是否沒有報讀名幼（eg. 學之園）小一面試去唔到熱門名校？

patsm

各取所需,我自己就覺得幾年嘅名幼學習是有所得著,而呢d並不是出去外補就得

Greylay

PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...

本帖最後由 Greylay 於 23-3-22 09:44 編輯

本帖最後由 Greylay 於 23-3-22 09:43 編輯

at least 我唔係。當年我嘅case 唔係無報，而係報咗要放棄。因為我小朋友係細B, 幾間名幼當年都在面試前夕分別打電話俾我： 問我會唔會考慮PN, 放棄K1, 佢哋話如果我揀PN , 不用我in , 立即收。我問佢地： 你嘅意思係咪即使我跟日子來K1 interview , 你哋肯定唔收？，佢哋分別都係答係。所以我最後全部同佢哋講：sorry 呀，我唔打算重讀PN, 既然係咁，我都唔嚟面試啦。
最後繼續留喺那間唔出名嘅私幼讀，
升小時我幫小朋友報咗8 間小學，收到6 個正取offers, ( 包括3C1D) , , 其實只係最top 兩間唔收（SPCCps and DGJS) , 最後我哋決定揀自行分配25 分入到嘅英文津小（沒有中學backup) . 當然又會有人指指點點話摃居，唔應該咁揀。不過我小朋友真心自己想揀間津小（因為係daddy 母校）。
結果，我地6 年小學都無補過習，現在升中也無外補，無跟大隊氛圍去做（大隊小一第一日返學約家長早餐已經話食完之後一齊去搵補習社）。
因為我和daddy 都好一致認為小學課程可以放手自己應付，同埋唔想因為超前教育影響小朋友上堂的專注度。最後升中， 我地考嘅中學，100% 全部正取offers ( SPCC, 四大女直 and 赤提即in 即收派半年船）

Greylay

PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...

所以樓主，無論什麼原因都好，唔好為自己決定覺得guilty, 條條大路通羅馬，小朋友只是剛起步，大把發光
發亮嘅機會。叻嘅小朋友放在那裏都係叻。
但可以有少少經驗上建議，如果你係初小階段做到，小朋友肯定行對了成功之路。
1）要盡快建立自主學習能力（stand firm , 做晒功課，搵完書先可以玩）
2)早睡，才有精神，好嘅專注力上堂聽老師講書（我地小學六年，返學日子重不過2100睡覺）
3）課餘時間，課外活動需要，但唔好多，亦唔駛一定要精（除非小朋友真係好有talent 係那方面），做到all round 就得，唔好特登為升中走去狂操音體。，留番啲時間專注學業上。（我地升中時連琴試都未考過，運動係zero),

4)每天一定要俾時間小朋友自由地享樂（當然做好功課之後啦）

樓主加油呀！
祝福你小朋友有開心愉快嘅小學生活，有美好嘅將來！

fmf903

Greylay 發表於 23-3-22 09:15
at least 我唔係。當年我嘅case 唔係無報，而係報咗要放棄。因為我小朋友係細B, 幾間名幼當年都在面試前夕 ...

你小朋友好叻，父母更厲害！

ustvct

回覆 Greylay 的帖子

請問是否從來不需要同小朋友跟功課、課堂教學？

PeppaMami

回覆 Greylay 的帖子

好多謝你嘅回覆，俾左我信心，讓我知道我揀嘅呢條路都係有機會得嘅。

寶力加

Greylay 發表於 23-3-22 09:37
所以樓主，無論什麼原因都好，唔好為自己決定覺得guilty, 條條大路通羅馬，小朋友只是剛起步，大把發光
...

會唔會你個小孩係資優兒童，自己無去check

hundred100

Greylay 發表於 23-3-22 09:15
本帖最後由 Greylay 於 23-3-22 09:46 編輯

本帖最後由 Greylay 於 23-3-22 09:44 編輯

好厲害。我大仔地區名津小五，完全冇補習，同其他家長一傾，發現自己系例外的怪物。但我想象唔到小朋友放學返到屋企四點幾，有兩日學校課外活動要到5點幾，又要學琴，畫畫，如果仲要系出邊補課業，小朋友有幾辛苦。

Greylay

ustvct 發表於 23-3-22 09:57
回覆 Greylay 的帖子

請問是否從來不需要同小朋友跟功課、課堂教學？

因為我要返工的。所以我自小就叫佢放學回家休息30mins ( 食吓tea , 但不可看電視，玩玩具，iPad ) , 就去做功課。完成晒才可以自由玩。
呢樣我好firm , 四大長老都必定要嚴格follow ,
大約過咗小一，其實我見小朋友基本上自動自覺嘅習慣都established 咗，所以P1 - P3 , 我只會回家check 有無抄漏手冊，做漏功課，跟番唔識做佢圈咗出嚟題目，睇埋有無做錯。p4以上就全部唔睇，功課由她錯，因為錯咗佢真係會上心啲，唔想自己再錯嘅決心大啲，佢就會自動自覺tune 台改善

