請教各位媽媽：老師話仔仔楂筆唔夠力，有無人曾經面對相同問題？

GraceYeung

仔仔3歲半k1，佢學校一向都無家課的(長假期除外)，今日老師話仔仔楂筆唔夠力，重係用拳頭楂，請問有無人曾經面對相同問題？再大d會唔會好d？係咪只有叫佢寫多d，劃多d呢個辦法？

carawing

我囡囡今年都係K1,下學期就有字寫,初時都話佢楂筆唔夠力,MISS 叫我買三角膠套落鉛筆度等佢可以好些少揸手.同埋叫佢得閒穿吓珠仔,訓練吓手嘅肌肉.佢地學校敎用揸槍手勢揸筆,好容易學又易記.你試吓啦.  

idyhk

鉛筆買三角筆俾小朋友用,平時多o的同佢玩泥膠都有幫助

jvkll

是的,三角筆真的有幫助,嘗試給仔仔用!

idyhk 寫道:
鉛筆買三角筆俾小朋友用,平時多o的同佢玩泥膠都有幫助

GraceYeung

各位：

唔該晒你地，等我儘快試下先。


Grace

CINDY媽

其實有可能你個小朋友係少用鉛筆寫字所以唔太識就力姐,用三角筆係最好既方法,因為佢既筆形令你手指位就住正確執筆手勢執筆,你可以試用你的手執着佢隻手用少許力壓下,比佢感受一下寫字的力度, 拳頭楂筆係小朋友剛學執筆時的最開始手勢,佢只係係第一個階段姐,老師同你講,可能想你係屋企再配合佢係學校教佢執筆的手勢,敢小朋友好快就執得好架la,唔使緊張,岩岩開始好多小朋友都係敢架,時間耐左自然會掌握到架...

lingpanda

你可以用三角筆，另外再叫他利用中指、無名指、尾指握住一粒泥膠，讓他只用母指和食指握筆。此外，你可在白紙下鋪上粗沙紙，要他在白紙上畫線or寫字，這可訓練其書寫時較大力。