九龍塘小學（KTS）課外活動班

Halooniki

請問九龍塘小學的課外活動班費用貴嗎？參加一種的話一年大概幾錢？
有無用家分享下讀一年九小大概使費幾多？
學費61000/年
校車？
膳食？
還有其他費用嗎？

因屋企有兩個，選擇前計下條數，
萬分感謝！

gigayan

Halooniki 發表於 22-5-18 23:50
請問九龍塘小學的課外活動班費用貴嗎？參加一種的話一年大概幾錢？
有無用家分享下讀一年九小大概使費幾多 ...

校車費，視乎路程長短，坐學校校車一般幾百至千鬆，如住得遠要坐保姆車就可能貴啲。

膳食學校飯大約$2x頭一餐，亦可以自己帶飯，就唔使俾學校飯錢。

其他費用，書簿費都係$2000-3000一年，無乜額外收費，課外活動有啲係需要俾錢請外援教練，應該樂團費用最高，其他一般都係幾百至一兩千一年。

呢個係三年前嘅價錢，唔知宜家有冇調整咗。

Halooniki

gigayan 發表於 22-5-21 09:40
校車費，視乎路程長短，坐學校校車一般幾百至千鬆，如住得遠要坐保姆車就可能貴啲。

膳食學校飯大約$2x頭 ...

唔該曬你啊！等左幾日終於有人知，請問小朋友係果度讀得如何？容易跟得上嗎？
我小朋友谷得型，但怕節奏太緊湊。你覺得值得讀嗎？

gigayan

Halooniki 發表於 22-5-21 09:45
唔該曬你啊！等左幾日終於有人知，請問小朋友係果度讀得如何？容易跟得上嗎？
我小朋友谷得型，但怕節奏太 ...

KTS一年三考, 無乜考測, 少抄寫, 專心上課, 用心做工作紙, 基本都唔會跟唔上的。

Halooniki

gigayan 發表於 22-5-21 12:32
KTS一年三考, 無乜考測, 少抄寫, 專心上課, 用心做工作紙, 基本都唔會跟唔上的。 ...

我見有人出帖。講到入到去運動要拿獎先得，如果目標中學係band1 A的話，要努力到點先可以？純學術夠嗎？還是一定要運動拿獎？

gigayan

Halooniki 發表於 22-5-21 12:45
我見有人出帖。講到入到去運動要拿獎先得，如果目標中學係band1 A的話，要努力到點先可以？純學術夠嗎？還 ...

如果係Top band 1a 無體藝, 純學術應該要頭1-3, 我地個年spcc好似收咗1-1x名頭的, 基本都有體藝係手, 好似係得1-2個無體藝, 但佢地都會有好多作文獎、畫畫獎咁囉。

Halooniki

gigayan 發表於 22-5-21 12:55
如果係Top band 1a 無體藝, 純學術應該要頭1-3, 我地個年spcc好似收咗1-1x名頭的, 基本都有體藝係手, 好似 ...

哦。。有無同學仔入曾肇添？
見2021年KTS升中成績，有50%左右band1 A，入得band1 A都需要有全港性體藝比賽揸手先有機會成為50%裡面其中一個嗎？
你小朋友考到邊間中學？

gigayan

Halooniki 發表於 22-5-21 13:31
哦。。有無同學仔入曾肇添？
見2021年KTS升中成績，有50%左右band1 A，入得band1 A都需要有全港性體藝比賽 ...

其實唔使咁快諗小朋友只得純學術先，入得KTS，學校會努力幫小朋友搵閃光點，6年時間唔短嘅，一般都會搵到的。

我小朋友一直成績都比較中游，自行入了石硤尾女校。

Halooniki

gigayan 發表於 22-5-21 14:07
其實唔使咁快諗小朋友只得純學術先，入得KTS，學校會努力幫小朋友搵閃光點，6年時間唔短嘅，一般都會搵到 ...

哦哦！！咁叻，自行入到。石硤尾女校邊間啊？介意分享嗎？當時阿女有無體藝獎牌揸手？

hundred100

回覆 Halooniki 的帖子

校車綫最遠的站點如新東馬鞍山，烏溪沙要1700-1800了。朝早仲要同宜家的副校，很快的正校同坐校車。小朋友表示壓力很大。膳食價錢閒閒學校差唔多。
課外活動如果揀校外導師的STEM之類就會貴滴咯，揀校内導師的有滴會免費。
看個人選擇，我印象中最貴的一個學期差不多四千。

piglover

Halooniki 發表於 22-5-21 14:12
哦哦！！咁叻，自行入到。石硤尾女校邊間啊？介意分享嗎？當時阿女有無體藝獎牌揸手？
...

Band 1a 寶血尚智

gigayan

Halooniki 發表於 22-5-21 14:12
哦哦！！咁叻，自行入到。石硤尾女校邊間啊？介意分享嗎？當時阿女有無體藝獎牌揸手？
...

上智，對比Top band 1a，只算是地區band 1，不能和他們比

當時女有獎係手，上智都幾注重呢項活動，但相信獎係其次，成績先係主菜，因為當年幾個入上智嘅都同女成績差唔多。

Halooniki

gigayan 發表於 22-5-22 00:06
上智，對比Top band 1a，只算是地區band 1，不能和他們比

當時女有獎係手，上智都幾注重呢項活動 ...

