05小一收到考試卷後心情如何

ty1031

小女昨天已派測驗卷,真激氣,好似常識咁(81分),填充題明明題題都識,要佢全部背哂出嚟都可以(這part咁就扣了13分),,我覺得她是否唔留心,其他就唔小心,真係唔低呀!仲有英測填充有冇生字選擇,小女學校就沒有 ,79分是否太差呢!

ydoris

我個女今日已經係第二日考試,我睇番個時間表.嘩...~~中文考2日,英文考3日.其實我真係吾知佢點分,考試係點考.好似有無填充,有無字俾你選,閱讀,重組句子...所以只盡力同佢係weekend分段溫習.所謂分段就係,起身之後食完野,個人醒晒便溫個幾鍾,跟住玩個幾鍾,再溫個幾鍾..如事者至到晚上10點..好慘..但係溫習時,我先發現佢原來咩野都吾識.有d係上堂老師讀,佢答,好似閱讀咁,佢跟本無睇文章,只係聽.所以同佢溫時,佢吾識答.平時d 作業佢都對,但到溫時先明白佢係吾識.識個d填左,餘下的填埋佢lor~~有好多佢只識講,吾識寫.所以我經過今次,知道第日點教佢..

chichima33

sandycat,

講起測驗考試真係比d家長無形壓力, 見人地讀International的真是好開心, P.1咁細全日都做功課、溫書、做補充...都無哂時間玩了. 好似為應付考試而讀書, 似Robot一樣. 我個仔Kindergarten在無壓力, 開心學習的Victoria讀, 現在升去傳統小學就連我都要慢慢適應. 我都睇o左尋晚個節目真係好佩服o個兩個Mami.

ChiChima33

Gorowitz

Sandycat,

Which school is your son studying at?
It's far more important to see improvement at his own pace. There is no need to compare with others.
Don't let your anger destroy your belief in him.

sandycat

各位好!!!!

今日心情好D，但內疚感覺仍在心頭，因我是重沒試過打得他那麼傷，亞仔今日一放學，便同我講抄了什麼什麼，我想抄功課暫時對他來說是幾上心，希望以後都會越來越好!!!!

我問亞仔痛唔痛，佢話上堂時間唔中會痛，聽佢講完心更痛。

我已錯了，作為一個反面教材，希望各位(包括我自已)，真是盡量忍忍手。

hellolanlan

Sandycat,

我最嬲, 都係打 .... 自己隻手落牆, 呀囝已經好驚 la.
小朋友多數錯唔小心, 迫佢習慣做完要check卷, check 功課, D 細路一check 就知自己錯, 扣小好多 careless mistake 分

珠仔

Sandycat,

真係陰公囉! 下次千其唔好勒，我成日諗阿仔仲細，佢根本唔識嬲我地，尤其是我個仔都好純，佢從來唔識反抗，所有野都照單全收，我更加唔好mug都要打佢，咁樣ｄ細路好慘，同出面ｄ街童有咩分別？今次我都”鄧”你同你阿仔慘！

sandycat 寫道:
各位好!!!!

今日心情好D，但內疚感覺仍在心頭，因我是重沒試過打得他那麼傷，亞仔今日一放學，便同我講抄了什麼什麼，我想抄功課暫時對他來說是幾上心，希望以後都會越來越好!!!!

我問亞仔痛唔痛，佢話上堂時間唔中會痛，聽佢講完心更痛。

我已錯了，作為一個反面教材，希望各位(包括我自已)，真是盡量忍忍手。

Umi

我都覺得而家d家長好多大壓力, 我個女現在放學後落左補習社2個鐘, 因為時時等我返屋企做功課, 所以唯有去補習社, 返到屋企已經六點幾喇, 仲辛苦過我地返工, 早上6點幾起床去夜晚. 我個女今次測驗又係佔40%, 咁咪即係考試，佢今日最後一日, 我都好擔心會否好差, 因為佢唔係好識睇題目, 加上大意, 但我都控制到自己既, 不過遲d就難講喇.

有時感到d小學生好辛苦, 係為左討好大人而讀書, 而唔係為左想知多d野, 香港既免費教育真係有代價架! 我好緊張個女d成績, 但又唔敢比太大壓力, 如果佢有温書和只係衰大意, 我都可以原諒, 因為佢係識的, 但如果佢一d都冇填既話, 咁就大問題d.

cherry_kwok

其實我都好似大家一樣非常感到好大壓力,又要返工,放工又要看功課,考試又要溫書,事事都為小朋友想,都不知為何,現在心情已經平復了.因為已想通了,平常心,媽媽不是萬能,小朋友不是超人,盡了力便OK.

sandycat

Hellolanlan,

唔好打自己隻手落牆啦! 唔好傷害自己!!!

        

kitty

sandycat 寫道:
各位好!!!!

今日心情好D，但內疚感覺仍在心頭，因我是重沒試過打得他那麼傷，亞仔今日一放學，便同我講抄了什麼什麼，我想抄功課暫時對他來說是幾上心，希望以後都會越來越好!!!!

