升上中學溫書放手唔放手

kittytyl

先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己對埋。呈分有搵人幫佢補一科弱的。小六下學期考試全放手，範圍我都唔知，補習都cut埋，因為已經有學校收，輕鬆一下先，見成績仍然保持，都老懷安慰。

升上中一突然有咁多科目，其實都想跟下，原來自己有心冇力，抽唔到太多時間俾佢，最重要佢慣咗自己跟，唔太想我插手，咁就算啦，都係中一咪由佢摸索下囉。以為大部份家長中學都係咁，近排先發現有幾位身邊家長中一都係全跟的，除咗補習，仲會自己跟埋其他科，如果係全職媽媽會陪溫書，教佢重點，要背那些，真心非常佩服

考咗一次試，其實我都滿意，除咗中文可以有進步空間，不過中文一向都係弱，其他科都好好，尤其係自己溫習的情況下，真係唔可以挑剔，但另一位家長講中一其實唔可以放手，係咪成績名列前茅的人都要家長幫手呢？有時自己會內疚，如果因為冇幫佢、考得唔夠好，又或者如果我出啲力佢會唔會真係有名列前茅呢？我咁嘅心態好似唔係太好….定係香港讀書，大部份都要補習，家長跟進一下？


迷惘的家長

Rpp

kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...

中一仲唔放幾時先至放手好？可能我啲要求唔高，全部仔女小學二年級已經完全俾佢哋自己去摸索。邊有時間跟得咁多，最多弱科俾錢去補一補。

cheesepancake

本帖最後由 cheesepancake 於 23-2-13 14:13 編輯

半放手中。 第一次UT & exam 俾我想像中好，全科合格 暫時測驗考試時做下嫦娥，日哦夜哦咁叫佢溫書。 最多幫佢印下past paper, 串下生字。

希望中二可以全放手

0030

小一有同她溫書，之後全部自己搞定，中學更加無跟過～無補習全部自己搞定，不過測驗/考試考得差

kittytyl

有啲讀書好叻嘅小朋友真係唔使完全跟進咁, 但係如果普普通通呢? 幫吓手係咪真係可以更上一層樓呢

kittytyl

Rpp 發表於 23-2-13 13:08
中一仲唔放幾時先至放手好？可能我啲要求唔高，全部仔女小學二年級已經完全俾佢哋自己去摸索。邊有時間跟 ...

有家長就係話中一先要幫下佢, 因為突然間轉變, 有成十幾科要考試! 我係認同應該要盡早放手, 所以我二三年班開始, 已經逐漸放手，只跟進佢比較弱嘅科目。一直去到五六年班都係咁都有唔錯成績，只係唔知中學仲可唔可以咁

7-seven

其實唔駛咁焦慮，你都講又唔係係考得差，人生路漫長總要落地行。步入青春期，家長多啲生活關心，少啲學業成績攀比。
世界係有參差，人亦各不相同。我係唔覺得陪讀就可以名列前茅，佢識諗自會唔明問老師。就算能力許可辭工全職陪讀，分分鐘攪到雞飛狗跳。「有補習需要不如外判，盡心意聽天命。」這是我的想法。

PTL_L

kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...

由高小起已逐步放手，去到中學，係零參與度，成績好唔好，份卷唔係寫我名，小朋友自己承擔後果！以自己觀察，上到中三以上，名列前茅既都係自律既小朋友，佢哋會覺得自己不足或想更進一步，要求補習，並唔到家長要求佢補習喇！

天外之人

回覆 kittytyl 的帖子

唔關事,要唔要跟睇家長自己,如你所講上到中學好多都無能為力(因我都係),雖知道幫唔到咩,有時候小朋友仲會叫核對一下背默下來的文字查看都不錯. 所以你覺得小朋友能力OK,應放心比佢自己慢慢過渡適應.  見好多人都講全世界既小朋友都會補習,有些仲要係幼稚園開始,可能全部都以分數為學習目標吧,所以有此怪既教育.但去到高深既中學,自己主動要補習都無所謂.

我的小朋友中一都放晒手比佢自己適應,第一季仲有一科唔合格出現,但慢慢都適應晒,維持翻小學時候應有水準,我覺得就OK.始終中學最終都係睇最後既DSE.

Rpp

PTL_L 發表於 23-2-13 15:25
由高小起已逐步放手，去到中學，係零參與度，成績好唔好，份卷唔係寫我名，小朋友自己承擔後果！以自己觀察 ...