明白！
Kts老師對學生培養如何？如果慢熱型學生會否難追上？你覺得哩個月費同學校俾到學生既野是否值得？
另外，當時你係如何輔助阿女在級保持中游的？係哩間學校中游都好不容易。。。

Halooniki

hundred100 發表於 22-5-21 22:12
回覆 Halooniki 的帖子

校車綫最遠的站點如新東馬鞍山，烏溪沙要1700-1800了。朝早仲要同宜家的副校，很快 ...

朝早仲要同宜家的副校，很快的正校同坐校車。
不好意思，這句話不太理解？

我住沙田，那麼估計1500左右吧。
小朋友壓力很大？但是六年也堅持得到？讀得開心嗎？
除了學術外，你小朋友有無乜獎牌揸手？你小朋友係級咩位置最後考到邊間？
我想知下大概要咩程度先可以自行得到band 1A中學。。

謝謝

jesswu

Halooniki 發表於 22-5-22 01:31
明白！
Kts老師對學生培養如何？如果慢熱型學生會否難追上？你覺得哩個月費同學校俾到學生既野是否值得？
...

kts培養小朋友品格非常好。
如果不進取，衹要求中游位的話，係非常舒服。功課少，測考少，一年幾次默書。我對小朋友要求不高，衹求操行ok,所有科合格，交齊功課。所以六年以來都超興鬆，但預成績不會前列(我小朋友爲例，中規中矩去間b1b/c直資，因遲下或會出國)。
b1a有一半，總b1有90%+。。
出年副校升校長。
樂團費一年$7000幾。其他雜費十分少。

jesswu

Halooniki 發表於 22-5-22 01:35
朝早仲要同宜家的副校，很快的正校同坐校車。
不好意思，這句話不太理解？

級30內會有不錯升中成績。
我由荔枝角坐去九小，校車$1500
上面家長話副校(來年校長)可能同坐一架校車返學
小朋友六年以上返學十分開心，校園舒適，老師好，同學乖。仲有功課少

Halooniki

jesswu 發表於 22-5-22 09:10
kts培養小朋友品格非常好。
如果不進取，衹要求中游位的話，係非常舒服。功課少，測考少，一年幾次默書。 ...

功課少，測考少，默書少，咁其實小朋友成績點樣可以咁優秀？真係老師教的方法特別厲害？！課堂只有幾個鐘，小朋友真的不練習也可以吸收得到嗎？
你小朋友不發力都考到哩個成績，如果發力就不得了。
我地如果讀九小的話就想入band1A，2021年畢業成績有50%度入得到。哩50%係全部都有全港性獎牌才能夠成為哩50%嗎？

gigayan

Halooniki 發表於 22-5-22 01:31
明白！
Kts老師對學生培養如何？如果慢熱型學生會否難追上？你覺得哩個月費同學校俾到學生既野是否值得？
...

一句講晒，我小朋友宜家中三，佢上到中學後同我講，多謝我幫佢揀咗KTS，6年嘅訓練畢身受用，令佢懂得堅持、分配時間、識到一班好同學。

我女keep住聯絡嘅，大部分以前KTS都係中游去咗b1學校，好多上到中學都變前列，除咗kts教到佢哋「 底厚」，我覺得kts訓練令佢哋「識讀書、識考試」都好重要。

講到學費，真係個個 屋企唔同，睇返屋企經濟狀況。始終我覺得如果要屋企太重負擔只為讀書太吃力了，始終一讀6年，你仲有兩個，和另一半好好傾下，最緊要拎共識。

如果只做中游，其實唔使太辛苦，都係考試陪讀，補數學一科，數學一科成績影響名次最多。

gigayan

Halooniki 發表於 22-5-22 09:22
功課少，測考少，默書少，咁其實小朋友成績點樣可以咁優秀？真係老師教的方法特別厲害？！課堂只有幾個鐘 ...

KTS top 50%, 地區學校b1A應該無問題。獎呢啲你入到去聽老師吩咐，再自己跟進多啲，唔難拎啦。

體藝小朋友唔鐘意，咪玩朗誦，朗誦唔得，咪入合唱團，唱歌唔鐘意，就畫畫，鐘意科學就參加Stem比賽，考中學前，學校盡量都唔會令你portfolio吉咗。我女體藝弱，體個到吉咗，老師都會搵佢傾，話見佢上PE打排球幾好呀，問佢試唔試下打排球入校隊訓練下，不過衰豬唔肯去，家校合作啦，你最緊要記住呢4個字，咁一定搵到閃光點。

Halooniki

gigayan 發表於 22-5-22 10:01
一句講晒，我小朋友宜家中三，佢上到中學後同我講，多謝我幫佢揀咗KTS，6年嘅訓練畢身受用，令佢懂得堅持 ...

你講曬我想要知既野出來。教好一個小朋友真的好重要，還有我們喜歡九小的自信教育，品格教育。
是啊，我地兩個，但是哥哥努力考到九小，我們應該會俾哥哥讀。畢竟九小樣樣都好，只是學費貴。如果得一個小朋友唔使諗。

仲有，我地發覺九小極之低調，上網搵資料介紹除了學校網站，基本上無咩評價。。。都無做咩訪問。