yyps圓玄 vs 嶺小 (22/23年度 已解決)

mangokk

背景：小兒一般卷幼，性格好動，早期有偏向英文，現在中英文都不抗拒，喜歡數學，由於家住新西（荃灣校網），亦不會搬，選校不想路程過份遙遠。

現有以下offer：音小，九龍灣聖若瑟，培道 ； 嶺小，圓玄
2nd in waiting：培僑，聖瑪加利
1st in waiting ：wkf，崇真，sfa

考完一輪，覺得唔適合谷既學校，亦感覺waiting應該都輪不到我們了，想在嶺小和圓玄間做決擇。

嶺小：中文教學（音樂用英文教，其他用中文），小班25人，活動教學，小功課，學校關愛學生，外籍老師1個，深水埗校網（利女不利男），翻8：00校車6:40上車（自己送要巴士轉巴士45~50mins到學校附近）

圓玄：英文教學（只有中文用中文教，其他科全英），33人（但每科兩位老師同時任教，平均1:16），活動教學，小功課，課外活動多（有泳池，平均兩個月8堂游泳課），外籍老師有10個（校長話會加到12個），再加本地英文老師2個（所以英文語景比較好），屯門校網（band 1競爭相當激烈，交通問題唔想響屯門讀中學），翻8：25 未知有無校車，有都係頭站（自己送樓下有巴士26~30mins到學校門口）

升中如果小朋友唔想出國，預計都會搵翻直資如李國寶呢種

兩邊也很喜歡，真不懂選擇，求問大家意見，謝謝！

Anne_Hall

如果家長進取啲簡圓玄，想舒服啲簡嶺小。不過如果我簡應該簡音小，英文小學、有龍、老師關愛又唔谷

四個天

嶺小校長話兩三年內傾緊龍校
有傳係李國寶

AndrewHo_FB

有龍必定擇龍。

SerenaYuen_FB

四個天 發表於 23-3-5 04:45
嶺小校長話兩三年內傾緊龍校
有傳係李國寶

不過，嶺小好2似得3x% 升到band 1中學?李國寶會唔會真係收哂嶺小d 學生呀？因為個gap 都差好遠，好多band 2 學生。純好奇問，因為第1次聽會結龍。

LeeCC

SerenaYuen_FB 發表於 23-3-5 13:32
不過，嶺小好2似得3x% 升到band 1中學?李國寶會唔會真係收哂嶺小d 學生呀？因為個gap 都差好遠，好多band 2 ...

李國寶要收指定％非華語學生，同幾乎全華語生的嶺小接龍，要點配合？

bbkingdombb

回覆 mangokk 的帖子

回復樓主
嶺小有兩位外籍英語老師 另外應該有一位從外地回來的
全級一般少於50人 上年畢業生48人
大約 全級中間位置或以上 可以考得到 李國寶中學

bbkingdombb

樓主可以參考一下 截至2022 8月6日 嶺小2022年的升中派位情況 50%(24/48)派b1或接近B1 (包括入崇真那幾位就60%(29/48)) 英華女1 瑪利諾修院1 長天3 循道1 體藝2 銘基1 東九匯基4 崇真5 李國寶7 培基1 聖瑪加利1 福建1 香島1 以上資料來自學校fb 今年畢業四十八人 原本自行階段  林護安柱迦密華英等等 大部分都轉去了直資

bbkingdombb

回覆 四個天 的帖子

請問在哪裏聽到接龍的消息呢
請問是現任校長還是上一任校長
謝謝

bearbee004

如果住屯門，真係冇必要出SSP讀嶺小。

beetle910

圓玄出哂名谷到爆喎

四個天

bbkingdombb 發表於 23-3-5 15:15
回覆 四個天 的帖子

請問在哪裏聽到接龍的消息呢

現任校長，YouTube訪問有講，小一體驗日親口問校長都話傾緊，佢話係九龍區，希望兩三年內成事

mangokk

四個天 發表於 23-3-5 04:45
嶺小校長話兩三年內傾緊龍校
有傳係李國寶

呢個都係考慮因素之一，不過我問過舊生，舊校長無提過，應該係吴校長傾緊，佢係好有心去帶領學校，對上次升中成績都非常好！

mangokk

SerenaYuen_FB 發表於 23-3-5 13:32
不過，嶺小好2似得3x% 升到band 1中學?李國寶會唔會真係收哂嶺小d 學生呀？因為個gap 都差好遠，好多band 2 ...

係新校長接受bally訪問時透露的，我都有親身問過，佢話band 1 band 2的直資中學都有接洽。所以我覺得大家誤會左係接龍，其實應該係傾緊聯系，嶺小一級先50人，地址五湖四海都有，到時聯系中學收盡都應該係10個8個左右，直資應該食得落的，band 1收翻band 1, band 2收翻band 2咁。

mangokk

bbkingdombb 發表於 23-3-5 15:15
回覆 四個天 的帖子

請問在哪裏聽到接龍的消息呢

新任的吴校長，接受bally與你同行訪問時透露的，上次開放日好多家長圍住佢問，佢都親口回應，但唔講邊間直資中學，叫大家耐心等1，2年會公佈

mangokk

bearbee004 發表於 23-3-6 09:58
如果住屯門，真係冇必要出SSP讀嶺小。

位置尷尬呀，荃灣校網，又未出到麗城，又未到黃金海岸，卡左響青山公路   

mangokk

beetle910 發表於 23-3-6 20:54
圓玄出哂名谷到爆喎

去學校門口問過，每日2~3樣功課，有時無功課，有百幾樣課外活動可以參加，有d要比錢，有d免費，d媽咪話都幾開心。

我又同老師單獨傾過，學生成績無排名次的，唔需要咁早就去補習！佢地教完一個單完就評估，咁做係想將個範圍拆細，當溫習鞏固知識，係計分的，每次評估都計分，唔會一試定生死，今次衰左，下次追翻。
同學校好主張要幫d跟唔上既學生追翻上黎，每堂有兩個老師一齊教，英文更加有三個老師一齊教，個別跟唔上既會抽出黎小班教學，小班唔得就放學單對單溫書都有，學校唔想放棄任何一個學生，務求一個都不能少，所以請家長放心交比佢地咁話。

bbkingdombb

回覆 mangokk 的帖子

收到了 原來如此 我也找到一個訪問了 謝謝資訊
作為持份者就未聽到有任何消息
相信都還要很多時間

嶺小畢業生一向最多去李國寶中學 崇真 東九匯基及聖道迦南
我們跟某些中學特別友好
中學開放日我們也有特別安排及招呼

beetle910

mangokk 發表於 23-3-7 13:15
去學校門口問過，每日2~3樣功課，有時無功課，有百幾樣課外活動可以參加，有d要比錢，有d免費，d媽咪話都 ...

你有冇問下用家？每日2-3樣功課只係小一。雖然我唔肯定你唔想谷小朋友嘅定義係點。不過我認識幾個朋友，小二小三轉走左，因為家長覺得太谷。

tailinlin

beetle910 發表於 23-3-7 19:01
你有冇問下用家？每日2-3樣功課只係小一。雖然我唔肯定你唔想谷小朋友嘅定義係點。不過我認識幾個朋友，小 ...

我屋企有小朋友係用家，我答你，樓主講得一啲都無錯，小朋友係另一間直資插入去，YY 比天水圍直資happy 好多。少功課，老師好好。
學校支援好好，真係會將啲跟唔到嘅學生再放學安排補課，而且確係小班教學。
不過你朋友話谷，可能因為課程都唔淺，而且都多project 要做。小朋友要上堂留心。