點樣令小學生有主動學習，求知慾的心？自己緊張自己的事

加樂爹

pwhr 發表於 23-7-13 08:36
為何不選擇照顧小朋友起居飲食至大學畢業?

我認為樓主沒有問題, 要考慮的是怎樣行, 目標是什麼.同營運一間公司一樣....樓主不是過份照顧孩子, 而是要孩子上"軌道"

重唔重要?  其實要視乎家長了解及看待幼兒, 小學, 中大學既分教育分別.

不過. 如果仔女叻, 真係唔洗多做!

加樂爹

樓主....另外仲有一個方法.
阿仔之前去MC補數學, 但始終太依循學校課程, "規規舉舉"步驟, 漸漸流於"交功課"式學習.
我想就是你講既"唔上心" 態度.

機緣之下, 識左另一個私補, 開頭覺得佢好串, 但後來發現佢D數學好勁.
幾次, D測驗卷唔洗比佢答案, 比佢5分鐘, 全部做晒, 仲可以chellenge 其中一兩題有爭議既題目.

阿仔覺得佢好勁, 呢個暑假我便叫佢跟阿SIR 學.
裡面, 數學可以有好多門路, 我不是要專門什麼奧數之類, 只是說多一個激發小朋友學習方法.

我都是邊走邊想....

加樂爹

另外, 因為我同阿仔都打網球, 昨晚睇溫網間, 轉左去Beinsport 台, 見到有種Padel 既球類運動, 好像是網球+壁球既運動. 睇下睇下, 我叫阿仔留意佢玩法, 同時間Google 下規則, origin, 有什麼大賽, player ranking, 打法, 球拍/球規格類型....呢半個鐘, 佢好似做個project 咁.

正好, 呢個暑假佢想做youtuber KOL, 但想不到有趣題目.
我便提議佢, 再鑽深D資料, 整理, 然後做一個10-15分鐘KOL 影片介紹.


當然, 到時做影片有很多拍攝, 剪片等安排...我都要學, 要google 下.
(所以, 我角色係partner, opinioner (not leader), 參與者, 激勵者, 甚或部份執行者)


認清自己不同角色好緊要, 我欣賞樓主想提升阿女既學習興趣, 但呢個係一個既長期又闊既方向.

alison422

agreed for 又長又闊嘅方向

alison422

加樂爹 發表於 23-7-13 10:49
我認為樓主沒有問題, 要考慮的是怎樣行, 目標是什麼.同營運一間公司一樣....樓主不是過份照顧孩子, 而是要 ...

你說出了我心底話，我想佢明白讀書為自己，不是為我！小一小二，太細，我要幫佢温書，小三，我已想佢開始有概念自己用咩方法温書！小四，佢更加要着緊自己嘅野，不可再依賴我！

lambeanmama

這是一個很好的討論。我覺得家長的角色是陪伴者、引領者、激勵者；但不會是領導，更不可以是部份執行者。讓小朋友在成長過程中多點空間和留白；讓他們自己尋找興趣從而學習。

我小朋友都是升四年級，有時都好Hea, 我不會鬧「點解咁Hea」，我會問「有甚麼可以令佢更認真看待學習事宜」。佢俾咩理由答案我都好，我會接受、認同；然後再引領佢。佢地開始大，吓吓鬧都唔係辦法，我希望佢多思考，做個有諗法嘅人。

講也不易，做就更難。步入青春期前，打好學習態度基礎十分重要。

小曳人

其實，真係好難要孩子"愛學校課程"
因為做功課/默書/測驗/考試呢堆野，一來要下功，二來會有機會被鬧

相反，我會為咗孩子嘅學習動機，鼓勵佢去學自己鍾意嘅野，學常識，睇比學校課程較深嘅百科書，有唔明白嘅~就同佢一齊揾答案

响樓主嘅標準之下，我應該幾失敗:
阿仔唔鍾意返學，交唔齊功課，考試hea考 (or 好快就話溫完書)操行一般，老師唔鍾意佢 (特別係數學老師)



(註: 我兒係 band 1A成績~)

964000

alison422 發表於 23-7-12 09:53
佢吾蠢，讀書ok, 衰心急，同埋冇個心去記自己錯嘅野，又冇好勝心！

我想令佢好似我主動去學找因數，吾糸 ...

