請比 d 意見？

咕怪媽媽

囡囡就2月夠兩歲，基教大坑東已經收左佢，不過要8月先入學。
我之前打好晒如意算盤，諗住到佢足兩歲就比佢返學，就算冇正式位都返住暫托先，然後就可以比工人放假。佢已經過晒兩年，自己都有個仔，都好想可以快 d 返去見下個仔。

點知大坑東話連暫托都滿左。我而家有幾個方案：

1) 搵同機構其他學校暫托 - 好處係環境同教學模式同大坑東一樣，將來囡囡易適應；壞處係都係要搭車去返學。

2) 響屋企附近暫托 - 好處係方便；但驚萬一搵著間唔多好的幼兒園，將來囡囡正式返學時有陰影。

3) 叫工人等到囡囡8 月入學先放假 - 自己於心不忍。

如果您係我，您會點做？

2mings

我係你我會撰3, 你對工人於心不忍,好過你撰1同2對自己個囡於心不忍!  :-|

小朋友剛足兩歲好trouble,又要獨立又怕陌生,足歲入讀 N1 都要一個月以上先適應學校生活,家長更要預一星期同小朋友一同上學. 你既如意算盤要再計一計!

工人出外工作,都要預在離家一段長時間,加上你應該同佢續約,佢應該已經好高興!   一般情況下,兩年以上的工人開始要求多多之餘,亦工作表現開始下降,你都係唔可以太就佢! :-|  

yuenwa

咕怪媽媽,

你住係邊? 係邊度工作? (睇下你工作地點附近有冇基教幼兒園?) 有冇問過基敎石硤尾有冇位暫托?

我係東涌住, 係灣仔返工, 我亞女係灣仔基教時代讀。時代應有位暫托。

咕怪媽媽

多謝您！yuenwa。

我住將軍澳，返中環。其實我諗緊問基教官塘有冇暫托位。