是否沒有報讀名幼（eg. 學之園）小一面試去唔到熱門名校？

pollywcw

我唔認同讀名幼就一定好叻，但事實係佢地教快教深所以應付到考小需要, 有offer 係正常.
講真當你15分兩䄂清風, 你會唔會讀學卷學校乜都唔補
如果你唔介意大抽獎抽到嘅學校，讀乜幼稚園都冇問題
遊戲規則就係咁玩. 名幼的確係有佢存在價值
但樓主無揀名幼亦唔需要後悔~
上到小學又係另一個世界
我小朋友讀劵幼龍校, 上到龍私小係全港數一數二又谷又深小學
佢一年級考全班頭三名，其他兩個都係券幼龍校
反而留班嗰個係讀九龍塘名幼

上到小學唔補習係咪可以生存
當然可以, 你有時間教佢係無問題
但有好多媽媽都要返工, 放工都無時間,
放假 仲邊有咁多時間陪佢溫逐樣教
咁俾錢出去補習好正常但唔係人補你有補, 中英數乜都補就唔正常啦
同埋嗰d 唔補習又可以考第一
梗係有屋企人跟實，唔係就應該係天才精英

家長有跟佢功課測驗考試, 弱嘅科再補習
基本上已經足夠有餘
同埋學習態度都好有關係
最後係龍係鳳係睇佢造化

lambeanmama

首先，我相信你當時的選擇總有理由及考量。世上不存在後悔藥；每個人的家庭、能力、教養方式也不同；根本不能簡單二元回答讀名幼或不讀名幼便影響了些什麼。

同意樓上不少谷友所講，讀書路長漫漫，一時的得失說不上甚麼大影響。但假如你有確切心儀目標，如有些是真的非讀不可的，那便認真請你留意目標學校的插班/升中收生取態。你不能要求所有人也跟你一樣呀。遊戲規則是這樣，不同意的，便應相信自己的理念，堅持下去。我相信成功不會只有一條方程式的。單以學業論英雄的，也實在不行了。

另外，讀名幼的也不一定是怪獸家長；小兒畢業於九龍塘名幼，我自己及身邊朋友也有不少不外補，重視學習態度以及長遠發展的。

我最同意的是，外補的不一定成績好；但成績超班的，不是外補，便是內補。天才畢竟仍是小數。我是在職家長，不想外補便自己花點時間跟一跟學業功課，確保小朋友有良好學習態度、伴讀吓中文書、也出力去揀優秀讀物給孩子。

做家長，是一項任重道遠的事情。共勉。

多多宝

nnchung 發表於 23-3-28 22:45
認真講我唔覺得呢d 係正常學術， 其實考小學根本就唔需要考到咁， 佢考唔到， 唔代表嗰個家長教法同埋小朋 ...

我唔想同你爭論 毫無意義

nnchung

多多宝 發表於 23-3-29 20:19
我唔想同你爭論 毫無意義

哦(emoji)

PeppaMami

回覆 lambeanmama 的帖子

多謝～

piglover

nnchung 發表於 23-3-28 22:45
認真講我唔覺得呢d 係正常學術， 其實考小學根本就唔需要考到咁， 佢考唔到， 唔代表嗰個家長教法同埋小朋 ...

津小叩門都係玩呢d。

杏仁豆腐

Greylay 發表於 23-3-27 19:07
本帖最後由 Greylay 於 23-3-27 19:18 編輯

Wow ! 我覺得我地好似copy 咗你地嘅經歷咁，真係差唔多一模 ...

唔係呀，我其中一個小朋友同你女同一間呢

♡Elpis♡

PeppaMami 發表於 23-3-28 13:12
回覆 fmf903 的帖子

我啲可以報嘅差唔多都報左，係拍片嘅都可以去到下一round，但係次次都係實體面試時就 ...

幾年疫情，基本上小朋友都無一個正常嘅幼稚園時光，有啲學校面對停課嘅反應快，處理得好，但小朋友始終少見人，影響真人面試都唔出奇。

沒有對與錯，都是一場經歷，如果小朋友是讀到書，那間幼稚園也差不多，反而讀書的心態最重要，加油呀！
我兩個小朋友，一個學劵，一個名幼，經歷完後發覺父母心態才是最重要。

眼睛生在前面，就是為了向前看

lambeanmama

♡Elpis♡ 發表於 23-3-31 01:29
本帖最後由 ♡Elpis♡ 於 23-3-31 01:32 編輯

幾年疫情，基本上小朋友都無一個正常嘅幼稚園時光，有啲 ...

做父母的，真的是心態決定一切！

其實就算入讀所謂有點名氣的直私又如何？也不過是另一個階段的開始。

很喜歡你最尾個句，眼睛就是要向前望的！

PeppaMami

回覆 ♡Elpis♡ 的帖子

係嘅，其實做父母的都明白道理，難就難在行為同道理係咪真係一致。在求快嘅社會總會讓人好想急於見到結果或效果，所以有時真係弄巧成拙，我也不列外如此。
另外，我覺得自己有時太執著，全身心係小朋友身上，反而讓自己心態變差，有時覺得自己作為ft媽咪都未能帶給孩子一個好啲嘅面試offer，係覺得自己失敗。我一直都唔覺得小朋友能力差，但真的覺得自己做的好唔夠。一來唔想係幼稚園期間俾太多學術野，但又希望可以有好嘅offer，真係未認清事實嘅玩法。

係post到，睇到大家唔同嘅想法，好奇怪嘅係反而我清楚左自己想要嘅係咩。

♡Elpis♡

PeppaMami 發表於 23-3-31 11:18
回覆 ♡Elpis♡ 的帖子

係嘅，其實做父母的都明白道理，難就難在行為同道理係咪真係一致。在求快嘅社會總 ...

