小四內向聽話型男仔只喜歡英文，升學點算

subb

你指向下插的是點向下法先???
中文科邊一part最差?? 差到點???

我女小學又係好多同學英超勁,中文差,
上到中學都免強可以 !

所以但真係想知他是差到什麼情況???
＃作文好底分?？？
＃可唔可以先由日本漫畫入手?？？

YmOra

subb 發表於 21-11-12 09:57
你指向下插的是點向下法先???
中文科邊一part最差?? 差到點???

其實，我估樓主思緒好亂，亦好芧盾，一方面好想給孩子自然自由發展，另一方面又好怕再咁落去中文實影響升中，心態上係無百分百把握係唔敢想去試。不過，樓主嘗試放鬆下心情去想想，跟ｓｕｂｂ話齋，同樣個案嘅大把，只要"逐步逐步、着少着少"去改變，小孩子的中文無話改善唔到的，將來ＤＳＥ咪只求攞個３咪得囉，一樣大把Ｕ課程有得讀。我女由ＤａｙＯｎｅ已經不投放時間响科通識處，只求攞個２就收工，結果反而有驚喜。

minichong28

英文程度去到邊? 因為就咁睇, 小四睇Tom Gates and Tree House, 上緊Cambridge Flyers, 好像程度偏淺, 如果去考英小, 英文程度未必夠, 而且就算讀英小, 中英數都係缺一不可

我小朋友中文都係好弱, 又係只睇英文書, 暑假期間我隔日要求佢作文, 每日做閱讀理解,重組句子, 而家中文唔算最叻, 但都叫應付到學校要求

cyiuming

回覆 HKMumm 的帖子

我眼見男仔普遍喜歡偵探小說又或者你扮煲劇
叫佢陪你一齊煲

貓頭鷹之家

我兩個仔同你小朋友差不多，大仔升中了，讀了一間英中。在他小四時也有外補中文，但效果一般，中文成績沒有進步也沒有對中文產生興趣。現在升中了，全英反而讀得更開心。中文課就剛剛合格。

mcl203

HKMumm 發表於 21-11-11 12:55
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game,  ...

都係果啲意見，睇佢個人性格和取態，如果佢係唔會放棄類型，應該唔使太擔心，要佢認識中文科嘅重要性。如果佢係已經放棄類型，炒中文科嘅機會係極大。中文科並非甚麼殺手，問題係自己是否想生存～～～

貓頭鷹之家

最近，有位國語老師對我説，所有的語言由說話開始，香港人生活節奏急促，尤其是雙職父母，工作後回家，跟小朋友說話也不多，同時也不夠深入。大家可以以作參考。作為父母，除了鼓勵小朋友看書外，平常還可以作什麼呢？

b3410

hkpapa852 發表於 21-11-12 09:24
小朋友咁抗拒中文, 如果堅持留係本地學制相信9成無運行
中學既中文科要求係小學既N倍 (即係要考更多無謂嘢) ...

對，包括將來大學/工作。如果打算將來外國生活，就簡簡單單轉國際學校，中文隨興趣去發展。
如果不打算將來外國生活，以整體形勢發展來看，只有俾心機學好中文。

語言的背後是文化，其實好多時候學多種語言都是希望了解多一些相關文化。多元化社會就是這樣（唔好意思離題，不過想帶出的信息就係學中文唔係齋學中文字/語言）

如果因為普教中而影響上堂效果，其實可以多看普通話節目，YouTube 唔多，可以試試抖音/小紅書之類。有很多有趣的寵物搞笑視頻，通常小朋友都會有興趣。

多接觸，不僅普通話突飛猛進，潮語都會學多很多。再可以追一下中文劇，例如我d小朋友之前追瑯琊榜，自己再搵書睇，順便學埋歷史

yianleen

朋友女一樣情形, 唔鐘意中文的小朋友上中小係好痛苦, 因為除英文外全部都係中文, 影響埋數學的理解和解題能力。
結果朋友女轉去英小, 英文程度絕對無問題, 中文淺咗、少咗, 反而無咁討厭, 而且對數學的理解都好咗。一石幾鳥!

