凡夫俗子在科大商學院生存之道

YolandaTam

kinchung 發表於 23-7-4 09:33
天資麻麻，不同意! 讀書辛苦，更不同意啊！
勤力過年輕人讀書既考生而成績差過佢的大有人在，無補習有呢個r ...

見笑了。
你一直以來都好 supportive 好正面，欣賞你你一定係成功人士。
喺香港讀書未算辛苦啊不過，內地年輕人先至刻苦耐勞

kinchung

過獎啦，我只係一個在公屋長大的老年打公仔，經歷HKAL的本土Degree 工程老，欣賞你能與女女的關係及關愛，素未謀面，亦無雖 pleased 你，明明人家用心分享，自然會support，何況又明明係叻女，點會天資底。

emmyfok

講真，我都好欣賞樓主千金，我自己讀數，其實真正喜歡計數的人不多，女仔更少。而且年輕人有目標，不怕辛苦，真的難得。

YolandaTam

emmyfok 發表於 23-7-4 22:41
講真，我都好欣賞樓主千金，我自己讀數，其實真正喜歡計數的人不多，女仔更少。而且年輕人有目標，不怕辛苦 ...

多謝多謝(emoji)
年輕人嘅新發展係打算繼續同數字打交道: first major professional accountancy, second major Finance,又係一條「辛苦」嘅路。

Azzurro

樓主大大你好，會不會考慮孩子大學畢業後出書啊？
現在自資出書應該不貴和不難。
樓主大大的寫作風格和形容父母和孩子的心理細節的仔細程度真的是無出其右
係公共圖書館的教育書籍區都應該沒有類似出品
係 EK 都少這樣長期記錄自己小朋友的過程
（EK 有一個著名例子就是那個小孩子上網打機成癮那個悲劇。）
（當然一些其他 EK 大大的好文章都足以成為散文集。）

謝謝，長期讀者上

jaycee_mami

YolandaTam 發表於 23-7-4 23:18
多謝多謝(emoji)
年輕人嘅新發展係打算繼續同數字打交道: first major professional accountancy, second  ...

唔好意思, 我想借問一句, 如果孩子target 在大學讀 Finance, Accounting, 但高中無讀過 Econ, 會否較難入到, 面試好蝕底?  

YolandaTam

Azzurro 發表於 23-7-7 08:49
樓主大大你好，會不會考慮孩子大學畢業後出書啊？
現在自資出書應該不貴和不難。
樓主大大的寫作風格和形容 ...

首先多謝你長期收看同支持.冇諗過出書呀, 又唔係有乜嘢心得同獨得之袐.

始終只想分享一個凡夫俗子嘅普通小故事, 同埋希望後來者喺考慮入讀直資中學同埋大學選科可以有多一個意見參考吓, 不至於入到去失晒預算而已.

YolandaTam

jaycee_mami 發表於 23-7-7 10:32
唔好意思, 我想借問一句, 如果孩子target 在大學讀 Finance, Accounting, 但高中無讀過 Econ, 會否較難入到 ...

唔駛担心喎, 雖然讀過 Econ 好似有加權, 但係年輕人都識得人係 Phy Chem Bio 入商學院嘅.只要夠勤力, 科大Year 1 嘅 Econ 同Account 唔算難 pick up (我女 DSE 冇讀 BAFs 都跟到仲打算major accounting) , 不過數底一定要好.

jaycee_mami

YolandaTam 發表於 23-7-7 13:26
唔駛担心喎, 雖然讀過 Econ 好似有加權, 但係年輕人都識得人係 Phy Chem Bio 入商學院嘅.只要夠勤力, 科大Y ...

thanks a lot，我仔是讀全理科phy chem bio，無讀過econ，不過他數學是ok的。

YolandaTam

jaycee_mami 發表於 23-7-7 15:24
thanks a lot，我仔是讀全理科phy chem bio，無讀過econ，不過他數學是ok的。

咁好好(emoji)
祝令郞得償所願

761kk

有睇過樓主的中學篇, 其實想問下樓主同埋樓主的年青人, 如果有得返轉頭, 會唔會再選擇入讀這間四大女直?

定係會搵一間相對競爭低少少, 但可以比個女係中學能夠表現自己多一點的學校?


睇完你中學篇有感, 四大女直培養一流學術當然無可置疑, 但又好像學校帶比學生既野(e.g. 個人成長), 又唔係太多


而學生既優異學術成績, 亦似乎係來自學生本身/ 本身家庭support 多..  


我都幾肯定年以青人的品學, 即使放係另一間中學, 結果都是一樣, 或可能更好

YolandaTam

761kk 發表於 23-7-8 12:08
有睇過樓主的中學篇, 其實想問下樓主同埋樓主的年青人, 如果有得返轉頭, 會唔會再選擇入讀這間四大女直?

