點解個個細B都會插N班讀左先?唔明

chichi730

聽過所有識得既細B都係會滿2歲插班讀左N先，之反再repeat N/細B報K.

聽返得原因是:N平過playgroup/N可訓練獨立性/父母返工，冇時間上playgp,讀N好過喺屋企冇野學過。請教一下，還有其他原因?

我阿B男仔，12月，一心諗住下年以超大B身分讀N,而家就同佢上playgroup.(一星期2至3堂)。考慮因素係因為男仔發展遲d,又12月B,怕佢唔適應/病/整親，有冇人同我一樣諗法?但見佢上playgp又真係好開心，諗緊學校生活可能都適合佢

而家感覺自己好似耽誤左佢咁，請問有讀過N幾個月同冇讀過N,9月入N時表現會否差好遠?
讀左幾個月N再以細B身分讀K,會否同其他大B同學差唔多，定都係差點?
如考名幼N通知1至3月面試，有讀過N 1，2個月的話會否加分? 謝謝各位!

快樂火雞

細B答你唔到，但見過大B一到兩歲就插班村校讀到八月再入私幼
幫助都好明顯，起碼自理方面好左好多

libra2018

chichi730 發表於 21-10-4 15:32
聽過所有識得既細B都係會滿2歲插班讀左N先，之反再repeat N/細B報K.

聽返得原因是:N平過playgroup/N可訓練 ...

其實如果錢唔係問題，
小朋友又可以有同齡朋友互動，
真係冇咩唔好～ (emoji)

lfnewgirl

個個九月新入學大家一齊喊
老師就得一個 唔會顧得晒所有
反而插班
唔洗跟冗長嘅適應期
喊嘅人相對少左 就會顧得好啲
小朋友見其他人唔喊 佢又會跟住唔喊

mrsmay

超大B係正確選擇，唔好比其他人影響自己

evitasing

其實大細B應該不是重點。
主要係家長的期望vs家長的付出(包括時間/資源/教養方式等)

如果講讀書條件
N班係2歲，K1係2歲8個月

其實，一直以來講做唔做大細B，家長目的只要一個，就係想小朋友入到一個「好」的小學做準備！所以，想用大B的「優勢」，入一間「好」既K1幼稚園，eg. 龍幼、名幼等！

其實講來講去，喺睇家長想為將來理想小學入學做準備
～最高級別叩門>直私/私校/國際
～次級別>龍校，基本上不是100%升小，只是比較有優勢，感覺安全啲，所謂的退可攻！進可守！
～最低級別>大抽獎(有人稱係佛系牌)
(當然呢個遊戲，仲有其他計分位去爭取優勢！)

但可以講，90%叩門能力或叩門率歸功於不是學校，一定係外補(即係家長既力，包括財力+部署+觀察力(小朋友進度/問題/強弱項)
綜合好睇:英語能力/表達能力+speech的經驗/理解能力/應變能力/臨場發揮

另外，睇返入「好」K1幼稚園
甘主要睇你「好」的定義係咩
～名幼/派小好
～龍幼
～品格較好/較嚴eg. 天主教/聖經教育
～英文為主
～蒙特梭利

甘當然熱門幼稚園，無論大細B與否，競爭都是這麼大！普遍當然一定係比較遜色，但基本上可以講+3歲以上，小朋友的能力/學習速度/思維等，年齡大細已經唔係主因，學習是終生的過程，如何成長+內化知識同經驗，就好睇佢一路成長的學習模式！第一身，一定係日夜相伴的家庭/父母，可以直接講係教養模式！第二身，先係學校/老師！
雖然，細B普遍略遜一點，但可以發覺有细B比自己較大的小朋友更強的，有兩個關鍵，1) 資源+時間2) 教養方式+經驗


(反而，我有時覺得用大細B優勢考K1，點解唔簡repeat k3, 大B入K1感覺只是延遲一年，repeat k3, 有兩次叩門機會，2年時間準備，不是更好嗎？但擔心k3 repeat, 小朋友大左先重讀，心理影響大一些！)

利申，小朋友係細B！仲等緊K1 offer🤣純粹分享🙏

five555

我見更多的重讀小一考名小

Joannne

如果係target 直資/私校，英文好/出名學術好的幼稚園係非常非常非常重要。
好多私小都會收呢d小朋友，即使interview / 做卷表現不太好，揀收後補學生都會睇埋讀邊間幼稚園。

當然，如果小朋友十分標青，表現出色正選就收咗就另當別論吧！

hibella

回覆 chichi730 的帖子

我諗細B 插N先, 可以睇得出佢社交，自理能力，甚至學業上跟唔跟得上.
如果跟唔上，可以名正言順地repeat。如果考到好嘅K, 咪用細B嘅身份再讀上去，大啲先考慮peat K2/K3。

sugar1redbean

其實好睇小朋友性格，內向怕羞建議一開始就做超大，唔好俾佢做細b，因為自信心一旦失去就好長時間先可建立返

Paris9898

sugar1redbean 發表於 21-11-29 16:16
其實好睇小朋友性格，內向怕羞建議一開始就做超大，唔好俾佢做細b，因為自信心一旦失去就好長時間先可建立 ...

好同意，小朋友最重要係自信，K1大細B能力爭好遠，有D仲要超大。做細B壓力真係好大