無offer 既媽媽千其唔好灰心！

northernstar123

CCCCS 發表於 23-11-5 14:26
回覆 potato38 的帖子

當然唔係你講呢幾間 係有其他媽媽估到嘅sfa 我哋嗰年的確有reject咗但係暑假收電話 ...

我get 到你意思吖，多謝你留言安慰下我地。

fmf903

SerenaYuen_FB 發表於 23-11-5 00:02
其實兩批家長對考直私小目標＋出力程度完全唔同，比黎都無謂。私幼家長本身aim high，願意出錢出力去谷去配 ...

好認同。大家出發點的不同。
留意山中無老虎。猴子也稱王。劵幼中最叻 可能在名幼中下游。考小一定要知小朋友係公海咩位置，有咩弱項要補位。而唔係父母覺得佢叻，考到咩咩證書。

Anne_Hall

其實我兩個小朋友都係劵幼，係劵幼入面，其實真係7-8成都係只諗抽獎，亦都有啲家長都只想搏下入到直私，唔係真係全心投入去練，所以比例低係正常，氣氛都唔同。

我無aim high，只想小朋友有直資一條龍，唔使再擔心中學，所以都係量力而為。我無考最top學校，大仔好怕醜，最後佢有兩間直資offer，仲有一間臨開學先call waiting，私校就收到5間offer，包括三私其中兩間。我地玩埋叩門，都叩到好學校，不過大仔自己簡左其中一間直資，就由佢讀了。

今年細仔考，佢一樣怕羞，學術無哥哥咁叻，平時上面試班野都唔識講，我已諗定佢要抽獎。不過估唔到佢出去見學校狀態無想象中咁差，佢表現比哥哥仲好啲。

總結學術始終都會睇，另外練好講故事、soft skill、得閒就問下面試題目，應該點都會有直資收，大家加油(emoji)(emoji)

陳生陳太

點知道自己位置呢，去到面試人山人海，分分鐘連個仔去咗邊都唔知。

snakesnake2013

都係果句，讀書講緊15年呀！ 而家先入小學，真係唔使太擔心！ 我個仔speech delay, 我連直資都無考，將軍澳果d 播道呀，直道呀，優才呀，都完全無報.

我報左幾間私校，唔入咪入我首選既津校囉. 入唔到咪小一加油再考插班囉！ 大把方法，殊途同歸(emoji)

Jean1769

snakesnake2013 發表於 23-11-5 23:14
都係果句，讀書講緊15年呀！ 而家先入小學，真係唔使太擔心！ 我個仔speech delay, 我連直資都無考，將軍澳 ...

既然殊途同歸最終都係入果幾間大學果個公開試，咁點解要插班？

snakesnake2013

係呀！最後都睇公開考試，但學校夾唔夾到小朋友真係讀過先知，夾到唔轉校更係好啦！ 一擊即中！ 但如果夾唔到要轉都無問題.  

學校太淺，小朋友會覺得上堂好無聊. 浪費佢時間. 學校太深呢，小朋友會覺得好有挫敗感，完全打擊自信. 所以都要小朋友既情況呀， 無理唔夾，都迫佢讀六年架(emoji). 人生都無幾多個六年(emoji)(emoji)

Anne_Hall

陳生陳太 發表於 23-11-5 23:02
點知道自己位置呢，去到面試人山人海，分分鐘連個仔去咗邊都唔知。

如果有上面試班，面試班會憑經驗講比你知小朋友大約係公海邊個位。

Anne_Hall

snakesnake2013 發表於 23-11-5 23:37
係呀！最後都睇公開考試，但學校夾唔夾到小朋友真係讀過先知，夾到唔轉校更係好啦！ 一擊即中！ 但如果夾唔 ...

