軒尼詩小學 - 請指教

ypy_clara

jmak006,

我食埋飯潻!不過仲未洗碗,因為要看電視及上網。
你呢?

ypy_clara

jmak006

ypy_clara,

我都食咗飯啦！

hidemode

jmak006 ,

d仔瞓哂！又係我上網時間！係呀!我係舊生同誇區，我住土瓜灣，所以之前問你保母車資料，想睇吓自己接送定搭車耐，唔想個仔咁辛苦，唸住個仔係軒小讀定咗，過一兩年先搬返過香港區

ypy_clara

hidemode,


你住咁遠都讀,個仔咪好辛苦!? 但我都知好學校難求!勁呀!


ypy_clara   

hidemode

ypy_clara ,jmak006

因阿仔揾小學前，知道2000年多龍仔龍女，咪一早留意定軒小，穩陣d麻  

軒上網站而家都有得睇，軒下就派位後短期有得睇，之後上去揾極都揾唔到

jmak006

ypy_clara,hidemode,

原來你係舊生失敬,失敬    以後請多多指教,
講開誇區入讀軒尼詩官小原來都幾普遍架,我見仔仔嘅同班同學有D住香港、有D住北角、柴灣、杏花邨,甚至好似hidemode你一樣住九龍都有一个呀,反而九龍就好似重有校車搭,我住西區校車就唔到只係最遠去到西營盤一定要搭保姆車啦,我試過接個仔放學見到好多在職家長都係放學自己接番子女架,幾辛苦吓(長年累月)好在仔仔好enjoy搭保姆車(細個巳經好鍾意搭車)如果唔係,自己帶出帶入真係冇可能讀到灣仔區嘅學校,同你一樣,過兩年有搬屋嘅打算,好似好嘅學校仲要唔駛俾錢嘅真係都幾多人爭，可唔可以講多D十幾年前軒官下嘅資料我知呀,我好有興趣、好想知以前同而家有乜大嘅轉變,thank。

          

jmak006

kent哥,

以我所知我個仔個班三十幾個人當中都有大概7個15分入到嘅(不過冇問係第一輪自行分配學位入定係第二輪統一派位入嘅。

jmak006

kent哥,

係bk真係好小見到有爸爸嘅出現,你真係好關心你嘅小朋友啦,其實有15分嘅小朋友真係好多,而得15分可以揀嘅又有机会入到嘅都得好小選擇,先講第一輪軒官減去必收嘅兄、姊關糸及攞住其他20分嘅收晒後,全部15分都應該一齊抽嘅睇好唔好彩啦！(軒官下以我所知第一輪應該有75-80个位)如果真係抽唔到(第二輪統一派位重有一半學額)第二輪統一派位甲部先填軒官,漏空兩个choice,(先爭誇區嘅10%學位)再係乙部填軒官係first choice有兩次入軒官嘅机会差唔多好肯定入,除非你將華仁同聖若瑟放係第一、第二位將軒官放係第三、四位就好冒險啦,(如果再加上你嘅隋机編号攞到 好後嘅話)分分鐘跌到第七、八位都唔奇,所以睇吓你係唔係
覺得軒官係你嘅first choice啦,如果係嘅話,試吓參考吓我
嘅方法睇吓幫唔幫到你啦！相反如果你嘅first choice係華仁同聖約瑟嘅話就要冒險填前d博吓派唔派到啦。

註:如果再問到小一派位嘅消息我会再揾你架啦！


      

ypy_clara

jmak006, hidemode ,

Hi ! 我今天很忙碌,因為去咗海防博物館,夜晚出街吃飯,所以現才開電腦。

其實軒官是不是band 1小學?因為很多人都認為軒官是次選。但我覺得小朋友無壓力讀書是會學到些知識,如淨係不斷默書,小測驗等等,只可以加記憶力而不是明白課本之知識,你們有沒有同感?

hidemode 你是舊生,未即係名校出身 以前是不是很出名的?很利害呀!

ypy_clara    

jmak006

ypy_clara,

其實軒官係band幾嘅小學我都唔夠膽講,而認為軒官是次選嘅人真係大有人在,因為每一個人對學校程度上嘅要求都有唔同嘅見解,當然人望高處,水望低流係好正常嘅事,
最重要係果間學校係你心目中有幾高評价,同埋有好口碑嘅
學校對我嚟講巳經係好足夠啦！