咪係樣衰係佢咋嘛，特別多孩家庭少點智慧同佢哋鬥智都會縮短壽命，記得幼稚園去到半路競然話執書包忘了帶水杯同外套，哭鬧叫我返屋企攞，睬你都傻，我叫佢兩個選擇，一係用手掌裝水飲，二係開口向老師借紙杯，至於外套一係凍死，二係向老師借外套，功課唔駛講啦。

Yanamami

kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...

我覺得你可以放手，方向完全正確。別眼紅人家一時高分過你，而家俾佢自己摸索，佢有咁既能力，千金難買呢。我自己同你一樣，升中後全放手，唔需要佢名列前茅的，衹要中上有多就得。如果佢有某科有困難，佢會開聲，先再揾補習都唔遲。中一，仲有好多時間摸索同適應。

洋蔥頭媽咪

kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...

放手要響小學開始慢慢做，樓主響高小開始慢慢放做得非常好， 上到中學孩子開始慢慢習慣， 唔使你幫成績都唔錯證明孩子本身都有能力 ，方向完全正確。要明白讀書始終要靠自己，越高年級越見真章， 只要孩子有自信有鬥心，其實唔使理人哋點講亦唔需要去比較。

我仔都係由小三開始放手， 慢慢培養佢自學能力，中學完全無理，只會喺背後作支援。中一果年我仔考級三，之後佢慢慢搵到啱自己嘅讀書方法，由中二至中六，每年考核成績都keep住考到級一或級二，最後DSE 亦取得亮麗成績， 大膽講句成個中學生捱都算係名列前茅。
所以樓主唔需要太在意人哋點睇， 上到中學家長必須要慢慢放手， 衹要培養良好嘅學習態度及自學能力， 孩子終生受用。

kittytyl

7-seven 發表於 23-2-13 15:22
其實唔駛咁焦慮，你都講又唔係係考得差，人生路漫長總要落地行。步入青春期，家長多啲生活關心，少啲學業成 ...

你講得啱, 青春期確實仲有好多其他事需要關心。小朋友讀書方面從小都係生性的，我冇時間俾佢，見到人哋媽媽全力以赴，係自己內疚，所以搵人傾吓確係好

kittytyl

Yanamami 發表於 23-2-13 18:43
我覺得你可以放手，方向完全正確。別眼紅人家一時高分過你，而家俾佢自己摸索，佢有咁既能力，千金難買呢 ...

是的, 我一開始確實是想讓他自己摸索，可能中途考完試，自己有啲矛盾。雖然升上中學，預咗Band 1A學校一定個個都咁叻, 真正經歷又會有感受, 見到小朋友一開始未能如小學名列前茅都怕佢唔開心，不過小朋友似乎智慧比我高，佢同我講有同學某一科一星期會補習3小時，但其實考試都只係高佢2分，為咗2分冇咗三個鐘玩樂時間，佢覺得唔值得

我係應該選擇相信佢嘅，聽完大家講個心又好啲

Yanamami

kittytyl 發表於 23-2-14 07:31
是的, 我一開始確實是想讓他自己摸索，可能中途考完試，自己有啲矛盾。雖然升上中學，預咗Band 1A學校一定 ...

同我女諗法一模一樣，佢話我先唔會為果幾分犧牲自己玩樂時間。

洋蔥頭媽咪

kittytyl 發表於 23-2-14 07:31
是的, 我一開始確實是想讓他自己摸索，可能中途考完試，自己有啲矛盾。雖然升上中學，預咗Band 1A學校一定 ...

中一仲可以食老本，但再上就好睇孩子實力，1A都一樣有人入唔到大學，家長能幫到嘅有限，所以培養好自學能力係非常重要。

學習時期就好比一場長途賽，中段有人超前少少冇咩大不了，耐力足夠的話最後仍然可以獲勝，學校成績多2分少2分好少事，眼光要望遠啲，將來同學要面對嘅其實係同屆DSE嘅考生，所以家長必須學懂放手，讓孩子摸索在錯敗中吸取經驗，茁壯成長。

傻太

我仲有請假返屋企齋坐

Rpp

傻太 發表於 23-2-14 13:48
我仲有請假返屋企齋坐

cltw1211

kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...

放吾放吾駛同人比，我自己要番工都係全力以赴，自己精神負擔到就得

jesswu

今年升中。完全放手。
其實以前小學由4年級已冇理佢。
但小學時考試會同佢溫。
一升中，乜都冇理。佢自己搞店