是否沒有報讀名幼（eg. 學之園）小一面試去唔到熱門名校？

Dollys

其實樓主都好清楚明白，
考小學並唔係考得咁全面，
名小點解偏偏都係揀嗰班學生，
仲要年年都係咁上下數量

Dollys

就以樓主所講嘅學之園為例，
佢哋嘅學生比到人一種感覺係三文兩語一定做得到，
小學可能係冇考英文嘅情況下，點樣去選擇學生，
其實當我哋都咁覺得嘅時候，人哋學校都係咁覺得

Charlotte_mom

Dollys 發表於 23-3-20 20:58
就以樓主所講嘅學之園為例，
佢哋嘅學生比到人一種感覺係三文兩語一定做得到，
小學可能係冇考英文嘅情況下 ...

我姨甥係名幼
區內有間龍頭小學，簡介會都難有位，但會去呢間名幼辦私家簡介會
而校長係同家長講「英文就唔駛特別考啦我都知佢哋識」

所謂江湖地位囉….

Dot0716

PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...

我劵幼，算有間不錯嘅offer，所以唔係完全關學校事

火球公主

好多人話冇答案，我唔同意。

如果樓主一開始已知係重視考小，而冇揀名幼，本身就係戰略失誤行錯棋。
上面好多家長都講，其實無論讀名幼或者券幼，家長都要自己跟，至於語境呢啲用錢買既，你慳咗學費一樣可以喺其它地方買返語境，例如出面英文上堂，所以呢個point唔係太成立。

讀名幼最大既價值唔係小朋友學到乜嘢，而係家長你身邊群緊咩人。讀名幼既個個家長都戰鬥格，遇到啲樂意分享啲既有問必答，大家上咩外補班學咩興趣班，你自己會有壓力自己要做好啲。又或者遇到志同道合既家長大家可以一齊傾多啲，你又會有壓力自己要跟多啲。更加唔好講，有啲幼稚園或者家教會會搞啲升小考小分享會，呢啲係錢買唔到的。

所以，樓主既問題係有答案，想考直私，請讀名幼。
唔係話名幼包生仔，唔係話券幼冇希望，只係個機會大好多咁解，而個機會唔係因為間幼稚園既名，而係家長你喺當中自己既改同努力。

gabejang

piglover 發表於 23-3-20 19:39
我有朋友話讀名幼嘅人係傻嘅。

她話自己免費券幼，再加6千補習費加課外活動，覺得咁樣更有得著wor。

我諗要視乎平時家長出到幾多力。有啲全職媽媽本身高學歷、有辦法教，真係唔特別需要名幼加持。但在職的（尤其是夜返屋企嘅）可能需要學校嘅教材、建議進度去帶住走。

patsm

火球公主 發表於 23-3-21 09:28
好多人話冇答案，我唔同意。

如果樓主一開始已知係重視考小，而冇揀名幼，本身就係戰略失誤行錯棋。

agreed!呢樣真,家長氛圍,結識嘅人,係推動力

Dollys

樓主由一開始已部署錯誤，
考小問啲好簡單既問題，去過first in，
基本上非名幼，係好難突圍

piglover

Dollys 發表於 23-3-21 10:18
樓主由一開始已部署錯誤，
考小問啲好簡單既問題，去過first in，
基本上非名幼，係好難突圍 ...

樓主可能慳佐學X園學費，去佐上其他補習班，興趣班。

但如果樓主目標係直私，真係第一步已經行錯佐。

本人朋友教某熱門直資，她都好坦白講，學校嘅學生主要來自某幾間出名私幼。

Ckw2019

如果考直私，係咪讀名幼係真係會有影響。
我小朋友係名幼，當年有位K3插班入黎，我地家長們都話佢幾叻，佢嘅能力比唔少現讀生好。點知有啲第一round已經無得in，有得in都入唔到下round. 最後得好少同唔算好一線嘅直資offer. 平時能力渣過佢嘅都有好offer.