Greylay

PeppaMami 發表於 23-3-22 10:06
回覆 Greylay 的帖子

好多謝你嘅回覆，俾左我信心，讓我知道我揀嘅呢條路都係有機會得嘅。

係呀。你諗吓，家境差，（多數名幼名小是要學費的，幾間傳統名津龍小除外），讀唔到名幼名小嘅小朋友，係咪真係無個叻？無個有希望？肯定唔會啦。

Greylay

Greylay 發表於 23-3-22 10:24
係呀。你諗吓，家境差，（多數名幼名小是要學費的，幾間傳統名津龍小除外），讀唔到名幼名小嘅小朋友，係 ...

Btw, 我可以肯定地說，－早established 好自主學習態度係真係十分好好重要。
初小建立咗，升中後佢都仍然keep 住，父母會舒服好多。

jbbmom

回覆 Greylay 的帖子

Thank you for sharing.

Greylay

hundred100 發表於 23-3-22 10:11
好厲害。我大仔地區名津小五，完全冇補習，同其他家長一傾，發現自己系例外的怪物。但我想象唔到小朋友放學 ...

我都係咁諗，大攰了。其實我buy “ 有精神，先會有好專注力，先會上堂留心，吸收快”,
我1-5 是不會有興趣班，因為返學太攰。興趣班會在星期六，星期日全日玩

f00130

Greylay 發表於 23-3-22 10:30
我都係咁諗，大攰了。其實我buy “ 有精神，先會有好專注力，先會上堂留心，吸收快”,
我1-5 是不會有興趣 ...

小朋友好叻！想請教你小朋友是否亦能做到每天自律地溫習？星期六、日會抽部份時間溫習嗎？

carawingwing

Greylay 發表於 23-3-22 10:27
本帖最後由 Greylay 於 23-3-22 10:27 編輯

Btw, 我可以肯定地說，－早established 好自主學習態度係真 ...

多謝你既分享呀，我都同意亦希望小朋友建立好習慣同態度好重要。請問你小朋友幼稚園既時候又點安排呢？我小朋友仲係幼稚園，有一齊訂立時間表，而家努力中。。

Greylay

f00130 發表於 23-3-22 10:56
小朋友好叻！想請教你小朋友是否亦能做到每天自律地溫習？星期六、日會抽部份時間溫習嗎？ ...

小學6年每天自律溫習就無咁乖啦，我係咁叫「你最好每日搵少少時間望－次嗰日教過嘅嘢啦」囉，佢會話知啦，但係唔會真係做。我地平時都唔會要佢操supplementary exercises ( 返學太攰了），
所以最後都係有測驗考試前早around 一個星期開始溫習（我地學校好遲先出測考timetable ) , 但係考試測驗時嘅自動自覺溫書，佢就真係做到，呢樣佢唔會欺場，其實佢做到咁，我還可以要求什麼呢？！真係已經老懐安慰，唔會忍心每日要佢 on- stop 地努力，條「腞筋」是不能長時間拉的，會斷的」。

fwstides

Greylay

carawingwing 發表於 23-3-22 10:59
多謝你既分享呀，我都同意亦希望小朋友建立好習慣同態度好重要。請問你小朋友幼稚園既時候又點安排呢？我 ...

無呀。其實幼稚園除咗功課，佢只係玩玩玩。
只係真係要佢「做完功課先可以玩」- 呢條底線－走要持守，底線退咗你（父母）就大鑊了

Greylay

fwstides 發表於 23-3-22 11:08
讀劵幼多數諗住原區升一線津
名幼家長迷信直小>津小，以為比你考先係好嘢，辛苦考入直資小朋友先會優秀。其 ...

本帖最後由 Greylay 於 23-3-22 11:25 編輯

(emoji)

Greylay

f00130 發表於 23-3-22 10:56
小朋友好叻！想請教你小朋友是否亦能做到每天自律地溫習？星期六、日會抽部份時間溫習嗎？ ...

不過選擇玩乜，其實我地自小就在不知不覺下安排咗，佢唔會意識係我地有plan 過㗎，但係因為習慣咗，又真係變成佢興趣。

我地係買好多board games 回家玩㗎。又好玩，又親子，玩得多，我覺得佢腦筋真係伶活好多㗎。到現在大了，佢每年書展會叫我買書迷證，去足咁多日，主力去啲board game counter 係咁試玩，玩夠就買兩三盒特別有興趣嘅回家。

幼稚園時佢每日有一小時時TV/ 睇碟： 主要揀peppa pig , peppa pig 啲英文又好聴又易明白。
好好笑，佢現在Form 1 , 前幾日無端端攞番晒啲peppa pig 出嚟睇，話真係好正。