報左15間小學，in左7間，waiting list 左4間，報邊間面試班？

heidya

chunchun1986 發表於 23-9-23 23:00
請問你意思係咁遲先報過分？

定意思係帶小朋友去面試班過分……？

分享一下過往經驗面試班真係冇必要，你有waiting 已經證明唔差啦
in 15 間稍為多咗少少，相信有好幾間只係搏多個機會，你心 儀的可能只有目標幾間
in 咁多，大人細路都好攰，尤其大人更多壓力

當年只in 左本區2-3 間，全部失敗，大抽獎抽到第七位，冇計，叩門又失敗，小二考過插班又衰咗….即好認命。6年後再抽，好彩派左入到B1英中…當場鬆左一口氣。

唔使執著目前，又唔使同其他人比較，你小朋友應該唔差，小學只係開始，睇長遠的，加油加油

Bicanna

回覆 chunchun1986 的帖子

我估係rejected，WKF 而家等 3 in.

chunchun1986

heidya 發表於 23-9-24 12:05
分享一下過往經驗面試班真係冇必要，你有waiting 已經證明唔差啦
in 15 間稍為多咗少少，相信有好幾間只係 ...

So true，持久有毅力好緊要

chunchun1986

甜甜人妻 發表於 23-9-24 08:49
老實講，而家係9月尾，好多學校都見完1st in , 神校陳守仁DBS 嗰d 1st in 未到但都係只係仲有1個月左右。

...

Same thought

chun719

個人覺得 in 15間本身呢件事都有啲怪獸
調整下自己心態 , 15間入面可能未必有offer
如果你小朋友唔應人，問題應不在上不上面試班上。
同埋學習係循序漸進 ...
準備明年叩門啦

寶力加

我個女10月細B,有上面試班，到宜家都係得音小offer,SMC WAITING,WKF拍片拍到被行刑 reject,我覺得呢刻你靠自己算，唔好介意，之後個幾間越嚟越難，俾左錢都未必有回報

Kjay

樓主唔好太灰心, 你要對自己小朋友有信心, 唔好俾太大壓力佢, 小朋友會感受到反而會表現得唔好.
音小如果係waiting, call waiting 機會好大.
wkf/yw/smc 都係要有自信主動講野叻既先有著數.我小朋友又係怕醜被動但學術OK, 舊年考小有上面試班, 上足一年, 唔係話冇用, 但性格係好難改既....老師問問題佢就算識答都等5秒先答, 同你一樣, 頭幾間都reject, 但之後 3私1直有offer, 同埋有D關愛Happy 直私都有offer. 如果佢學術唔差, 反而主攻學術, 做卷類型的interview 一定有好表現. 加油.

heidya

寶力加 發表於 23-9-25 11:29
我個女10月細B,有上面試班，到宜家都係得音小offer,SMC WAITING,WKF拍片拍到被行刑 reject,我覺得呢刻你靠 ...

俾左錢都未必有回報........

tummypooh

其實我唔覺面試班有咩用，小朋友性格係對陌生人冷淡，有啲唔係咁好的面試班只會嚇親你同小朋友。
我個女，由細到大都係唔係好願同大人講嘢，就算係教左佢兩年幾三年琴的老師，佢都係唔出聲

但又咁講，唔出聲，唔代表佢完全唔答問題。其實小朋友去面試好講緣份，可能個老師溫柔啲，小朋友又會願意同佢講多兩句。

你而家可以做的，唔係同佢去面試班，反而係要從心理入手了。可能同佢睇下要去面試的學校係咩樣，問下佢鍾唔鍾意，如果鍾意就同佢講我地就黎去呢度參觀下，見下啲老師。

如果你係細b的話，可以玩多一年

heidya

tummypooh 發表於 23-9-25 14:22
其實我唔覺面試班有咩用，小朋友性格係對陌生人冷淡，有啲唔係咁好的面試班只會嚇親你同小朋友。
我個女， ...

如果你係細b的話，可以玩多一年.......岩聽

Adiezz

面試班係教面試技巧，累積面試經驗

專注力、怕羞係另一問題，面試班幫助有限，有啲好嚴既導師反而嚇親小朋友

MsMJ

寶力加 發表於 23-9-25 11:29
我個女10月細B,有上面試班，到宜家都係得音小offer,SMC WAITING,WKF拍片拍到被行刑 reject,我覺得呢刻你靠 ...

請問你SMC一面之後收waiting,定係 二面後waiting 呀 ？ 謝謝你。

JILL411

面試班，注重技巧，如果唔係上開，呢個階段再上作用唔大，聽埋面試班老師評價反而可能會令家長壓力更大，影響埋小朋友。

除咗音小，大部分學校first in其實都係小組遊戲為主，我女就覺得好好玩，話除咗音小間間都鐘意。可能同返小朋友講係入學校玩遊戲，玩完同老師傾下計，等佢唔好太緊張。

寶力加

MsMJ 發表於 23-9-25 16:43
請問你SMC一面之後收waiting,定係 二面後waiting 呀 ？ 謝謝你。

7月15日 1st interview,上星期收信waiting list(其實可以當reject)

kaka2003922

JILL411 發表於 23-9-25 16:50
面試班，注重技巧，如果唔係上開，呢個階段再上作用唔大，聽埋面試班老師評價反而可能會令家長壓力更大，影 ...

音小唔係玩遊戲咩？我囡有offer, 但唔知考過乜，佢唔講， 我以為happy輕鬆嘅tim

JILL411

回覆 kaka2003922 的帖子

据我小朋友講返，入到去就直接問問題，完全冇遊戲
佢記到依家，因為入去In音小之前我同佢講係玩遊戲，結果佢出到黎好失望，問返我點解話有遊戲玩

貓頭鷹之家

帶去公園玩，同其他小朋友或家長接觸對孩子發展有正面影響。

kaka2003922

JILL411 發表於 23-9-25 21:03
回覆 kaka2003922 的帖子

据我小朋友講返，入到去就直接問問題，完全冇遊戲

我仲以為係happy school

doi98

音小都waiting
咁都真係好唔適應interview
比我就點都試下上d雞精班，谷下
話唔定breakthrough有意外驚喜

eledak

面試班其實幫助唔大。好多家長都係報左心理上好似好d。
我小朋友幼稚園/小學/中學都冇報過面試班。佢又係唔多講野，陪跑一族。
幼稚園結果wait到心儀，小學考左6間，2線都得waiting, 最後正取三私，中學首論零offer, 之後wait到2線直資，最後叩入心儀一線。

我想講，小朋友自有他們的路，條條大路通羅馬。唔需要太擔心。小朋友面試弱，叩門做卷他們有優勢，可以放榜後去叩多幾間。

只要裝備好，讀落亦可中途插班。俾d信心比小朋友。