大家都推斷其中一個原因係當初報名啲小學時，佢要用返K2學校名報名，同交舊校嘅成績表而扣分。

Jean1769

piglover 發表於 23-3-21 12:19
樓主可能慳佐學X園學費，去佐上其他補習班，興趣班。

但如果樓主目標係直私，真係第一步已經行錯佐。

學校有很多名幼學生，唔係因為名幼個brand,而係因為名幼有比較多佢想要的類型的學生。

有offer呢班，如果佢keep住自己quality, 但讀人名邨幼，一樣可以有offer

Jean1769

Ckw2019 發表於 23-3-21 12:31
如果考直私，係咪讀名幼係真係會有影響。
我小朋友係名幼，當年有位K3插班入黎，我地家長們都話佢幾叻，佢 ...

你應該諗多左。

我地家長們都話佢幾叻，佢嘅能力比唔少現讀生好。—》人哋客氣說話你又當真。

平時能力渣過佢嘅都有好offer。—〉點樣渣法？學術？不嬲都講學術唔係唯一

如果真係個嘜頭咁重要，咁點解唔係所有同校生入到1st in呢。

fmf903

火球公主 發表於 23-3-21 09:28
好多人話冇答案，我唔同意。

如果樓主一開始已知係重視考小，而冇揀名幼，本身就係戰略失誤行錯棋。

可以用中學係band 3 同band 1 分別，band 3 中學都有人上大學但機率低，券幼普遍同學之間學習氛圍低，家長之間大部分想讀津小。即使係劵幼最叻（以為好勁），出到公海同名幼比，有可能係名幼最後一名。正如band 3 考第一名，都會差過band 1 包尾。
我諗所有讀得名幼的家長都好搏，唔埋堆係唔知自己水平去到邊。

快樂火雞

Charlotte_mom 發表於 23-3-20 21:43
我姨甥係名幼
區內有間龍頭小學，簡介會都難有位，但會去呢間名幼辦私家簡介會
而校長係同家長講「英文就 ...

某名幼，龍頭小學開私家簡介會，還被家長嫌棄hard sell

rchan1

火球公主 發表於 23-3-21 09:28
好多人話冇答案，我唔同意。

如果樓主一開始已知係重視考小，而冇揀名幼，本身就係戰略失誤行錯棋。

非常認同係果種氛圍, 唔淨止班家長，係連果班小朋友個個都已經好READY去面試既狀態! o係名幼, 老師校長一早已經PRE好曬佢地，邊幾個同學有面試, 前一日仲會全班老師同學一齊同佢加油打氣。

四隻貓

rchan1 發表於 23-3-21 13:36
非常認同係果種氛圍, 唔淨止班家長，係連果班小朋友個個都已經好READY去面試既狀態! o係名幼, 老師校長一早 ...

Yes, 記得我女果年有位女同學早退去DGJS 2nd in，成班同學一齊同佢打氣歡送佢出門口。果種氛圍係上面試班都得唔到的。
我女已經高中了，佢仍然記得考小學interview嘅事，佢話到而家都覺得interview 好好玩

fwstides

好多馬仔

hundred100

Dot0716 發表於 23-3-20 23:31
我劵幼，算有間不錯嘅offer，所以唔係完全關學校事

我都認為唔關學校事，平時有家長伴讀已足夠已付升小。咁細個就去train小朋友應付interview，個類學校唔系我杯茶。幼稚園都冇理由外補學術，應該多滴興趣班。有幾多名幼讀名小?唔好同我講沙田某大大臨幾千人爭的某直資叫名校，沙田二線津都唔會差過佢。__當然呢滴都系純粹個人睇法

kirstyau

我2個中學了。 條條大路通羅馬 ，村學劵幼>津小>名津中+名直中。重點培養好愛閱讀，我就有少少錯誤，側重左英文，6年小學keep住搵外國人老師訓練英語說話。小學考好校內試，目標keep係top10。

f00130

幾間名私幼學生人數加加埋埋都十分可觀 而那班家長通常都目標一致 士氣高昂 就係想考直私 而部份學校又有面試支援  咁照計所謂名幼生成功考到直私的人數佔多其實都不無道理。試想下普通卷幼、村幼有多少家長係認真準備面試 或到底報唔報都係個問題。
亦唔少hea 啲的名幼家長 交俾學校又跟唔足 最終得三私之一offer 咁其實三私近年真係唔難入（可能有報就有機會call wait?)其實三私呢啲又算唔算名小？俾著係呢啲offer 又會唔會想讀呢