所以如果唔考慮國際學校, 可以趁移民潮搏英小。

wongtw

再說白啲，以我經驗相信其實關鍵在於youtube=語境，成也youtube敗也youtube.......唉，因為它能輕鬆地自然學習，而且英語入面有海量資訊，程度可以自動提升到那個地步，就看小朋友平日是喜歡看甚麼東西和節目了。如果每天看上一小時，再加上六，日的特長時間，家長應要盡力平衡youtube內的中英文時間，返半日學相信會令情況更快出現一面倒向英文，因為中文是象形文字嘛，然後手機和電腦平台亦被變成英文版，如果有打機更衰多二錢重，因為輸入英文字不用學嘛，中文就會卡在讀和寫這兩方面，相對地如果是玩開中文版的打機迷，中文和普通話能力就會較英文好，因為youtube的攻略多數是說普通話嘛。

YmOra

b3410 發表於 21-11-12 12:59
對，包括將來大學/工作。如果打算將來外國生活，就簡簡單單轉國際學校，中文隨興趣去發展。
如果不打算將來 ...

我嗰個小學時係睇普通話講故事嘅"四字成語"的由來，睇得津津有味，雖然Ｄ動畫製作一般般，但勝在小學生無咩要求嘛！

tuelovefei

回覆 yianleen 的帖子

我小朋友同樓主情況一樣, 想問大家有無易入英文小學介紹?

dingyan

hkpapa852 發表於 21-11-12 09:24
小朋友咁抗拒中文, 如果堅持留係本地學制相信9成無運行
中學既中文科要求係小學既N倍 (即係要考更多無謂嘢) ...

換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為中學做準備啦。。

YmOra

dingyan 發表於 21-11-12 18:05
換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為 ...

談 何 容 易

dingyan

YmOra 發表於 21-11-12 18:11
談 何 容 易

我自己嗰個都愁緊中文，梗知不容易啦。。。

hkpapa852

dingyan 發表於 21-11-12 18:05
換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為 ...

如果只需要用中文溝通, 根本唔需要讀本地學制
就算今日轉到入英小, 唔通真係可以馬上"翻生"?

繼續留係本地學制, 一上中學馬上由6大科變1X科.

中文只係合格水平左右, 除非間小學本身係極弱既學校, 否則基本上無乜可能做到B1學生, 咁即係9成入唔到B1英中 (B2英中都難)

如果入唔到英中, 即係有10科以上用中文教, 到時點頂?

dingyan

hkpapa852 發表於 21-11-12 18:28
如果只需要用中文溝通, 根本唔需要讀本地學制
就算今日轉到入英小, 唔通真係可以馬上"翻生"?

嗯，我覺得已經決心脫離本地學制的情況可以不做討論啦。。
而在本地學制下，無論中小定英小入英中可能都需要有一定競爭力，大機會也包括不太差的中文成績？入咗英中仍然需要面對dse中文科，一般人都希望可以合格吧？語言好難一蹴而就，細個又有先天優勢，現在開始綢繆希望可以幫第日慳啲功夫。。
其實呢幾日咁啱有外藉本地朋友傾起佢申請英文科pgde，其中要求有識中文，佢自己emi中學時第二語言揀嘅法文，而間學校而家有開普通話已經不再開法文。。咁十年廿年後又會係點呢？每個家庭情況都不一樣，裝備定迴避都可能要諗多啲。。

Kirin007

如果學習能力係冇問題嘅，又如果我係樓主一定幫小朋友降級考英小，有機會情願將儲定大學嘅錢掉去國際學校！唔識字嘅人講嘢都可以好叻，所以(emoji)清楚係語言問題影響學業定係其他原因。

emmyfok

睇晒三頁，由於唔知小朋友讀邊間小學，所以唔知實際上中文有幾差，可以肯定嘅係：
1、中文成績下降
2、小孩愛看英文書

從樓主列出嘅英文書來看，係 age appropriate 嘅選擇，但程度唔高。其實一般中文小學，中文教得深，英文教得淺，小朋友捨難取易，係人之常情，而且從分數看，家長會覺得小朋友英文好過中文，但分數反映出嚟嘅，未必係真相。真係去咗程度高嘅英小，會不會嚇親，驚咗英文？

我當年做法，係繼續培養英文嘅興趣，外籍老師練 oral，小四，就算未睇到 Harry Potter, 至少都要睇到 Land of stories 呢個程度。我女當年，中文差，唔睇書，靠睇電視浸中文，中文得C, 靠英數常一樣抽入band 1 英中。中學遇到好嘅中文老師，加上同學陪温習，中文keep 到中游成績。

emmyfok

其實，一般地區 band 1(非名校) ，英文好，同native 一樣流利，已經足以令面試的老師眼前一亮。而中文成績，要谷到有 A 好難，但要合格，B或C的成績，是做得到的。當年我用睇電視劇嚟教閱讀理解，作文捉題目幫佢作定，文言文譯成英文教，保住大部分考試中文有B，只係其中一次呈分 C咗。