為何中文咁深

SummerTrees

回覆 日本妹妹 的帖子

正解。
我看那些平時看中文書的小朋友，學中文一點都不會覺得吃力。

也有見過小朋友堅持看喜歡的中文書幾個月之後，中文水平明顯提高，不需要去補習。

日本妹妹

回覆 cherry_ng_ 的帖子

這正正是我的意思。
其實同一道理，現在小朋友英文叻過中文，莫非現在英文淺咗？7，80年代英文深啲？我覺得無可能囉！現在小學友喜歡睇英文小說，厚厚都喜歡，佢哋作文啲vocab 我都唔識。

所以唔可以話現在中文深，令小朋友無興趣，只係大多數父母覺得英文重要，睇書，睇TV, 睇cartoon 都係英文，令小朋友接觸少中文，所以就會有這情況。

至於話好多行業九成都係英文，其實我唔太清楚。不過只知係香港生活，如中文太差，應會比下去。
只知大學，醫院，做律師也唔可以唔識中文。
你諗下現在好多教授都係大陸人，你諗下如中文太差，如何溝通？

其實最好係 中，英，普都勁，你小朋友一定去到邊都有競爭力。

你唔好以為去到外地不用中文，其實外國有啲工反而要你識普通話先會請你。如銀行，因大陸客多，你明我想講乜嘢啦！

肯放時間，無話讀唔掂，大家加油啦！

darkgard

airwalk 發表於 21-12-24 12:13
中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字,  ...

時間好公平。人人都係24小時。
過去十年到依家，父母慣左training 小朋友英文，走係街上，唔難見到六歲以下嘅小朋友，家長都係講英文。咁樣，小朋友中文一定差，字庫唔夠，語句唔通順。
好明顯，近年小學中文係深左好多，一來小朋友本身少接觸中文（因為大部份時間用英文），二來學校要用中文提升學校排名。（香港地，個個小朋友都英文勁，好難係呢方面突圍而出）
與其話政治因素，都要有學校，家長一條龍咁配合。學校份卷難啲咩，班家長可以捉小朋友外補，精益求精；學校出淺啲咩（好似啲happy school, 少中默），班家長又唔鐘意丫，怪佢學術唔夠人fight。成個market，係supply and demand。最後，係小朋友受苦。
其實，數學都深架，我地以前小學，數學邊有依家咁，成日出「陰人」嘅題目，又拎啲奧數題放入數學卷？
唉，香港讀書好難。

利申：我本身唔怪獸，經歷大女小一入學挫敗後，開始明白香港父母唔可以唔怪獸，亦都無得唔怪獸。好難好佛系咁教小朋友。（坦白講，宏觀全世界，所有華人地區都係讀書辛苦）

airwalk

darkgard 發表於 22-1-4 10:29
時間好公平。人人都係24小時。
過去十年到依家，父母慣左training 小朋友英文，走係街上，唔難見到六歲以 ...

其實很矛盾,
平民家長要校內成績好, 爭名次, 只好操中文, 但同時知道英文重要性, 英文唔好將來出社會好大件事.....文職基本你無機會做到, 外國升讀大學你都要死讀個IELTS 7返來申請學校.  

有錢家長就比小朋友直入讀國際學校, 一係小或中, 大學外國讀, 咁就暗示在英文有幾重要, 簡直係final boss.

係LE點, 我地華人社會, 日常生活中文好自然都會識, (了解下新加坡),  我唔明白為香港教育, 小, 中學學校唔大力加強英文外語力, 而係咁加操中文. 小一, 小二谷學修詞, 詩集, 文言文,  (我認同中文係要學, 但絶對可以平衡返,)

更諷刺係, 作為家長想小朋友入D英文小學, 英文中學,? 咁係supply & demand,?


樓上有位家長話, 只要努力就一定成功, LE句野單眼佬都知,
但係唔係個個做到., 咁做唔到都要照顧?  