反觀有D大家心目中一致公認嘅名校無疑各方面都係比較
催谷,讀到自然好啦,追唔到就会比較辛苦同有壓力啦。

ypy_clara

jmak006 ,

我都有同感,我明天才到學校詢問普通話班,我七月三日再到校正式註冊及拿書單,我不知道現在出去買書好還是跟學校訂購,因為自行買可在暑假溫習一下,但又驚買不齊,到睇吓點先!
請問買校服在那裏買?全年都著黑鞋?體育著白鞋?暑期學校有沒有暑期班?你報咗比個仔咪?

ypy_clara
    

hidemode

Hi jmak006 , ypy_clara

其實而家同當年教學各樣都唔同，我都係近幾年(生咗個仔開始留意d學校)先知軒小係部份人心目中算名官校，(我諗係有聯係band 1 官中關係) 當年我搬咗去軒小隔離，媽咪只係揀最近果間比我讀，咪入咗去讀，但諗返起當年都好多有錢人係道讀，同學仔一樣有來自港島各區及九龍，廿年前都已經跨區返學，當年嘅我唔覺讀書辛苦，記得星期六返長週有課外活動參加，運動會就係學校操場舉行(而家應該唔係掛??)，冇水運會，老師大致都唔錯，冇老師打手板最多係班房門口罰企，有時會自掏腰包買d小禮物，文具之類及零食獎勵d學生咁，最記得P.5時同P.6學生去北潭涌宿營，五日四夜去camp唔使返學(唔去果d就要返學)，開心到痺，總括嚟講，當年都係軒小讀得好開心

又講吓當年我吔呢d中文小學升英中，上到去F.1除中文外真係全英語教書，好多都係咁讀上去，聽聽吓就慣，而我知入到去band1英中既學生，名列前茅果堆，好多時未必係英小上去果班，而係肯努力讀書，將勤補拙果d學生   

jmak006

ypy_clara,

希望你今日問完關於普通話班嘅嘢,到時詳細情形係點,
記住上嚟話番俾我聽呀！仔仔巳經派咗今年嘅書單啦,
(因為二至六年級係六月三十日購買嘅)如果你想自行
購買早D攞到書暑假温習嘅話,書單可以PM俾你,另外
買校服最近就係學校斜對面有個樓梯口上2樓
(有水牌嘅)寫住約瑟校服,電話:25733229,或者仲
有一間係灣仔大王東街18号地下((修頓球場對面豐澤
电器側入)叫做廣發祥服裝,電話:25205003,係全年
都著黑皮鞋,體育堂就著白波鞋,我巳經幫仔仔報咗
暑期班呢(學校暑假有游泳同乒乓球班)不過我冇報
到,(因為我唔係住近學校)。

chingbb

[quote]
jmak006 寫道:
kent哥,

係bk真係好小見到有爸爸嘅出現,你真係好關心你嘅小朋友啦,其實有15分嘅小朋友真係好多,而得15分可以揀嘅又有机会入到嘅都得好小選擇,先講第一輪軒官減去必收嘅兄、姊關糸及攞住其他20分嘅收晒後,全部15分都應該一齊抽嘅睇好唔好彩啦！(軒官下以我所知第一輪應該有75-80个位)如果真係抽唔到(第二輪統一派位重有一半學額)第二輪統一派位甲部先填軒官,漏空兩个choice,(先爭誇區嘅10%學位)再係乙部填軒官係first choice有兩次入軒官嘅机会差唔多好肯定入,除非你將華仁同聖若瑟放係第一、第二位將軒官放係第三、四位就好冒險啦,(如果再加上你嘅隋机編号攞到 好後嘅話)分分鐘跌到第七、八位都唔奇,所以睇吓你係唔係
覺得軒官係你嘅first choice啦,如果係嘅話,試吓參考吓我
嘅方法睇吓幫唔幫到你啦！相反如果你嘅first choice係華仁同聖約瑟嘅話就要冒險填前d博吓派唔派到啦。


你話如果第二輪只填"軒官", 唔填後面個兩個choice, 會唔會派唔到呢?是否可以甘做?

