06年仔女入讀 K1 的（屯門區)媽咪，大家入黎傾吓！

luluma

我就住近何福堂, 如返保易或聖彼得都要坐校車, 保田就可以工人帶....

我都係聽朋友講保幼好, 不過你唔講, 我真唔知聖彼得可上蒙恩喎.....咁即係保幼的小朋友就不可以入?

你一定係基督徒, 是嗎, 如果係, 你會比一般人多五分喎, 入的機會大好多呀.....

蒙恩係你心水?, 聽到很多媽媽都有話佢幾好, 但有那些地方好呢...

joeyng

我囝囝係 st peter (Castle Peak)讀緊N1, 1/11我都報咗保易, 5/11 10:30面試!!!幫佢報保易喺因為我自己幾喜歡莊啟程小學,所以報保易希望升小一容易升莊啟程小學,加上近屋企    St peter (Castle Peak)就要搭校車,但老師同環境都唔錯囝囝讀得好開心.........家陣十五十六,唔知點好,如保易唔收AM,我就報番St.Peter(Castle Peak) , 如果保易收佢上午K1就唔知點算   

luluma

joeyng

想問, 要入保莊, 小朋友要來自保易才可以嗎? 為什麼呢? 不是攪珠的嗎?  

這樣, 如個是聖彼德學生就唔可以入保莊....若是有這個遊戲規則, 咁咪入左第間幼稚園, 就去唔到自己想的小學囉?     

我仲以為, 入左間好的幼稚園, 選邊間小學都無問題添....

咁我如果想阿女入, 以下其中一間, 咁應該乜幼稚園呢

鄭任安千希
鄭任安正校
何日東
保圓
蒙恩

hviy

今日同大囡in保良局圓玄,同校長面談嘅資料或者會幫到大家,佢地今年4班p1,收番嚟嘅學生由9月至今觀察咗2個月,編班及評語如下:
1.國際學校幼稚園-英文叻,普通話唔得
2.保良局幼稚園-普通話叻,英文嘛嘛
3.聖彼德堂幼稚園-英,普都ok,較平均
4.其他幼稚園包括天水圍,元朗-最參差
大囡讀聖彼得兆麟,真係好開心又ok,學校無默書,但要佢地自己觀察學寫,英文就玩串字遊戲,細囡06k1都會讀兆麟.
星期一晚去會所玩helloween見到有個女仔,同佢媽咪傾開原來佢讀緊Ocsar,原來佢地每日有4,5樣功課,有考試,仲要默十幾個生字,詞語....
講番St.Peter,luluma講呢幾間小學都係佢地主打,但呢2年就少咗人揀蒙恩,因為佢無直屬中學,實際派位情況可以喺兆麟個校網度有得睇,而保圓校長就話鍾意兆麟學生多過保良,話d細路活d醒因d喎,今日攞住叠相準備post上網,都係用St.Peter嗰班學生.希望呢d資料可以幫到你地啦,聽日兆麟面試大家good luck囉   

joeyng

luluma,

話就話攪珠, 但萬一兩次揀同一小學都衰咗,咁你個小朋友係幼稚園表現中中地, 都可以要求幼稚園校長寫封推焉信比小學校長試多一次,而大家係同一辦學機構通常有位都可以優先,我想囝囝入保易係想買個保險啫!!!!   

好多時D校長揀學生都好 家長誠意&配合!!!!

我最希望囝囝可以找到一間適合佢的讀書模式的學校,愉快地學習成長!!!!   

Violet

我都幫我個仔報左佳寶, 約左下SAT返去玩.... 聽你地咁講, 果日即係返去interview, 而唔係玩 !?
但係我奶奶去交報名表時, 學校d人同我奶奶講實收架喎, 即係點呀?

hviy

Violet,

我記得當年同阿囡揾k1,miss咗佳寶,後來有次帶阿囡行咗去嗰度咪順便入去八吓囉,喺門口見到校長,佢帶我係咁2睇吓d學生上課情況,就問我想唔想俾個囡入嚟讀,我話想,佢即刻叫我去門口填表,交報名費同留位費 我咪問佢乜唔使in嘅咩,佢話己經觀察咗阿囡,佢ok喎,不過要讀下午班......最後就凈係交報名費無交留位,佢仲話開學前決定都會收阿囡    我個囡係千禧BB,喎年出生率好高,佳寶仲有人排隊交表,竟然咁都收唔足
e+阿囡k3啦,在暑期開始都有好多小學簡介會,發覺d小學會主力係保幼,聖彼得同佳寶度拉票,甚至有好多免費嘅暑期英文班,樂器班,跳舞班俾k2生參加,入到以上其中一間好ok架啦   
今日同細囡in兆麟,發覺有好多青山n班轉介,我唸嗰班入到嘅應該機會可能會大d....由9:00in到12:00接大囡放學都未完,應該有成3百幾人架   

Violet

hviy,
其實我有同阿仔報兆麟st. peter, 今朝都有去interview, 但因為佢太多人爭, 2xx個位, 3xx人報, 我都係報埋佳寶做後備.
咁你大女係咪讀兆麟st. peter?

luluma

hivy

多謝你的寶貴意見

今日我去左保易, 保田, 聖彼得in, 而佳寶一早就收左我個女, 但我還未比註冊費, 一來佢無得退, 二來自己想, 以上三間一定有間會收阿女.....