我問亞仔痛唔痛，佢話上堂時間唔中會痛，聽佢講完心更痛。

我已錯了，作為一個反面教材，希望各位(包括我自已)，真是盡量忍忍手。

我睇見都心痛 !
掉左條腃條去啦...
我最嬲都係用手打下佢個手腳...(不過都好小打)
有時好嬲就只有罵...佢地都好驚架喇 !
其實你仔仔都ok 啦, 話哂都係第一次測驗,比小小時間佢適應啦...
我女小一時第一次測驗中文都係剛合格咋...
默書有時得2幾30分咋 !我咪話下佢算囉 (佢自己夠想100分啦,(果時我地學校9字頭以上會有小禮物)佢都好唔開心架 !如果連我都又打又罵,你諗下比著你會點丫)
再加上佢小一適應有問題,都悶悶不樂左好耐 ,後來到下學期開始掌握到點做,上堂又留心左,又做左班長,個人信心大左就開始進步,而家小二喇,剛測完驗,成績都ok (在我心目中,只要佢有盡力就ok ,佢今次中文都係76 咋,我都讚佢,叫佢比心機....)
你試下每日佢做完功課叫佢讀一次解一次比你聽丫...
咁樣會加深佢記憶架,上年我女都係咁樣,下學期時進步了不小!

我講多樣野你聽丫,
我女有個同學測驗時做唔哂d 卷係度喊..
老師問佢做咩呀...
個同學話驚低分唔合格返屋企比媽咪罵所以喊...
你話個小朋友可唔可憐 ?
老師唯有安慰佢叫佢下次做快d ...

希望你唔好介意我咁長篇 !

MA-MA

唔好再激氣其實囝囝已經考得唔錯起碼成績都唔產差點解要打我印象中打得個女比較咁個次都係因為佢品行唔好但從冇因為學業去打雖然入左BRAND 1 小學(05/P1)希望校風好唔會學壞佢已經由開學時唔理到現在放學第一件事做完功課先都幾好如果小朋友品學兼優做父母一定開心但要自動自覺又唔駛父母激氣我話萬中冇一所以我唔迫唔打最起碼佢重喜歡返學幾好開開心心要讚多多 書讀唔成都唔好學壞 身體髮膚受諸父母你打囝囝咪即係打自己儍呱現在又唔係已經讀完只不過剛開始大把時間一陣嚇怕冇心機你重慘快快同佢去玩下開心返哂來哈哈

chichima33

sandycat,

好心你啦, 自己忍一忍或者好似我咁, 很 時忍住, 之後一拳砌我老公 (佢都無乜幫手,成日亞之亞左)好過打個仔,佢真係唔識都無辨法。

ChiChima33

littlecat

我囝囝學校今年改制, 除左測驗和考試要計分外, 平時d功課都要計分, 仲有學習態度都要計埋成績表內, 咁即係平時d功課都要做好d.  呢兩日學校派測驗卷, 囝囝既成績都o.k., 不過連功課都計分, 做家長就好慘啦.

:tongue:  :tongue:  :tongue:

yinyin

其實功課是否只要有交齊, 至於對或錯是由老師去改, 佢地才會更加記得清楚.

但如果要計埋在平時分, 即是家長要做埋老師果份

st.bintai

littlecat 寫道:
我囝囝學校今年改制, 除左測驗和考試要計分外, 平時d功課都要計分, 仲有學習態度都要計埋成績表內, 咁即係平時d功課都要做好d.  呢兩日學校派測驗卷, 囝囝既成績都o.k., 不過連功課都計分, 做家長就好慘啦.

:tongue:  :tongue:  :tongue:

咁如果仔仔比較聰明,覺得老師悶咪大件事    要將佢既學習速度放返慢   咁咪累死佢    學校點搞咖

Hei-Hei

港台節目 - 童夢飛揚 ------> 孩子不識字 <------ click

但有幾多學校可以付出??

ydoris

都考完試啦,吾好再嬲d仔女啦.我亦張我的要求降低左.俾d時間大家,2個月對於一個6歲小朋友來說.要應付咁大轉變,真係好過我地d大人.剛考完試當日,班主任打電話問我平時邊個睇功課,我話無架,我都知衰架.我夜晚check完朝早叫佢改lor~點知派卷,佢數學同英文listening都100分wor..其他有作句子個d就得70幾.分別咁大,呢頭讚佢100分,個頭又要教佢要小心寫字...用平常心啦.我而家要係下次考試前同佢打番好個底..但默書又開始啦....!!!!

PINKAVA

真係好想同大家講:
打~~~ 唔係好既方法,
如果呢個方法係得既, 小朋友有改善就當然開心, 但難保日後佢又有錯, 你又係用打既方法......倒頭來, 祇會越打越重, 小朋友痛、大人又痛, 個腦不停咁接收皮膚上滕條痕既"灼灼痛", 然後又諗番比亞媽打既情境, 咁又點樣專心去上堂?!?!

亞媽傷害自己亦都唔係一個正面既方法,試諗下, 小朋友想父母做一件事, 而父母做唔到, 難道小朋友又撞頭撞手?! 呢D跟本就無意思, 你地祗會令小朋友有咩事就去打/傷去處理。

其實多作鼓勵, 有時出外活動下, 鬆下再去學習, 咁個腦都清晰D, 學習都入腦D。

[size=large]請把滕條掉去吧!!!!!

珠仔

聽聞將d字倒轉寫可能是小朋友太聰明喎! 我以前聽有個case係一個資優兒童將個R左右調轉寫，講極都錯，後來驗到係資優，去左優才學校讀先至攪得掂佢。