軒尼詩小學 - 請指教

Maisy

hi!

軒尼詩小學聽講係咪有精英班, 如果入唔到精英班d程度係咪差好多, 派位差好多? 我重想問吓d校風好唔好? d家長係咪好緊張d仔女成績? d 英文同國語好唔好? 軒尼詩小學還是華仁好? 唔好意思好多問題問.

Maisy

up

chitmapa

chitmapa

軒尼詩上ｏｒ　下呀？   

Maisy

上同下有無分別? 聽講上好d

chitmapa

聽講唔錯,中學聯繫學校好,可上學校網看看

jmak006

Maisy,

小兒就讀軒尼詩官立小學下午校,精英班喺由P.2開始分班嘅,
如果考獲全級頭60名則會被編入學校巳定的第一組別成績H及R班,其次則被編入第二組別嘅G及S班,而P班喺用普通話教授中國語文科,(但必須經過抽簽嘅)如果幸運被抽中入讀普話班,則往後P.1-P.6均不能轉入精英班,至於英文程度,我覺得屬於中上,每個星期都有一堂外國人上嘅外語堂,平時功課P.1大概每日5-6樣,假期有時多至10樣以上,當中有詞語寫字、工作紙同埋各料嘅課本作業,每星期都要中、英默書名一次(每次英文都要默(10-12)句句子,另加phoncis5至6個,中文多數默課文,有時一課或兩課另加詞語,所以並非傳聞中嘅容易,中文程度中等,當然本身英文有一定程度嘅小朋友絕對可以應付自如,至於入到精英班派位一定好好多,因為有強力後盾联糸中學如皇仁、庇理羅氐、金文泰等中學,入唔到精英班嘅應該會喺派區內嘅其他中學,論派位以灣仔嚟計,應該算喺好,品德方面都算好,校內閱讀風氣算良好,課外活動P.1比較小,小二以上就多好多choice,有游泳、朗頌、管弦樂、童軍、乒乓球等.(不過要收費)壓力方面,睇你要求小朋友點,要派位派到好top嘅中學,當然亦傳在壓力嘅問題,以上都係我嘅親身見聞,如果有其他問題想知,歡迎post俾我。

Maisy

ac602 & jmak006,

多謝妳哋d資料, 因為我老公好想亞仔入軒尼詩.

Thanks!

Maisy

小搗蛋

我阿囡現在k1,不過我聽姑奶講要開始預備,我想知道遲d係味會轉全日制呀??
如果叩門,要預備d乜才會成功呀...因為我好想阿囡入到呢間學校.....thux

ypy_clara

jmak006 ,

多謝你的心得,我個仔今年考到軒官下午班,之前對所學校沒有什麼認識,現在聽你解釋完,都放心d,不過一定要入精英班才會考到好的中學,但上午校會不會輕鬆d?

聽你說,要入精英班便不好揀普通話中文課,咁即是要唔揀普通話班才有機會入精英班,你話小二才分group即時係未小一d成績很重要,才能入到精英班。

請指教!謝謝!

Maisy

Maisy

Maisy

Maisy

jmak006

ypy_clara,

歡迎你嘅小朋友進入軒官下嘅大家庭,入到精英班派位好D嘅原因其實喺联系中學只有大概分配到唔夠35個皇仁位被軒官下而分咗精英班其實大致上巳經係將同樣程度嘅小朋友分咗班為咗方便兼顧教學上嘅程度,所以有精英班嘅出現,可能學校唔想程度懸殊嘅小朋友同班接受教學而辛苦,至於編入精英班係計P.1最後一次考試成績而分班嘅(每年有3測1考只計考試分)P.2入唔到精英班唔需要失望,因為唔係P.2入到就一直到P.5每一年都睇小朋友當年成績而作出編班嘅,另外皇仁每年都分到30-35個位被軒官,上午同下午夾埋每年都派到差唔多接近60個位,所以你唸下要keep住好好成績至爭到學位,需則話中央派位,有机會派到呢D名校,但有位都係優先被有联系嘅小學先,而校內老師要達標嘅小朋友至會建議你揀band one嘅名校,否則唔能夠保證派位派到心儀嘅中學。