小學插班唔係想像中咁易，又要睇讀緊間小學成績好唔好。如果唔鍾意讀緊個間學校，好難囉到好成績插班，變左要向下流動，咁當然如果能力唔夠，都唯有搵間適合小朋友啲既學校，或者可以令小朋友喜愛學習，得到好成績。

fmf903

陳生陳太 發表於 23-11-5 23:02
點知道自己位置呢，去到面試人山人海，分分鐘連個仔去咗邊都唔知。

面試班會告訴你。
如果你本身學校同埋環境競爭性比較低，你會一直安於現狀。當然讀名幼也不一定有offer。一心考直資的家長是出錢出力，在家都經常溫習伴讀。所以要一齊爭要有心理準備。

minichong28

考小一被reject唔駛氣餒喔, 我小朋友又係超細B, 考親咩學校都被人無視。
自己努力啲, 小二時轉走去左九龍塘一線津小, 小四再轉左去有中學既津小, 而家小六準備升中啦, 所以絕對唔好因為而家被reject而質疑自己和小朋友。各位加油!

HK-CR7

陳生陳太 發表於 23-11-5 23:02
點知道自己位置呢，去到面試人山人海，分分鐘連個仔去咗邊都唔知。

面試班幫到你, 老師會大約知道你小朋友比起其他個差異有幾大, 正所謂知己知彼

chun719

oskmshbo 發表於 23-11-4 12:47
我在上年經歷完。。。券幼，最後8月28日收英龍直資 offer。。。真係希望在明天，奮鬥到最後一刻。。。 ...

之前一面定二面?

oskmshbo

回覆 chun719 的帖子

二面後 waiting

Winghtsang

都真係幾灰下，報7間3間reject，2間未出result，1間冇收到offer但登入佢個網依然寫住我申請處理中，得1間有2nd in，自行20分希望不大，而家我既感受係好後悔當初報左券幼，學術真係差一大截，呢幾個月keep住自責，長期發夢收reject

Jean1769

Winghtsang 發表於 23-11-6 23:10
都真係幾灰下，報7間3間reject，2間未出result，1間冇收到offer但登入佢個網依然寫住我申請處理中，得1間有 ...

坦白講，如果咁想入直私，當初的確唔應讀券幼

考直私，學術語文能力係基本入場券，唔會expect券幼無外補情況下做到

northernstar123

Winghtsang 發表於 23-11-6 23:10
都真係幾灰下，報7間3間reject，2間未出result，1間冇收到offer但登入佢個網依然寫住我申請處理中，得1間有 ...

你有2nd in 呢，call waiting 都容易d, 我都係券幼加外補， 唔想咁多了。

Bicanna

回覆 Winghtsang 的帖子

我仔私幼，大B, 有上左大半年面試班。10間直資，2間1輪reject,1間2輪reject, 2間1 round waiting, 1間有offer, 而家有1間2 in, 仲有3間未開彩，其實都係難的。吾止係學術，其實仲有好多其他因素。讀私幼都要自己平時睇書，家長自己教先有機會。

SerenaYuen_FB

Winghtsang 發表於 23-11-6 23:10
都真係幾灰下，報7間3間reject，2間未出result，1間冇收到offer但登入佢個網依然寫住我申請處理中，得1間有 ...

都唔使後悔的，其實都有好多讀私幼0 offer，即係係名私幼。考小主要係睇家長involve 左幾多，擺左幾多錢落去。我囡上年都係券幼，但都有唔少offer，佢個班一樣有人考到st paul coed, 女拔，港同，st stephen ect，但都有D 唔谷的抽獎，考小從來都係家長發功，當然私幼有一定幫助，但not a must。

tummypooh

其實唔關私幼卷幼事，只能講入得私幼的家長係比較緊張和有更強大的能力同財力去令個小朋友有更大的競爭力去搶小一位。

卷幼都會有啲好強勁的家長，但比例上當然冇私幼咁多
而私幼都唔係全部家長有咁強大的能力去幫小朋友

另外，卷幼同私幼家長取態完全不同，入私幼不論家長實力如何，我諗95%以上都係以直私為目標。相反券幼可能得20%都唔知有冇係以直私為目標。結果就成日令人覺得私幼教得勁啲。