有感而發 - 現今青少年有冇學過禮讓

happypenguin

今日抱住睡著了的囡囡乘巴士,眼前的幾個年青人冇人讓座不特止,中途有人下車時有個女仔竟跟我爭位坐; 其間高談闊論,慌死人地唔知佢地係大學生!
記得小時候讀書時老師必教讓座給有需要的人,唔知係咪新時代學校唔再教。近年見親識得讓座給老人家的都是我咁上下年紀或更大年紀的人,年青人則好少見!

Yee280102

無錯....時下年青人真係好小好小人會甘做架啦..
我大肚時試過讓坐比我坐既人係一個伯伯...反而D年青人會當睇妳唔到囉...

Felicia726

I am afraid that 現今青少年冇學過禮讓. Most of them study 'diapers'.
Actually not only youngsters, even people over 24 years old, they are not quite educated. They will not help the one in need, etc.
They read newspapers/books/bible in the MTR, but apparently, they are so uncivilised that I doubt if they can really read.

BallBallMaMa

我都試過揹住BB坐MTR冇人理,起身讓位給我的竟然是位70幾歲,UP下UP下的阿婆,真係嚇死我,幾驚佢跌親,其他人?都費鬼事理你呀!!

"They read newspapers/books/bible in the MTR"
我最睇唔過眼D人睇bible唔讓位,天父冇教你要幫助有需要的人咩

chuchuma

I totally agree those youngsters really讀屎片。  完全唔識基本禮貌同做人基本道理。真係一代不如一代。

但想真Ｄ, 其實又唔應該怪晒佢地, 自小父母、老師冇教，咁佢地又點會aware 得到。

唯有我們引以為介, 儘量做好我們本份, 認真地教好我們的小朋友, 等佢地唔會重蹈覆徹, 比人鬧冇家教。

2mings

有的唔止唔禮讓,仲好冇公德心/同情心!  :evil:

我個囡囡兩星期前試過唔小心撞埋塊好大好乾淨既玻璃到,"彭"一大聲,即時起高樓,即時大喊! 有個男仔同佢父母見到,竟然3個企係到大笑,當睇喜劇!  

我即時好鬼嬲,只好大聲同囡囡講(但對眼就睥著對冇品父母),痛下唔緊要,唔好俾人笑! 跟著抱住囡囡面對面同個男仔大聲講,哥哥仔,唔使笑人噃! 令佢地即時冇癮,即時收聲唔敢再笑! :tongue:

happypenguin

對小朋友來說,父母是最主要的模仿對象;大人自己都其身不正,又點可能期望個細既有品德吖!

--------------------------------------------------------
由 2mings 於 2005-12-24 12:35:00

有的唔止唔禮讓,仲好冇公德心/同情心!  

我個囡囡兩星期前試過唔小心撞埋塊好大好乾淨既玻璃到,"彭"一大聲,即時起高樓,即時大喊! 有個男仔同佢父母見到,竟然3個企係到大笑,當睇喜劇!  

我即時好鬼嬲,只好大聲同囡囡講(但對眼就睥著對冇品父母),痛下唔緊要,唔好俾人笑! 跟著抱住囡囡面對面同個男仔大聲講,哥哥仔,唔使笑人噃! 令佢地即時冇癮,即時收聲唔敢再笑!  
----------------------------------------------

puibb

前幾個月,帶仔仔女女去警察會遊戲室玩,入到去,見到一班小朋友竟然爬上個d屋仔頂,講真,咁多小朋友,跌落黎唔會話會死,但紐親手腳或傷到其他小朋友都唔好啦,我先生都係好心話'小朋友,好危險喎,不如落返黎啦'...d小朋友竟然話'關你鬼事呀'....而個班小朋友既父母...竟然係九龍塘名幼稚園既家長
(佢地原來座係我傍炸,講緊今年店準備報名入邊間邊間名小學)
所以,家長這個角色好重要!