jmak006

chingbb,

我覺得如果真係好想派到軒官(不論揀上午定下午)
第二輪統一派位用嘅策略係(甲部第一)一定要填軒官
(因為甲部可以填誇區同本區)先爭誇區嘅10%
(有第一次机会)再喺乙部填軒官上、下分別係第一、
第二位,跟着順序排列其他心儀嘅灣仔區學校(一定要
填晒所有灣仔區嘅學校,不論抽到後是否会讀,經驗同
身邊嘅朋友都agree呢個論点,(否則冇填滿又抽到
隋机編号差嘅話,好大可能派到一D你冇揀嘅學校,
因為統一派位嘅制度喺保障每个小朋友都可以亨有免費
教育嘅,所以冇填滿學校,就等乙部所有小朋友派位完畢
之後重有學校有位就会派俾你架啦！

至於你問我第二輪只填"軒官",唔填後面兩个choice,会唔
会派唔到？是否可以甘做？

答案係: 统一派位分甲、乙兩部,甲部最多可以揀3間小學
               (可以揀誇區或本區嘅小學)點解会suggest你只
                填一間呢,原因就係(所有參加統一派位嘅小朋友
                都係要先抽甲部後抽乙部,即係話要等齊哂所有
                甲部派完先派乙部,你諗吓如果灣仔區嘅小朋友
                 好想派軒官嘅就一定会喺甲部first choice填咗
                 先啦,第二、三嘅choice 點解唔填要漏空好簡單,
              擺軒官第一都派唔到嘅話,根本就唔論到second
              choice有位,(其實甲部只係得10%嘅位,重要係
                   同其他誇區嘅小朋友一齊爭, 即係話80个軒官
                   位就得8个人喺甲部度派到位,到不如快D跳落去
                    乙部嘅第一位軒官同其他本區嘅小朋友爭剩番
                    落嚟果72个位重大机会啦！(記住我喺suggest
                    你甲部填1个choice,而乙部就一定要順序填滿,
                    唔知我嘅解釋你明唔明白呢？



      

jmak006

Dear hidemode,

多謝你講咁多關於以前軒官嘅生活俾我聽,你講嘅有小部份
同而家差唔多,(例如小一、小二逢星期六11:15分放學後
都有一小時課外活動嘅,(包括有故事爸媽講故事俾小朋友
聽同埋有興趣美勞班同朗頌班俾小朋友選擇)而家嘅
Sport Day 就会係户外嘅运動場舉行嘅(不過P.1同P.2就
暫時冇得參加嘅,只係另外有一日訂為遊戲日,有一D好簡單
嘅运動比賽for P.1同P.2嘅小朋友參加,而水运会舊年就係
喺維園舉行嘅(小一)冇份參加嘅,老師大致上同你講嘅差唔
多,絕對冇打手板嘅体罰,好曳嘅就最多罰企糸課室門口
(仔仔講我知嘅)同埋会寫手冊,而家學校就有金貼紙獎厲
計劃分學業、德行、才藝、盡責四部份,達標嘅会有金貼紙
貼係手冊到,集齊規定嘅數目会到校長室嘉許同頒发獎狀,
平時每班都有德行秩序表現良好比賽,分數最高嘅小朋友
会獲選為當个月嘅彩虹之星(每个月都有選出嚟嘅)由校
長嘉許獎狀及拍照放喺校網內傳閱,至於旅行學校每年都
会舉行嘅,另外家教会都会有其他旅行或課外活動提供俾
小朋友同家長參予嘅，至於派位我喺其他高年級家長
口中聽到舊年軒官下好似有26-27个派去皇仁,其餘
嘅都喺派咗好多联系中學,但冇一個實質嘅數字。


      

7654321

我仔仔就是今年九月在軒小下午讀小一,不過我並不是1st choice,因隨機no.後,所以就派到4th choice,不過我都好開心,我的意見是你最好是住在灣仔區,而在甲部及乙部都要填你心儀的小學在第一至三位,千祈不要唔填,如你想讀軒小下午/上午,你就在甲部第一位及乙部第一位都要填相同的學校,如果在大抽獎派唔到,都可以在放result後,自己入表申請,機會就會大啲.

有個問題想問,請問軒小上午校好啲還是下午校好啲?我仔仔就要在本星期六到上午校面試.

cczzko

Dear jmak006,

剛剛食完飯，六點鐘同仔仔去完軒尼詩官立下午校interview 。嘩！好多人去考呀！我