...

我一直都唔推介我家年輕人讀女直嘅。
佢自己話以當時情況同埋睇在科 chem 份上應該都會照讀。
不過由於呢兩年「活動派」當道，如果佢遲幾年出世就唔會讀喎。

kk1186

回覆 YolandaTam 的帖子

請問你當年是否都係讀你女兒呢間？我在女兒小一交表格時認識一位家長佢係讀你女女間小學，佢話佢唔會俾佢個女再讀呢間小學及中學，原因係如果成績唔好，老師係完全忽略個D成績唔好的人，所以佢唔鍾意呢間中小學

YolandaTam

kk1186 發表於 23-7-9 00:23
回覆 YolandaTam 的帖子

請問你當年是否都係讀你女兒呢間？我在女兒小一交表格時認識一位家長佢係讀你女女 ...

係呀，一向都係咁架。
我住慈雲山，當初其實睇中錦泰同基慈。
不過相公唔喜歡呢區啲學校，叫我自行申請返母校；我一方面費事嘈交，又覺得邊有咁易中啊？於是照遞表，入咗。

CCYM

囡囡現等緊DSE 下星期放磅。見科技大學出左個 "Expected Score2023".
寫著 "Candidates who attain the ExpectedScore are considered competitive for 2023 Entry via JUPAS to the specificprogram (Band A).
請問這是什麼？
相比2022 同科目收生median and LQ, 低了好－些。

請問若DSE 放榜後，可以根據這 Expected Score, 在指定時間內改選Programme choices 嗎？

例如JS5300Business and Management, 2022 Median and LQ are 35 and 34.5.
但2023 Expected Score 是32。

請指教和給予意見, 非常感謝!!

YolandaTam

CCYM 發表於 23-7-12 14:56
囡囡現等緊DSE 下星期放磅。見科技大學出左個 "Expected Score2023".
寫著 "Candidates who attain the Exp ...

個人經驗係 expected score 有啲似marketing 技巧，令人覺得好似幾「平易近人」，從而吸引更多人報， 令課程競爭激烈，好似好搶手咁。

我女舊年就係高過Econ and Finance expected score 少少，擺佢喺 A1唔收； A2 BBA Finance 唔收（佢有中學同學分數同佢一樣擺 A1 入咗），結果 A3 Business and Management。

都係 Median比較可信。

YolandaTam

好耐冇 update啦，因為呢兩年佢身上發生咗好多嘢，好快，唔知點講好：
學業方面本來想再搏 QFin， 之後諗 SGFN（sustainability and finance), 再因為數學 C 咗要再部署結果揀會計，但始終喜歡金融，打算 second major。
佢一月嗰陣去其中一間Big4 做 intern， 增長咗知識，佢有句成日講：而家多啲做 audit， 努力讀書，就係為咗以後唔使長做 audit。
佢入咗大學完全唔再係中學時期嘅 kai人，算多朋友，幾乎每科都有朋友一齊上，女仔嚟講有一齊食飯嘅，有日日 WhatsApp吹水嘅；亦有幾個揾佢「指點迷津」嘅（唔知點解都係男仔）。
朋友之間亦有過不愉快（例如佢有史以來第一次俾朋友鬧到喊結果佢疏遠對方，但又賺咗另外一啲友誼）。
佢而家仲跟埋朋友化妝返學，會用唔同款嘅髮夾夾「公主頭」，會講究吓襯衫，鞋、袋，會講吓八卦⋯⋯
目前為止佢大學生活平凡但開心。坦白講多咀係佢本性，係母校嘅經歷扭曲咗佢。

gracelam

YolandaTam 發表於 24-4-26 13:14
好耐冇 update啦，因為呢兩年佢身上發生咗好多嘢，好快，唔知點講好：
學業方面本來想再搏 QFin， 之後諗 S ...

最尾嗰句→母校經歷扭曲咗佢， 令到佢多咀定沉默之後釋放？

不過係成長另一個階段，大學接觸更多不同人種，都係一種磨錬⋯⋯

YolandaTam

gracelam 發表於 24-4-26 18:39
最尾嗰句→母校經歷扭曲咗佢， 令到佢多咀定沉默之後釋放？

不過係成長另一個階段，大學接觸更多不同人種 ...

三年級前佢係好多嘢講嘅人。
之後老師帶頭令同學排擠佢，變得沉默。

妹妹頭

YolandaTam 發表於 24-4-26 20:26
三年級前佢係好多嘢講嘅人。
之後老師帶頭令同學排擠佢，變得沉默。

咁咪即係欺凌