軒尼詩小學 - 請指教

ypy_clara

jmak006,

真是多謝你的意見,我昨天已註冊,而帶埋我個仔去,他十分鍾意間學校,而老師又好好,我很放心了,而現在只揀不揀普通話班咋!七月三日再要到學校正式註冊。

另外我想問一下,英文書是用那本呢?英文會不會很強?
我和仔真要好好亨受這個暑假,盡玩啦!!!!!!!!

jmak006

YPY_clara,

好開心聽到你終於有決定啦,至於揀唔揀普通話班,或者交咗表抽住先啦,(好似9月開學前至有結果)一路等消息一路慢慢考慮,真係好彩抽到至算啦！ 普話班一班大概收唔超過35人,因為其他班(唔係普話班)都係平均每班學生人數大概唔会超過36人(今午千禧唔知会唔会例外。)

英文書係用Longman Welcome to English(1A &1B)
除咗教科書重有作業都係用Longman's publication. including Grammar Practice,Pre-task Language Practice,Listening,同埋 Longman's Readers(3-4)本,左右,淨睇教科書程度o.k.啦,但平時重有外英堂加上功課上都有幾多exercise同Worksheet以一個小一小朋友嚟講程度都算滿意,如果再想集中加强英文嘅能力相信要家長協助,或者join D 英語course就prefect好多呢。

註冊完真係要盡玩啦!!!!!!!!  因為小一嘅生活都幾忙。
enjoy your summer holiday.
(下星期13/6-16/6仔仔開始期考,又係成年嘅总結,所以冇時間同你傾計呢, 有嘢17号以後再傾過啦bye bye！

ypy_clara

jmak006,

祝考試成功,努力!努力! 遲些再傾。


    

ypy_clara

jmak006,

考完試咪呀!應該鬆一口吧!我又想問題啦!聽最好多project要做喎,是不是呀?謝謝!   

jmak006

ypy_clara,

終於考完試啦,今次考試範圍都好多吓,又要温課文、又要温工作紙,加埋中文要温二十幾課詞語,中文科另外有試卷要考作文,中、英文科考試前又要考聆聽、口試,真係温完都驚唔記得哂呀！不過喺今次考試温習嘅過程中,真係發現仔仔喺呢一年裡面進步咗好多,理解能力高咗好多(同之前嘅三次測驗相比)程度巳經跳升咗呢,因為呢次考試仔仔巳經全力以赴,所以都係以平常心去等考試出嚟嘅成績,當中温習嘅過程巳經喺我心目中攞滿分,至於分數高低都係次要,我自己個人覺得學習態度好重要,唔單止影响學習嘅成果,對於日後小學同中學都有好直接嘅影响。

至於你問學校喺唔喺好多project要做,我個人覺得都唔算太多,但係你都要預番D時間,有時一個星期会有一次搜集資料,另外不定期性嘅各科專題研習,中、英語話動同幾多吓校內搞嘅比賽,包括標語創作、親子封面設計....等等。

反而平日功課以一個小一學生嚟講都幾多吓,平時除咗各科嘅功課外,中文科要做每日一篇(可以加深閱讀理解能力)英文都有一個關於課文嘅網上exercise,係同longman連接嘅,數學就有現代數學網站嘅網上練習要做。
                                               
記住小一開學前一定要訓練好小朋友識寫手冊(要怏同清楚)
因為學校喺冇網上家課日誌嘅,(校長話專登咁樣做,要訓練小朋友獨立同唔好依賴)記住要攞定幾個同班同學仔嘅家長電話,如果有乜嘢錯漏都可以联絡到,否則交小咗功課每科都会寫欠交功課(不過寫手冊都好平常,唔使太介意。) 另外學校有金貼紙獎勵計劃,分學業、德行、才藝同盡責四部份,獲得指定指準嘅貼紙數量会有獎勵嘅,呢個獎勵計劃都好正面,對小朋友嘅認同有好大幫助,再有問題再揾我傾過啦byebye.

ypy_clara

jmak,

恭喜你終於考完試了,可以鬆一氣了!你個仔真是乖,起碼全力已赴,及聽從你的指示,唉!我都好擔心輪到我個仔考試時會不會好似戰爭!

