3歲小朋友

billysim

阿仔下個月就3歲我想問問呢個歲數既小朋友係咪好好記性, 阿仔佢去過既地方每睇返d相一定記得係邊道, 由其事去我d朋友屋企幾多樓都記得, 噚日我老公問阿仔你有無去過銅鑼灣佢話有仲話叔叔鬧姐姐仲話o個到13樓  而o個次係佢第一次去AGENT道, (其實都成兩個月前既事, 事原o個次個工人做咗D好錯既野)我就帶佢返AGENT到, 跟住老公問我記唔記得幾多樓講真我真係一D印象都無, 今日阿仔見到我家姐第一句就問佢點解唔着對綠色鞋, 另外我發覺佢有自已一套記野方法佢會用NUBER去記THOMAS & FRIENDS D火車名, 聽歌會記得隻CD幾多號=咩野歌, 記巴士NUBER有D路線佢會記得幾多號去邊道, 而係幾個月前有一次佢無端端係到講婆婆搭264M返屋企, 呢架車係由青衣去天水圍(我阿媽係o個道住), 其實真係好失禮因為我都唔記得淨係識得去到就上車    而地鐵站已經識得數晒荃灣線, 東涌線, 而且佢好得意連每個地鐵站咩野顏色都記得, 另外MUG野地鐵站同MUG野地鐵站係同顏色(其實我真係無咁樣教過佢, 亦無諗過用MUG野方式去教佢), 所以想問問有無D差唔多年齡既小朋友係咁嫁   

silvia_ng

我仔仔都係3月就3歲, 佢對某d野好記性, 好似唱歌, 廣告, 語言, 地方。不過講野就唔識答, 教過佢都唔記得, 所以唔知係真唔識定扮唔識。

laiki

我個仔2.5歲對字同路都好有記性,搭巴士去到邊到佢就會講個地方名,搭咩巴士返屋企同去婆婆到佢都知,最令我驚訝既係有一個地方佢去過3次,最近個次係個幾月前去過,之前去係有個公仔貼係玻璃門度既,佢話我知冇左個公仔,仲有有一次佢叫我講個玩具係咩黎,其實佢知不過佢想我答,我將士巴拿講做鏍絲批,佢糾正番我,又有次我教佢frog同fork既分別,我講錯左fork係青蛙,佢話唔係呀係叉叉.

RICEMAMA

我個仔下個月就四週歲, 我過去一年都以為佢算好好記性, 但後來我發現好多小朋友都差不多, 我覺得好多時佢記得係佢地上心, 好似地鐵站, 同佢坐過一次就會記得站名, 顏色, 有沒有幕門, 那個站裝修中, 那個站是架空, 佢現在認字會同地鐵站有聯想, 如見到"指環", 佢會話手指個指, 中環個環, 佢記得因為佢鍾意lor, 幾個月前去過個商場厠所, 幾個月後再去佢會記得那一格厠所掛上海星/海馬的圖畫 :

++EE

My son 都系三月就三歲, 佢記性又系好好, 有好多

RICEMAMA

仔仔2.5yrs old時, 佢好鍾意看一本食譜, 後來我發現, 佢可以把全本書順序或倒序說出各種食物的名稱, 後來買了一本動物書給他, 他可以把一百種上下的動物順序或倒序說出

twokidsmum

我細仔快3歲, 很多時我講一兩次他便記得, 簡直是一塊海棉.   

Flying-Man

When my daughter was about 2 yrs & 4-5 mths old, she could念"木蘭辭"頭16句,即由"唧唧復唧唧，木蘭當戶織。不聞機杼聲，唯聞女嘆息。問女何所思？問女何所憶？女亦無所思，女亦無所憶。昨夜見軍帖，可汗大點兵，軍書十二卷，卷卷有爺名。 阿爺無大兒，木蘭無長兄，願為市鞍馬，從此替爺征。”

我只系利用搭車時的十多minutes同佢背一背,每次背d,每次背d (但唔系次次都同佢背),佢后來就16句都背得出.但而家冇再同佢背,佢(now 3 yrs & 8 mths)就只記得dd.

Sindy

我仔都好好記性,歲半就識念唐詩..'床前明月光...... & 春眠不覺曉.... & ........',教左四次......而家d細路都好叻架囉....1x%係資優細路.......

睡覺

仔仔二歲半時，已會背全部1至10的乘數表喇。他是自己看乘數表，然後問我技巧，跟住就自己係度讀....間唔中讀下，兩星期的間唔中，咁就背哂了....完全係自發性偏好..

之但係，我同佢講隔黎姨姨的電話號碼﹕如 9876543，叫佢記住，佢記極都記唔到，佢話「98乜野話？」我再唸一遍，跟住佢就話﹕「987乜野話？」咁我又再唸一遍，佢就話﹕「9876跟住呢？」..............每次都係咁........     

佢只係選擇性記性好罷了 :

addy

Flying-Man 寫道:
When my daughter was about 2 yrs & 4-5 mths old, she could念"木蘭辭"頭16句.
我只系利用搭車時的十多minutes同佢背一背,每次背d,每次背d (但唔系次次都同佢背),佢后來就16句都背得出.但而家冇再同佢背,佢(now 3 yrs & 8 mths)就只記得dd.

我覺得小朋友5歲以下記性會特別好,
有心教唐詩既, 應該會做到, 但......相隔一段時間大多會望掉.