日本妹妹

回覆 darkgard 的帖子

好同意。如人哋睇我，我一定係怪獸家長，但無奈香港教育就是這樣，1歲人仔就話要返playgroup, 有啲仲得人驚，未出世已要排定隊。以前運動邊會玩fencing, 只係玩下籃球，羽毛球，足球等。現在越冷門越好，因升小或升中會加分。有小學生已考igcse, 所以香港先有「怪獸家長」這稱號。

就算入到一間Happy school, 家長一樣會谷，因大家一樣要考試。除非讀國際學校，確實從愉快中學習，但有幾多家庭可以afford 呢？
所以有啲讀唔掂，真係寧願出國，其實現在都算好時機，因有BNO 免費去英國讀書。

如果真係讀唔掂中文，確實有另一條路可考慮

airwalk

日本妹妹 發表於 22-1-4 11:48
回覆 darkgard 的帖子

好同意。如人哋睇我，我一定係怪獸家長，但無奈香港教育就是這樣，1歲人仔就話要返p ...

整體來講,
香港土炮小學, 中學D "中文"係競賽用, 係用來比家長同家長之間鬥名次用..
而學校, 就係場地,  教育局係搞手....

咁運動員比賽後出社會可以做D咩?
答案係: 職業再培訓 , 再操下英文先好返工.

SummerTrees

airwalk 發表於 22-1-4 11:58
整體來講,
香港土炮小學, 中學D "中文"係競賽用, 係用來比家長同家長之間鬥名次用..
而學校, 就係場地,   ...

中文比英文難學，想學好中文自然要比英文多用些時間多花些心思。

不理解學中文何時淪為是為了鬥名次，日常生活交談難道都用英文嗎？如果平時都講英文，又何必辛苦去職業再培訓考個ielts 七分？更何況ielts七分只是很普通的英文成績。

darkgard

所以話，係香港，英文好係基本，中文好先係功架。

要睇好多書，經常執起支筆作下文。本身亦要喜愛中文，先會做得到。但試問，有幾多小學生有咁嘅情操

cantona2001

我仔宜家小五一直有讀書習慣，英文已經睇到好多，宜家都儘量要佢睇番多d中文平衡番。之前借左金庸佢又話一睇封面都無興趣。咁就我地兩公婆自己睇先啦，佢見我地睇得好過癮咁，又開本射雕英雄傳睇，一個暑假咁就睇晒三步曲。

學完魔法又認識下降龍18掌同九陽神功，學習言語嘅興趣都係咁培養出來。

P.S. d比卡超閃卡咪又中又英咁儲同同學交換，睇netflix就睇英文版，有興趣嘅隻隻精靈嘅中英文名佢都識

airwalk

cantona2001 發表於 22-1-5 14:14
我仔宜家小五一直有讀書習慣，英文已經睇到好多，宜家都儘量要佢睇番多d中文平衡番。之前借左金庸佢又話一 ...

你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手法寫, 角色情感, 修詞手法, 句子係邊種比喻?  為何要打降龍18掌, 唔打20掌之類問題?  如果冇問, 可能今晚返去問下小朋友有無真係學好香港要學中文...

LE個咁既問題就係我地考試要問既中文問題...

天外之人

Dybala 發表於 21-12-29 17:15
問題係文化修養並唔係靠現今小學學中文果種填鴨同近乎矯枉過正嘅教法黎培養, 呢種方法只會令小朋友更討厭學 ...

講得冇錯,文化修養唔係單單依靠這些,呢啲要日積月慮形成,冇野係可以立即就有效果,不論學什麼都係咁,好多人都講小朋友學野係好快,所以一定要先令小朋友喜歡上才可以.當小朋友喜歡了,自然提及既填鴨式學習都一樣冇問題,間接唔會有深既存在.

天外之人

day_bo 發表於 21-12-31 10:47
贊同閱讀重要，看得多語文各方面自然好起來。我囝自幼稚園開始也是偏喜歡英文閱讀，所以英文一直不錯。的確 ...

所以亦都證明衹要有喜歡之心,自然什麼都快上手~

cantona2001

airwalk 發表於 22-1-5 14:29
你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手 ...