本地小學課程和形式太悶，離不開單向學習，回家抄背，回校測考模式，小朋友提不起興趣，聰明的小朋友求其交差算，靠「好勝心」，分數奬狀等是外在動機，培養內在動機更重要。
另外父母跟得太好亦會依賴，高小/初中會好D。

jasminejade

alison422 發表於 23-7-12 09:04
如題

我小朋友快小一

暫時我發現佢開始緊張自己升小一情況。會提點我要買書包，買用品準備上學。雖然佢仍K3 生、但早前學校默書、佢主動叫家人日日幫佢默書溫習，發現寫錯會自己會抄寫多幾次、番學前仲預習抄寫。老師講及佢上堂好專心、從來唔會俾身邊人影響到，有老師講佢係求才若渴的心。我想呢啲小細節我見到佢見到佢將來讀書的心，但我仍未知升小後會唔會保持，但我自己都覺得好神奇。

pkjanel

同路人! 留名學野....

jasminejade

964000 發表於 23-7-19 10:54
本地小學課程和形式太悶，離不開單向學習，回家抄背，回校測考模式，小朋友提不起興趣，聰明的小朋友求其 ...

同意。本身學習過程悶到咁，讀書點會有興致。要知道大多學校教育模式仲係80-90年代模式。仲有呈分試，又一個令學習方向係求分數。

培養責任感好重要。做家長要識得放手。

melolo317

同意樓上所講，而家始終好多嘅學習模式都仍然係分數主導，要佢自己有心去做先得。

以我自己嚟講，初小時候的而且確好難放手，往往係自己緊張過小朋友。開始步入高小，要慢慢放手，例如平時嘅功課、小測、默書之類，我唔會再捉住佢溫，最多只係提下佢幾時有測驗。開頭嘅時候成績當然炒晒啦，甚至老師都試過「關注」然後係佢自己覺得唔可以再咁樣，有動機去自己搵方法改變，例如自己溫完，會主動要求我同佢複溫咁…

好明白樓主心情，大家都係摸着石頭過河。目標不變，試多幾個唔同嘅方法，總會搵到適合小朋友嘅。

天外之人

lambeanmama 發表於 23-7-17 00:07
這是一個很好的討論。我覺得家長的角色是陪伴者、引領者、激勵者；但不會是領導，更不可以是部份執行者。讓 ...

這些家長其實在孩子幼稚園時候就開始做，先唔好理會學校既咩類型學習方式，家長教育得令小朋友覺得讀書係開心，享受到讀書既樂趣，自然慢慢升小及升中，不論咩類型學校孩子都可以應付自如。 衹係最主要一點，分數呢樣表面既野好多時候令家長盲目咗，那種比較心隨時顯現出來作出錯誤教育方向。呢個就係講也不易，做就更難。講咩幼稚園及小學唔重要，好多時候在這階段做出錯誤方向令學習基礎唔穩去面對更難既中學，比你入到Band1或名校都讀得辛苦。

Jean1769

alison422 發表於 23-7-12 09:28
我已經好高，我自己預習佢本數學書，試如何找因數，確保吾漏，我找左方法，佢糸旁邊睇TV，跟住好吾願意問 ...

咁搞法，家長好唔得閒。呢個世代的家長，就係做得太多，而唔係做得太少。

如果我係細路，我媽咁緊張，我駛鬼緊張咩

snakesnake2013

我小朋友升小四. 我睇左教育家既書, 佢本書叫家長- 放手

1. 小朋友要有自主權, 即每日温幾多, 温那一科等等, 要父母同佢討論, 請佢解釋每一個安排, 做家長細心傾聽, 比意見, 但最終話事權係小朋友.
2. 小朋友要明白ownership, 佢既事情, 功課, 温習時間表, 等佢自己定, 大人比意見點樣完善, 佢唔做就講清楚個結果比佢聽, 等佢明白凡事都有結果. 真係無做, 欠交, 老師罰, 都等佢自己去bear. 但做父母唔好話佢, 返到來只要講返, 呢個就係你當日決定唔做功課既後果, 我地一起去處理吧!(但都係交比個小朋友自己execute)
3. 佢付出努力要visualise 出來, 比如貼紙, 日記mark低，chop, 我囡就鍾意用玻璃樽儲marbles, 每一日做好要做既事情， 就放一粒， 到某個數量就換gifts.
4. 咩情況下父母都係平心靜氣 小朋友學習自律， 唔會一步登天， 係少少，再少少咁改善。 所以當中失敗， 做唔到， 人之常情， 我地反而要讚小朋友失敗後ｋｅｅｐ 住嘗試．

我囡升小四， 我跟書本咁訓練， 而家暑假每日按時間表自己做好功課， 睇中英文書， 仲收拾好張書枱～ 所以心理學家既放法真係wｏｒｋ！

加樂爹

snakesnake2013 發表於 23-8-4 11:28
我小朋友升小四. 我睇左教育家既書, 佢本書叫家長- 放手

1. 小朋友要有自主權, 即每日温幾多, 温那一科等 ...