例如男仔叻嘅派(皇仁)女仔叻嘅就可以有机会入到庇理羅氐,其餘入唔到精英班嘅亦唔會派得差,因為根本灣仔區中學派位
差極都有限,而且灣仔區多單性學校,好多家長一早巳經將小朋友送到純男或純女嘅小學,剩落嚟嘅小朋友其實好多都係因為有弟妹所以揀男、女校軒尼詩官小嘅,而軒尼詩官小都算頗出名嘅好學校,(當然個人認為唔能夠同華仁、聖若瑟等男校比較,名氣上肯定冇華仁、聖若瑟嘅好,但係要分析埋上咗中學嘅情形,聖若瑟有8班但只係收番5班小朋友上中學,華仁就更加小位,壓力就華仁比較小D,聖若瑟就好睇成績,都有壓力傳在,華仁及聖若瑟都有直升中學,所以巳經有大部份入咗直屬中學,剩番小部份小朋友都絕對唔需要擔心,校內入唔到精英班會代表派位派得差,因為區內重有好多好學校可以揀嘅,講番入唔入普通話班就取決於你對普通話嘅睇法呢！(就算想讀都要抽中先得,每班大概有32-35個位)視乎當年小一入學人數而定,如果唔係好精通普通話嘅小朋友,應該多數唔會揀,因為本身唔係普話班嘅其他班每星期都另外有兩堂普通話堂,唔同嘅只喺普話班上中文堂喺用全普通話教授嘅,再加每個星期嘅兩堂普通話堂,揀親普話班嘅一定喺本身小朋友屋企人好精通普通話至希望小朋友用番普通話上堂易吸收知識所以揀嘅,但對於我個仔嚟講作用唔大,因為我略懂普通話可以自己教,舊年就則定揀咗普話班要一直讀到P.6,不能因為成績好而轉入精英班,換句話講如果介意冇得入精英班嘅,唔揀就比較好D,有轉彎嘅餘地,重有活動教學喺由P.1-P.3分組坐,每組坐6-7人,而傳統教學就P.4-P.6喺一行一行每個人獨立分開坐嘅,你問我上午校會唔會輕鬆D,我其實唔喺太清楚,只喺知道上午校冇精英班但有top 50龍虎榜,要入好嘅中學肯定多數喺全級頭40名內就穩陣呢！至於上午校下午校邊個好D,我就覺得各有各好,程度上真係不相白仲,真係要視乎家長覺得小朋友適合上午返學定下午返學呢,以上都喺我知既情形,如果有唔啱或者講錯請其他媽咪糾正及原諒！,再有問題再揾我呢,好樂意為你解答,謝謝。

JJJC

JJJC

jmak006

小搗蛋,

你囡囡而家先至讀K1應該唔需要太急去準備,或者多D留意學校嘅網址裹面都有好詳盡嘅資料,比較清楚係唔喺真喺好鍾意呢間學校至决定,到k2下學期9月前就一定要準備好呢,因為K2開學9月頭就要交表,到時幼稚園會派表俾你填 ,填妥之後親自交番去心儀嘅小學(只係可以遞交俾一間小學),參加自行分配學位嘅分配,等11月睇派位成唔成功,如果成功嘅話就唔需要參加統一派位(俗稱大抽獎)如果你住喺灣仔區其實將軒尼詩官小放第二、第三位應該都有機會入到,因為同區有好多媽咪鍾意女校,一早揀咗瑪利曼、聖芳濟各、聖保祿所以唔使太擔心,況且揀軒官都好大因素係男、女校而且有联系中學派位有優勢,尤其適合有弟或妹嘅家長,至於學校轉制問題,校長表明暫時唔会轉全日制,原因係政府批唔到灣仔新校舍被學校,(政府曾經於舊年通知學校有一個喺九龍灣嘅新校舍,可以提供俾上午或下午校搬遷,但我唸所有家長都知道現行教育制度喺中學派位跟小學校址嘅,所以如果搬咗去新校舍就會變相改校網,所以幾經爭持之下,上、下午校家長及學校都反對遷新校址,政府暫緩軒尼詩官小轉制過渡2007年,直至灣仔區有合適嘅新校舍至決定上午定下午校搬,睇現行嘅土地情形,校長話2005年入讀小一嘅小朋友應該會原用現址直至小六畢業為止,至於2007年以後嘅小一新生就要視政府有無校舍而作出決定,最後回應你叩門要準備乜嘢文件,都係一般小學嘅文件,唔需要特別為小朋友準備Profile,因為以我所知(小兒讀下午校)校長比較著重小朋友禮儀及應對能力,即使面試成績相同,其實女仔機會大D,因為軒官傳統上嚟講每年都係男仔多過女仔,(每班小一最多唔超過12個女仔)小一共五班,所以學校都好想收多D乖嘅女仔,再有問題再揾我。

JJJC

Anybody know the AM School has the same arrangement as the PM School as described by jmak006?