我仔中英文成積都唔錯，佢無補習，但直昇直屬中學又無咩問題，我有時間通常同佢玩board games, 唔理得佢學業咁多

cantona2001

airwalk 發表於 22-1-5 14:29
你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手 ...

其實我都好明你講嘅情況，我姪女就係讀間女龍校，平時只睇英文書，兩姊妹主要用英文溝通，唔鐘意睇中文書，之前差d中文唔合格昇唔番直中，後來都係靠補習追番，所以中文真係難攪

Dybala

天外之人 發表於 22-1-5 14:49
講得冇錯,文化修養唔係單單依靠這些,呢啲要日積月慮形成,冇野係可以立即就有效果,不論學什麼都係咁,好多人 ...

好似樓上講嘅射鵰咁, 我地細個點解會無啦啦拎起本原著黎睇, 就係因為睇咗套電視劇或者打機想細路仔鍾意一樣嘢一定要先引發到佢興趣, 而唔係每日抄詞語/背成語/迫你喺篇作文用n種修辭手法

天外之人

Dybala 發表於 22-1-6 10:45
好似樓上講嘅射鵰咁, 我地細個點解會無啦啦拎起本原著黎睇, 就係因為睇咗套電視劇或者打機想細路仔鍾意一樣 ...

咪就係,冇興趣,點谷點補出來都唔會好得去邊,就算有好既分數出來,都衹係臨時性,因根本冇真正去明白,背著去默去考,幾天後知識就煙消雲散.越去到高年班效果越突顯出來. 想要小朋友快樂學習唔係單單靠學校比,係家中既父母才是最重要.

airwalk

天外之人 發表於 22-1-6 12:28
咪就係,冇興趣,點谷點補出來都唔會好得去邊,就算有好既分數出來,都衹係臨時性,因根本冇真正去明白,背著去默 ...

其實鐘意睇中文書, 故事, 係香港考試下係幫助不大, 你叫圖書館日日睇報紙阿伯去考DSE, 可能分分鐘唔合格.

因為考試係抽象化題形, 公式化答案. 要操練唔係你識幾多中文, 你幾了解中國文化, 而係你點去分析題形而答案係佢地想要的, 但同時未必作者咁認為.

.

melobi12

airwalk 發表於 22-1-5 14:29
你個方法學中文幾好, 但你個小朋友睇完後, 有無問返佢, 故事既中心思想, 作者當時係咩心態寫故事, 用咩手 ...

令我諗起自己細個，因為屋企人都睇幾多書，所以我得閒無事都會揾書架啲書睇。最後中學會考兩份卷，作文份卷我攞A (我係寫抒情文)，問課文內容(作者諗乜、修辭手法) 份卷我得C。我都唔知我中文算好定差

ipki

回覆 airwalk 的帖子

補習班有價有市就係咁的原因
大家可以高尚咁認為求學不是求分數

但回歸現實,我睇左一百本中文書,我中文係唔係就高分?

最後咪又係去操題目,除非你唔想係香港升學

我試樓主的意思唔係話中文難學定係點

係唔明係香港呢個制度下,考的野對真係想維繫中文或咩文化之類有咩作用?

理想係人人都知睇多D就好,但係問題係你睇完一堆中文書,你可以考到好中文?

cantona2001

ipki 發表於 22-1-6 14:29
回覆 airwalk 的帖子

補習班有價有市就係咁的原因

學所有語言，睇多d書正常對所學語言有幫助，我細個都睇完三國演義（本書好厚要睇好耐，但我真係對三國歷史好有興趣），對答出師表多多少少有幫助，衰衰地會考中文都有B,英文書我細個就真係完全無睇，英文就真係考得差。
睇書即係打拳/打波練基本功，打好根基對以後再深度訓練有幫助，但唔保証一定攞高分，但睇咁耐家長分享都係話睇書對學語言有正面影響（至少唔會負面先）當然世上總有人天才係例外到唔睇書都考滿分

其實宜家學生中文攞5*/5**比率同英文應該差不多，除左補習，都應該嘗試其他方法提高學生興趣去面對