我都認為這正是小三/小四孩子應該行的方向!做到之後, 學校考試成績是幫助了解孩子的弱項, 評估, 改進.

見到家長好介意說, 自己太多參與小朋友學習, 好像是凡有參與的都是過份疼孩子一樣.
又或是, 美其名是讓小朋友自由成長, 實則是家長太愛自己....你既功課, 唔好煩我.

當然, 工作生活太忙, 家長抽不上時間是大部份原因.

我則認為參與無所謂, 但參與什麼? 目標是什麼? 要清晰.
好像snakesnake 說的學習模式, 我相信起始時, 家長很多時要昅實, 了解課程, 抽問...反問...
家長參與不是要"教", 而是要能夠使孩小有反遺, 有效率自我學習.

加樂爹

其實, 除非學校功課好chur. 否則, 我比較鍾意見到小三/小四學生個腦袋, 經常"轉動"緊.不是, 說那種駁咀, 賣口乖, 小聰明...

而是能吸收新事物, 有思想, 推論, 比較, 回饋, 再加新意思....
小三/小四, 不要老是跟大人說話一樣, 犯錯說錯不緊要, 就是給爹看到你腦袋在轉動罷!

加樂爹

上月在書局買了一本"3小時掌握速算" 世荗出版, 便決定在暑假給孩子"玩玩" 這個遊戲.
丟下學校書本.  說實在, 香港小學教數學科好差, 我看學校都把數學公式化, 一步一步...從來沒有引發起小孩對數學的觀察及興趣!  我不是要"最強大腦"比賽那種能力, 但是對數字, 就是對四則運算, 圖形...都應該有個立體認識, 能夠嘗試用不同方法思考罷!


書中例子:


284 X 5
學校一定要學生照用乘法; 但是這樣欠了觸角, 就是284 X 10 / 2 = 2840 / 2 = 1420.


35 X 18
用二位數乘, 連大人都不願計算.
但是, 細心一看, 5是35, 2是18的倍數...
意思來了, 5 X 2 X 7 X 9 = 10 X 63 = 630
* 當然, 你亦可以折成 35 X (20-2) = 700-70 = 630 都可以...最重要是有思考!


這樣的一堆數字運算, 大家一同玩, 一同想最合適方法, 才有趣罷!

話說回來, 有須要的是家長參與, 就是學校/補習社教同一樣的東西, 都不如家長與他"玩數學" 的感覺!

snakesnake2013

加樂爹 發表於 23-8-4 15:01
我都認為這正是小三/小四孩子應該行的方向!做到之後, 學校考試成績是幫助了解孩子的弱項, 評估, 改進.

見 ...

Exactly! 書都有提到，放手唔等於置之不理. 小朋友成長路上，父母就係最佳既引導者.

但中間要放幾多，收幾多，唔可以一概而論.

書中建議，父母同小朋友傾好一個目標，係雙方都接受的.

如果小朋友做唔到，家長就再了解小朋友做唔到原因（但唔係責怪的），大家討論下有咩方法解決. 如果係小朋友能力問題，就調低目標. 相反，如果小朋友好快做到，家長可以慢慢引退， 同時逐漸提高目標，等小朋友慢慢進步.

但有一點必須注意！小朋友是主導者，比佢覺得自己drive 成件事，係佢既responsibility.

jasminejade

加樂爹 發表於 23-8-4 15:44
上月在書局買了一本"3小時掌握速算" 世荗出版, 便決定在暑假給孩子"玩玩" 這個遊戲.
丟下學校書本.  說實在 ...

應該係早十多年前美國有一個教授用呢套新教學方法  中學的數都教得有趣
佢好似有出書
呢個影嚮學校教法 令好多學生愛上數學