升上中學溫書放手唔放手

cherrieshum

回覆 jesswu 的帖子

阿仔小二已經放手，全部功課自己做，自己執拾書包，所以成績不理想，但我好輕鬆。幸好他每天有閱讀習慣。

b3410

睇小朋友能力，因人而異。大女就跟到中一左右，細女好似幼稚園已經開始自動自覺
可能平時教家姐已經自己消化吸收。
不過，自己跟過的更加了解，如果中間需要出手幫一幫，好快可以知道如何去幫。

無論如何，學習態度最重要，上堂認真聽書事半功倍。

中學身邊同學朋輩影響頗大，好多時候請教一下同學，或者大家一起溫習討論，已經可以解決問題。每次測考之後自己學會反思，點解好，點解唔好。knowledge夠唔夠？答題方法問題？思考方法問題？等等，如何改善。

如果需要補習，知道自己需要補乜，有針對性的去選擇。

流浪地球

放不放手取決於家長能不能放過自己。

cherrieshum

流浪地球 發表於 23-2-15 14:06
放不放手取決於家長能不能放過自己。

正確！就是這樣！

Yanamami

有日去九龍城食粉，對面坐一對夫婦，中間一個九龍城名校小學生，目測小三以下，可能老來得女（又唔似祖輩），父母對夾在中間女孩無微不至，仍用幼稚園階段的卡通食具，爸爸細心將粉夾到小碗中給女兒，然後遞上卡通匙羹隻，我傻了眼，用匙羹吃粉？高難度吧。然後不久，爸問女，還要多些嗎？十問九不應的，但老爸耐性非凡。旁邊的母親也服侍週到，久不久把汽水送到小咀邊。

很多時父母在剝奪孩子學習和解決問題的能力吧（這裡是自理力）。看著看著，悲從中來。

在ig上見到一個日本媽媽，紀錄著與女兒在厨房的互動，打蛋、切青瓜、蛋沙律，或是弄其他吃的，年幼的女兒把蛋殻都掉到打在碗中的蛋液，或者是笨拙地將整條青瓜切成五六份就弄沙律。大人若怕小孩笨手笨腳，要求完美，那她永遠也學不到，不會改進。那就是剝奪她學習的機會了。

Rpp

Yanamami 發表於 23-2-16 14:08
有日去九龍城食粉，對面坐一對夫婦，中間一個九龍城名校小學生，目測小三以下，可能老來得女（又唔似祖輩） ...

第一個金叵羅。

bananaGi

Yanamami 發表於 23-2-16 14:08
有日去九龍城食粉，對面坐一對夫婦，中間一個九龍城名校小學生，目測小三以下，可能老來得女（又唔似祖輩） ...

小三.

我朋友是小五仲帶私家餐具出去食飯...

Rpp

bananaGi 發表於 23-2-16 17:14
小三.

我朋友是小五仲帶私家餐具出去食飯...

我哋小二自己搭車番學放學，對比係咪殘忍左點。

bananaGi

Rpp 發表於 23-2-16 17:26
我哋小二自己搭車番學放學，對比係咪殘忍左點。

你唔人道   

(講笑)

b3410

Rpp 發表於 23-2-16 17:26
我哋小二自己搭車番學放學，對比係咪殘忍左點。

小三哥哥帶小一妹妹放學，一起走失，揾唔到巴士站。電話遙控，讀路牌加GPS揾到路返來。

車車Wong

b3410 發表於 23-2-17 10:22
小三哥哥帶小一妹妹放學，一起走失，揾唔到巴士站。電話遙控，讀路牌加GPS揾到路返來。 ...

我兩個仔都試過, 不過比你兩個大,已經小三小四, 地鐵出事改搭巴士蕩失路, 又係電話遙控, 全程聽到兩小兄弟有商有量, 無擔心反而會心微笑。

Rpp

bananaGi 發表於 23-2-17 09:54
你唔人道   

(講笑)

仔佢話我記錯係小三自己搭巴士返學放學，賓姐姐走後老豆送到小二學期尾，小三學期開始背書包每日俾50蚊零用錢食M記茶點，小朋友記得咗啲野。

bananaGi

b3410 發表於 23-2-17 10:22
小三哥哥帶小一妹妹放學，一起走失，揾唔到巴士站。電話遙控，讀路牌加GPS揾到路返來。 ...

叻仔

Rpp

b3410 發表於 23-2-17 10:22
小三哥哥帶小一妹妹放學，一起走失，揾唔到巴士站。電話遙控，讀路牌加GPS揾到路返來。 ...

上落站唔駛過馬路，帶妹妹去佢哋小學接放學，亞妹大大嗌哥哥，佢哋面都紅，跟同學仔話唔係親亞妹，係間隔屋既妹妹，到高年級啲仔有幫手接送細妹。

kittytyl

謝謝大家回覆。上星期家長日，老師都覺得小朋友學業唔需要插手，學校冇級名次，只有科目上1/4及中位數grade參考，原來小朋友大部份也是top 25%甚至更高，除咗中文。

但老師都是覺得可以放手俾佢自己處理。至於補習中文，小朋友暫時不願意，唯有睇多一個學期先

既然學業上可以放心，就繼續關心多啲青春期變化。

200904

回覆 kittytyl 的帖子

每個家庭不同，每個小朋友都不同。我也曾經有你這樣的想法，覺得如果我不放手，孩子的成績會不會更上一層樓？我女可能同你的小朋友一間學校。我只是在期末，讓小朋友對比自己和前1/4成績，以及成績表上每科有沒有名次，然後告訴我，她自己對每個學科的理解，以及下一學期有什麽具體計劃和目標。我聽了之後，會表達我的想法，然後討論。她可以不接受我的建議，按她自己的方法再試試。

我覺得作爲中學生的家長，我會給更大的空間。更鼓勵她們參加學校的各種社團。

肥win

200904 發表於 23-3-21 10:59
回覆 kittytyl 的帖子

每個家庭不同，每個小朋友都不同。我也曾經有你這樣的想法，覺得如果我不放手，孩子 ...

請教何為1/4成績？

200904

全級前1/4名次， 如果全級200人，前1/4即前50名

tsangnamnam

小女與樓主孩子應該是同一學校吧。我們是中學部插班生，跟你一樣在此校經歷了第一次考試和第一次家長日。我們都一樣高小開始放手。一來我能力上已經跟唔上她的學習，二來我們在職父母在時間上和精力上也很難幫到小朋友什麼了。
小孩子慢慢熟習自己要留心，不懂的要主動向老師發問。
升上中學後，面對很多新科目，起初孩子可能不知道如何著手，或者會有錯用力氣的時候，但這就是他們摸索學習方法的機會，他們試試跌碰，長遠來說，必會比我們事事指導，獲得更佳效果的。

謀哩咩安抓

個個家庭背景同小朋友都唔同, 好難一慨而論
就算係外國人, 都有D係天生天養, 有D一樣會谷

我地係完左呈分試就慢慢放手, 當有我個仔心儀既直資收左佢後, 佢慢慢先知道之前努力讀書有幾重要, 努力過先可以得到自己想要既野, 然後多左自覺

佢本身由細到大都好鐘意閱讀, 所以自己溫習都唔大問題