不過聽你咁講, 即係佳寶都算係唔錯的學校啦, 是嗎? 至少d小學都會在這校拉票, 如果唔係好, 小學應該唔會咁做, 是嗎? 唔知佳寶有乜地方另d小學欣賞呢?

至於佢地收生足與否, 真唔知, 但校長話佢地的收生情況, 年年都滿額喎  

吓     , 咁多人轉介聖彼得, 咁收的機會咪好微囉....我個女在面見過程中, 只係自己玩添, 實肥佬啦.

celia_ip

你地係聖彼得面試成點呀??! 三佰幾人報名,得二佰四十個位,
萬一囝囝入唔到又要再搵學校囉........
都唔知間學校攞咩黎做評分標準,又好似唔駛點面試咁.....
希望囝囝入到啦,上下晝都無所謂囉.......

bb33

我仔仔本來約了星期六10:00am, 但我和亞b見了東華三院及即時公報收生,所以沒有去聖彼得, 而聖彼得居然致電給我為何沒去in, 我話亞b生病, 他即和我改期, 下星期才試試...

luluma

celia-ip

係囉, 都唔知聖彼得佢用乜計分, 又無問家長, 又唔見乜小朋友問題, 只係玩玩具, 如果要睇小朋友係咪活潑, 主動, 我個女肥硬佬

因為佢只係自己玩玩具, 乜跟其他小朋友去老師那邊, 比禮物佢都唔識講多謝.......你話屎唔屎

非女

你點呀那日?

joeyng

我個仔 5/11 in 保易......老師問問題又唔答......都還好佢坐定定........全個interview 只係講咗一句"Thank you" & "bye bye"    佢一點都唔主動但佢都有留心老師講嘢,都唔知收唔收佢   

beautymother

我個女又係星期六10:30am去保易in呀，我只係報o左上午班，沒有選下午班。11:30am又去o左聖彼得(兆麟)呀，我都奇怪，只係玩下玩具就當in了。兩間我都只報上午呀，唔收都唔知點算好添。又如果兩間都收，又唔知讀邊間好。真頭痛。

hviy

Violet, luluma,

我大囡喺兆麟讀緊k3,佢以前都係咁in法架,係有個老師觀察小朋友嘅表現,睇吓佢地合唔合群,有無暴力傾响 嗰日細囡in嗰時有個男仔忽然自己走咗出去,有個老師捉佢番入嚟,佢又走第二次,今次老師閂門,點知佢自己開門出去    佢daddy,mami仲笑到kit kit聲都無阻止,後來出唔到去又自己除褲 d老師望住呢個小朋友唔知好嬲定好笑 ,有次同校長傾開大囡升小一in直資嘅野,佢都話in小學同in k1都係差不多,無可能喺幾分鐘就睇到個小朋友咁多野,去到新環境,點都有d影响,唔出聲可能只係慢熱啫,佢地都係揀家長多過小朋友,以呢個方法對d細仔細囡交為公平,而保良就會揀大仔大囡多,因為佢地k2開始有默字,細B好難跟,有d仲朝朝咋病唔想返學
佳寶出名嘅原因有2個,1.喺幾年前有個小學數學神童係兆安佳寶畢業生.2.佢係教管局嘅trainning school,所有教管局嘅新野都會放資源入去優先試驗,至於好定唔好就要自己唸啦...不過保圖校長都係放佢地入嗰班雜牌軍入便,保良同聖彼德各佔一班,至於n1仔轉介就抵佢地有誠意分加啦 :wink:
祝你地小朋友金榜題名啦,俾阿B入去讀,一定唔會後悔,我睇住佢地年年都改善校育方式,越做越好   

garfield_pooh

我亞囡分別 in 左佳寶(建生) & 保昜,佳寶就已經收硬,保易就末知,但我個人較喜歡保易,可能我對保良局有信心d,而且我比較鐘意保易個環境,個playground又夠大   

hviy:
好多謝你提供咁多保貴既意見,真令我獲益良多呀   

nine12

hviy
我想問？個份問卷調查合唔合影響派讀上午同下午呢？因為2間其中一間，如果收我個女我都會讀，最好就係上午班啦！，但我又同意讀下午安排！
佢地係咪攪珠分佩，上午班呢？

SHRILEY

我仔仔係03- 5月出世架.  我都報左siu lun st. peter, 我自己住 siu lun, 當然係希望讀到啦.  in個日真係好多人呀. 填問題時候我依然係prefer上午既, 其實我都怕因為咁而miss左個chance.  查實下午都冇所謂既, 只不過d 時間要由頭adjust過.  因為仔仔日日都有午睡習慣.
個日interview我都覺得好奇怪, 乜都冇問過既, 我個仔都係自己玩咋, 仲搶左小朋友架車車tim.  我都好擔心會肥佬呀.

另外, 我都報左保田既, 不過環境真係吾及st. peter.  如果兩間都吾得, 就要讀番oscar啦.   吾係幾想呀.

hviy

nine12,

根據呢幾年同d媽咪交流得出嚟嘅結論,如果填唔考慮下午班嘅,一係收同唔收,我見有d考唔到要去青山正校,如果有填考慮下午,就多數會入下午班,收嘅機會都好大,因為夠晒誠意