kae

我都曾經見過向九龍塘d補習社門口有幾個某某數一數二的名校生向度大大聲用英文講粗口同打交啦。

香港係好多後生仔都唔會禮讓架，以前大肚至而家湊住個女都只會係d中年人或老人家讓坐，都唔明點解，但返而上個暑假反左大陸番禺玩，因我地住個d渡假屋出入都一定要坐穿梭巴士，真係講你都唔信，每次我地一上車就一定即時有人讓坐，就算係我老公抱住都係，無論後生仔，中年人都會自動自覺讓比你坐架。

BerniceBA

現令大部份父母都只重成績,不顧公民教育,德行

cherriemama

我諗主要係好多父母都要搵食,只靠工人教,講真,工人點理得咁多,由得佢自由發展,攪到d小朋友個個好似小姐呀,大爺呀咁law!試過有次去club house同囡囡玩波波池,有個5-6歲百厭仔爬上波波池圍欄頂(~2米高),我怕佢會跌落黎壓住我囡囡,我咪叫佢小心d,好危險,唔好爬上去,點知佢竟然好串用英文答我:" I don't understand Cantonese!!! Ha Ha Ha..."

keithksc

我地要切記唔好只識批評人, 黎得依道o既個個都係父母, 我地一定要教好我地d仔女, 要佢地學識咩叫禮讓, 希望將來小d同類型事件發生。

Felicia726

cherriemama,
Next time, you should tell those 'banana boys',not to live in HK, go to English-speaking countries to speak English. This is really 'shoot' that Chinese kid speaks a mouthful of English in HK and pretends or refuses to speak Cantonese. This really makes me sick.

cherriemama 寫道:
有個5-6歲百厭仔爬上波波池圍欄頂(~2米高),我怕佢會跌落黎壓住我囡囡,我咪叫佢小心d,好危險,唔好爬上去,點知佢竟然好串用英文答我:" I don't understand Cantonese!!! Ha Ha Ha..."

Sindy

happypenguin 寫道:
今日抱住睡著了的囡囡乘巴士,眼前的幾個年青人冇人讓座不特止,中途有人下車時有個女仔竟跟我爭位坐; 其間高談闊論,慌死人地唔知佢地係大學生!
記得小時候讀書時老師必教讓座給有需要的人,唔知係咪新時代學校唔再教。近年見親識得讓座給老人家的都是我咁上下年紀或更大年紀的人,年青人則好少見!

呢d情況我日日都發生...我抱住個仔....帶個女返學.....日日都無人讓...好間中咁都有一個半個學生讓既.....個女返左幾個月學....都有三次有人讓位..........我見有老師都係咁衰呀....同個學生係度傾計.....我企係佢面前咋...都扮睇唔到....我實記住佢.....我點都唔會比我既細路讀呢間北角半山既'東xx院李xx中學呀.....................老師都係咁...點教我d細路呀????

ckfyatyatm

恭喜你,你們會教小朋友吧,也有一些家長不會教的,只顧自己的利益,不顧他人的.

Felicia726

Sindy,
Seriously, I think you should write a letter to the principal of 北角半山既'東xx院李xx中學 to complain about their school teacher. ...

Sindy

Felicia726 寫道:
Sindy,
Seriously, I think you should write a letter to the principal of 北角半山既'東xx院李xx中學 to complain about their school teacher. ...

寫左啦....學校無回應呀....所以我先話我d仔女衰到貼地都唔會去呢間學校讀....真係的...雖然隔離果間都好出名衰架啦...但總有一個半個學生讓下位.......但呢間連老師都咁樣.....

happypenguin

kae 寫道:
我都曾經見過向九龍塘d補習社門口有幾個某某數一數二的名校生向度大大聲用英文講粗口同打交啦。

香港係好多後生仔都唔會禮讓架，以前大肚至而家湊住個女都只會係d中年人或老人家讓坐，都唔明點解，但返而上個暑假反左大陸番禺玩，因我地住個d渡假屋出入都一定要坐穿梭巴士，真係講你都唔信，每次我地一上車就一定即時有人讓坐，就算係我老公抱住都係，無論後生仔，中年人都會自動自覺讓比你坐架。

枉政府仲花錢宣傳微笑,以禮待人,但就連沒有9年免費教育的大陸都不如。

winsonma

我搭火車啲人仲賤, 我大肚攞住大袋嘢, 老公抱住訓咗嘅仔, 無一個人讓位!