另外好多謝你的資料,好彩現在學校已習慣寫手冊了。

你平日點同個仔溫習,因為人地話番下午班沒有很多時間用,
我其實已有初部計劃,就是夜晚做功課(一定要做哂)早上要溫習等,你點樣安排?可否交流一下。你會不會是全職媽咪?

真是不好意思,我太多問題,因為我對軒官很少資料,我在你方面已掌握到很多資料,真是感激不盡。

不過我個人認為下午班之校工好過上午班,因為我當天早上去交表格時,早上之校工很不想幫你做任何嘢,而叫我下午再來,因為前一天我打電話,老師話可以早上都可以交的,但相反下午校之校工很熱心很Nice.



ypy_clara       

jmak006

ypy_clara,

我係全職媽咪,因為重有一個女讀緊k.2,嚟緊嘅9月自行分配學位会跟埋哥哥以兄妹分數直入軒官下,所以唯有捨棄工作全力照顧兩个小朋友,(能力範圍內自己揍番小朋友無論學業同德行方面都可以安排得好D,同照顧日常生活会兼顧得全面好多,平時温習方面都係習慣放學後先冲凉後吃飯(飯後做功課,當日嘅功課一定要當晚完成,(包括所有嘅網上功課,一定要當晚做完,然後習慣每晚温習當天所教嘅課本知識,遇到有工作紙派番嚟一定要將錯咗嘅答案即晚解釋被小朋友知道,          等佢將啱知識接收番,千祈唔好堆埋一次過温,如果唔係嘅話到測驗或考試,小朋友好難一次過記到咁多嘢,如果今年小一無改嘅話應該係每星期都有中、英文科默書各一次,通常當日默完書就会派定下星期默書嘅內容,有一個星期温默書應該有充足嘅時間温習,如果當日功課小嘅話最好預早温習默書,到默書嘅當日再温一次就巳經好好架啦,至於番下午班時間方面如果配合到我覺得都唔会話時間唔好用嘅,我自己就set咗時間表俾仔仔每日幾多點起身,起身後通常俾佢自由時間35分鐘左右,之後佢玩完就会好有心机投入番學習,千祈唔好一起身就迫佢温習,因為學習係一段好漫長嘅道路太快嚇親小朋友就只会有反効果,媽咪可以每星期依照小朋友嘅校內課程自己出D唔同科目嘅功作紙俾小朋友做,又或者到街外購買一D唔同科目啱自己小朋友做嘅習作簿俾佢做,除咗可以鞏固到小朋友嘅知識重可以有增潤嘅作用,習慣每星期俾小朋友做中、英、數、常嘅功作紙各一張,我就習慣每朝返學前俾小朋做,因為早上頭腦比較清醒比較易入腦,如果返學前有時間餘嘅話,可以俾佢睇圖書,盡量每星期至小要睇中、英文圖書各一本,(對於日後中、英文科嘅閱讀理解有好大程度上嘅幫助。) 再有時間餘嘅話就請小朋友每日習慣檢查吓有無做齊功課同check吓有冇按照時間表執書包,有冇執漏嘢,久而久之小朋友会好習慣你為佢定落嚟嘅模式,慢慢会好自覺成為一个自律同對學習有興趣嘅小朋友,試吓我嘅方法睇吓對你嘅小朋友有冇幫肋啦！

至於你講上午班嘅校工唔係幾熱心嘅問題,原因係上午班上課嘅時間只係会回應同处理上午班學生嘅問題(因為上午同下午校上至校長、主任、老師下至教職員及校工均完全唔相同)往往上午班就要上午班上堂嘅時間打电話問至清楚,下午班有問題就最好12:30後打电話問啦,(上午校嘅校工係完全唔清楚下午校嘅运作嘅,所以有問題最好12:30後或者放學6:30後打去問就清楚好多啦。

有問題再揾我只要我有時間同能力範圍之內都好樂意同你分享學校嘅生活情形。

chingbb

jmak006,
想請教你覺得北角官立/軒尼詩好些    我住北角, 如果考北官就唔需要誇區, 是否機會大些   

hidemode

Hi jmak006,

真係多謝哂你回答我咁多問題 !!

