多名校生都找他教, 而且操過不少學生攞奬..

不過佢d班大部份都係九龍,但我知佢地好似有班係唔知青衣定葵盛...我可以幫你問問...

同時我都未問過教練可不可以在網上放他的資料, 但你有興趣可以pm我.

manmum

我囡囡都係在葵涌學，又有校車接送。學

傻妹

chiu@mrlee,

其實我唔係住葵涌區,只係史丹福葵涌班最近我啫.而且去公眾泳池好少有暖水池喎. 咁冬天要停學我又唔想.

多謝你.

傻妹

cycchor,

請問你仔仔係邊間學呢? 多謝你詳細回覆.

cycchor

導師的標準低或高好視乎個會請d乜教練, 俾d乜培訓教練lor...

你本身不是游泳出身, 好難同你解釋技術上d野ga 喎...



不過從商業成本角度來說, 交一個泳班學費, 又有校車接送, 又要買電視廣告, 小巴廣告, 又要租私人池...我好想知可以有多少錢用在請教練身上呢? 有年資的教練唔會平, 而有料的教練不屑教這個會,(因為這個會在行內其實臭名遠播, 我地呢d操開水的人時常都會聽到d教練的行情),未只有果d初初入行, 未有會收的人會入去lor, 明唔明...佢即係現代進化版文理泳會, 間野最好未係個marketing lor. 知道大部份家長都唔知乜叫教游水, 乜叫好唔好,又無時間細心去搵, 未sell室內專池, 專車,免費試學四堂lor...又食正政府池俾人話有虫...結果未吸引好多人上當lor...

其實學游水唔係個泳池同架車會教你ga ma, 個教練得唔得先重要...

唔怕同你講, 我個外甥第一份暑期工未就係去"福仔"教游水lor, 佢同我講,佢d同事大部份都係同佢一樣---新丁....(有d連自己水都游得唔好..)去到第一樣教佢地做ga就係lum家長, 學生唔識呼氣唔緊要, 教閉氣, 自由式腿都未打得好唔緊要,教手, 手未做好,都唔緊要, 教呼吸, 換氣做到好似反肚叫救命咁唔緊要,教其他泳式.....千其唔好令家長同學生悶, 最好日日要教新野, 好似學得好快咁.其實連根本都未做好, 教練仲要不停讚個學生做得好, 有潛質...令個家長飄飄然, 以為自己個細路好有天份, 未繼續學lor, 到個家長發現上當, 都已經賺咗你幾個月錢喇....呢d未呢d未叫 "專業" "高效"授泳法lor, 有"規模"的泳會lor.
不過又唔怪得d家長會上當, 因為佢真係好高招..大家一班阿太, 困係一個地方, 不斷受教練催眠, 又無其他會教練做比較, 未以為佢地教得無問題lor...

到有d家長忽然醒悟自己個小朋友其實游得唔好時, 佢未同你換個高級小小的教練lor.

上年九月我同我個姪女去校隊選拔,有個同我個姪女同齡(9 yrs)的男同學一同去考,個男仔好自信咁問我個姪女識d乜識, 我姪女話只識自蛙兩式,背泳唔係好好...佢又問我姪女可以游到幾遠, 我姪女話50至100米到啦..跟著佢就好得戚咁同我姪女講佢識四式, 而且游到200米...

點知好戲在後頭,
細路一跳落水就直沉落去, 好辛苦咁掙扎上黎...大叫好驚好深, 但係個阿媽都唔知驚, 要個仔繼續游, 結果個仔游到池中間飲咗水, 扯住條lane大叫大喊, 要阿sir落水救佢.....佢個阿媽瘀到...   ..

不過, 可能你個女好彩, o係福仔遇到一個好教練又都未定...

cycchor

我問個個教練, 佢唔想咁張揚,好似好商業咁wor...
我都係唔係版上公開佢個會名.
我pm你啦...

WaiMummy

Hi cycchor,

My son learn swimming at Stanford (KC) for 4 mths, I also feel the coach and the swimming envoirnment is not good and want to change to other swimming training centre just like YMCA (TST) or private coach.

Can you pm your coach to me?

Thanks a lot.

WaiMummy

yklee

cycchor ,

你講得對, 史丹福教練喜歡同小朋友講笑,囡囡都喜歡；但講教泳術就麻麻哋!冇指細教潛水呼吸,囡囡游两步就冇氣停吓,我囡囡是唔怕水.幸好走得快.

比比

我都想搵私人教練係城門谷到學遊水，其實己經學左個summer，因為個教練到九月可能夾唔到時間，可唔可以比埋資料我呢？

cycchor

有冇方法可以一次個pm俾所有人?

cycchor

我pm咗了, 有無人無收到?

WaiMummy

cycchor,

Already received.  Thanks very much.

WaiMummy

cy101

比比,

聽講城門谷9-10月維修暫停開放, 妳要留意呀!

比比 寫道:
我都想搵私人教練係城門谷到學遊水，其實己經學左個summer，因為個教練到九月可能夾唔到時間，可唔可以比埋資料我呢？

cycchor

好驚wor, 何文田同大角咀都唔開wor, 咁九龍公園未好迫? 政府點做野ga?

cy101 寫道:
比比,

聽講城門谷9-10月維修暫停開放, 妳要留意呀!