做FT媽媽，尤其是做到好似“只為仔女生存”，好似無咗自己咁，仔女嘅榮耀就係自己做FTM嘅成績表，當你覺知到自己有呢個部分，其實已經係個警號。作為過來人，如果我答你“放心啦，總有書讀”，在你耳中應該幾難入耳，但當你跳出嚟想一想初心，你生小朋友出嚟，第一個心願不就是健康快樂嗎？媽媽都唔快樂，仔女是會FEEL到的。無論在邊間學校讀，小學都只係馬拉松嘅起步階段，我發覺讀學劵，開心長大嘅小朋友，對自己更負責任，更樂意去做好自己，去到中學更易睇到學習心態嘅重要性，好多小學是父母拉扯上去的，到中學父母已經不得不放手，成績跌，學習心跌，結果可想而知。但小學是父母都適當地放手，用愛和支持去鼓勵小朋友，高小到中學會越戰越勇。

你已經做得好好，試下望遠啲，愛孩子之餘也學習愛好自己，這才是做媽媽最大的責任，否則在香港，比較心太重，真的很易迷失。

我曾經試過，所以我懂你

PeppaMami

回覆 ♡Elpis♡ 的帖子

睇到大家過來嘅經驗，我反而冇咁擔心，因為自己都係第一次做媽咪，未有經驗，擔心有啲選擇錯左，對小朋友來講真係好嘥時間同埋精力。所以自己就好緊張。
我都好明白去到名校做最差果個嘅感受，所以我才糾結唔知點樣選學校。

Greylay

PeppaMami 發表於 23-3-31 13:14
回覆 ♡Elpis♡ 的帖子

睇到大家過來嘅經驗，我反而冇咁擔心，因為自己都係第一次做媽咪，未有經驗，擔心 ...

你小朋友學習嘅人生現在才起步呢！
都未開始見到真章。
Btw , 小小tips, 把握初小三年建立良好學習態度，咁你在往後日子就可以安安樂樂，父母安樂，又會令孩子覺得無咁大壓力，會更願意（自願）向上㗎。好同意要由父母拉上去嘅好多時會出現升中後勁不計情況。

樓主，加油加油。不久將來，希望見到你在此分享心路歷程和成功經驗

PeppaMami

回覆 Greylay 的帖子

多謝您嘅建議⋯希望都可以見到我期望的結果～

sandra1004

PeppaMami 發表於 23-3-31 13:14
回覆 ♡Elpis♡ 的帖子

睇到大家過來嘅經驗，我反而冇咁擔心，因為自己都係第一次做媽咪，未有經驗，擔心 ...

加油
係呢個幼稚園就補習的世代
教養小朋友變得複雜
有時做父母simple mind就可以了
父母的責任在我眼中係指引同扶持
慢慢放手
小朋友先會學識自己行
一齊努力
其他就睇小朋友的命運同造化了

Dollys

♡Elpis♡ 發表於 23-3-31 12:30
做FT媽媽，尤其是做到好似“只為仔女生存”，好似無咗自己咁，仔女嘅榮耀就係自己做FTM嘅成績表，當你覺知 ...

以前既年代，同而家唔同，而家既小朋友強太多，差別太大，已經唔可以用以前既情況去計算。
以前比心機做兩份工，買三房以上單位輕輕鬆鬆，唔等於而家係。

♡Elpis♡

Dollys 發表於 23-4-1 01:40
以前既年代，同而家唔同，而家既小朋友強太多，差別太大，已經唔可以用以前既情況去計算。
以前比心機做兩 ...

早前才完成考小一嘅過程，我相信都唔算好多年之前

fwstides

♡Elpis♡ 發表於 23-3-31 12:30
做FT媽媽，尤其是做到好似“只為仔女生存”，好似無咗自己咁，仔女嘅榮耀就係自己做FTM嘅成績表，當你覺知 ...

說得太好了

Anne_Hall

nnchung 發表於 23-3-29 20:25
哦(emoji)

我認同你啊，好辛苦考到offer,去到小一咪又係由低學起，又係順數、倒數、單雙數，簡單加減個堆。不過語文能力真係唔可以懶，感覺學校測驗好多時要較好語文能力睇題目作答。

nnchung

Anne_Hall 發表於 23-4-1 09:32
我認同你啊，好辛苦考到offer,去到小一咪又係由低學起，又係順數、倒數、單雙數，簡單加減個堆。不過語文 ...

我覺得培養閱讀重要過早d 學識加減，當然感覺會好唔實在，因為閱讀既成效至少要5~6年先反映到出來