另可唔可以分享吓你囝囝平日個schedule，我囝囝而家返上午班，有時早上起身扭計時問我點解唔返下午班，而家如佢所願！

hidemode

Hi ypy_clara,

你囝囝有冇抽"普話"班呀??我個仔抽唔到呀!!    

cczzko

Dear  jmak006 ,

Thanks for your detailed sharing of 軒尼詩小學 (p.m.).  My son is going to attend the interview this Thursday. Hope he will be accepted!  If he were to be accepted, would you share more experience on how to arrange the time in the morning?

Thanks!

        

jmak006

cczzko,

希望你仔仔順利考到軒尼詩官立下午校,到interview個日下午千祈唔好緊張,要自然D,開心D,最緊要有礼貌,知識上嘅嘢唔需要特別訓練佢,我諗面試係唔会考嘅(插班生除外) 貼士係下午校嘅校長好注重小朋友嘅言行舉止同禮貌,如果可以嘅話衣著要簡單整齊,切忌過份誇張嘅衣著,帶齊所有臨時有可能要用嘅文件,唔好遲到,盡可能早10分鐘到等小朋友適應吓陌生嘅環境,interview之後post你嘅經驗大家分享吓啦！

jmak006

hidemode,

我回應咗之前ypy_clara問過我個仔嘅schedule啦,你睇吓我答佢嘅內容尾段講咗啦。

jmak006

chingbb,

其實北角官立同軒尼詩道官立小學某程度上都有好大联系,校內好多活動好多時都有邀請北官參加嘅,北角官立喺北角區內都算糸一間好學校,而軒尼詩道官立小學上午校既校長都係由北角官立調派過嚟嘅,主要睇番你想唔想小朋友誇區就讀,因為不竟唔係每个小朋友都可以完全適應到,論校風軒官真係教得D小朋友好好,論名氣可能会比北官稍高一D,論派位同樣有联系中學但灣仔區嘅中學程度上就好D,多學校選擇D,而且男仔成績top, 就好大机会派到皇仁呢D Banding 高嘅學校,而女仔top嘅都会有机会派到庇理羅氐,以上都係純粹我個人嘅觀感同意見唔知幫唔幫到你,或者最好問吓身邊人嘅意見比較吓兩間學校嘅優点同缺点至作出選擇就穩陣好多。

cczzko

jmak006,

Thanks for your tips!  You are such a caring mom!

              

suielo

我個仔考到軒尼詩小學下午校
今個星期六上午校約面試,
請問有冇人知會問d 乜?

ypy_clara

jmark,

好多謝你同我分亨,我看完你的時間表後及讀書心得,你所寫的同我所想一模一樣,因為我都是想每日都要完成當天的事,因累積只會不斷增加及辛苦,我相信個小朋友會慢慢有完善的學習模式。其實現在我已安排一些類似小學模式給個仔練習,例如,因番上午中午放學一回來食完飯,要做功課,跟住做兩三頁之街外練習,跟住便請他溫習課本,完成後,請他執拾書包或有沒錯漏,我才准他自由時間,及帶他落公園踏單車。                        

我都是全職媽咪,我是因為個仔讀小學而辭職,而我也有個細佬九月讀K.1 早上,我可以在早上容易 HANDLE個仔的讀書時間及兩人不用時常走在一起而分心,你個女讀K.2,早上還是下午? 不過我就慘啦!因為全日都唔得閒!


我們一起努力吧!!!!!   

ypy_clara

hidemode,

你抽不到,不用灰心,因為可以專心入精英班,如我抽到我都未知道會讀不讀,但我還未知道,你怎樣會知?請PM給我。謝謝!

YPY_CLARA     

hidemode

Hi ypy_clara ,

上軒小網站睇有冇你囝囝份....


click here

ypy_clara

hidemode,

我上咗小學個網,但係唔知係邊度,可否告知? 謝謝!

ypy_clara