IB狀元人數倍增 梁卓偉回應75%醫科生經聯招入學承諾:講咗就.

Poyau

P1001S 發表於 21-8-12 18:45
咁又要睇定啲先，中大條數可能係講186/265。同舊年公報有少少唔同講埋HKU收咗幾多。唔駛急，好快有公報。
...

港大 今年收3名7科5**狀元
其中應該兩名讀醫
與中大收4名狀元讀醫佔67%脗合

https://hku.hk/press/c_news_detail_23115.html

優化版「明德學子」獎學金 鼓勵尖子擴闊思維

有13名在各學院中考獲最佳文憑試成績的考生將以「明德學子」的身份入讀港大，當中包括3名考獲七科5**的同學，他們分別入讀「理學士（計量金融）」和「內外全科醫學士」課程，其他的則入讀「理學士（測量學）」、「文學士」，和，「牙醫學士」、「理學士（言語及聽覺科學）」、「教育學士及社會科學學士」、「工學學士」、「法學士」、「科研專才啟導課程」、「法學士」及「社會科學學士（政治學與法學）」等課程。他們會獲得港幣十萬元或以上的「明德學子」獎學金作爲獎勵，並鼓勵他們繼續追求更大的成就。

73662710

P1001S 發表於 21-8-12 18:45
咁又要睇定啲先，中大條數可能係講186/265。同舊年公報有少少唔同講埋HKU收咗幾多。唔駛急，好快有公報。
...

大學聯招（JUPAS）今日（12日）放榜，兩大醫學院合共取錄321名文憑試（DSE）尖子，聯招收生人數連續2年下跌，較前年減15%；港大醫學院更只取錄135人，按年減少一成，僅佔學額51%，意味近半學額派予非聯招生；中大醫學院連續2年只取錄186名聯招生，聯招取錄率維持7成，仍較前年大減22%。


https://topick.hket.com/article/3031450/【JUPAS放榜】兩大醫學院取錄321名DSE生%E3%80%80港大取錄率51-低過承諾%E3%80%80料大學收更多IB生

P1001S

73662710 發表於 21-8-12 22:59
大學聯招（JUPAS）今日（12日）放榜，兩大醫學院合共取錄321名文憑試（DSE）尖子，聯招收生人數連續2年下 ...

DSE 人數，夠分人數，中大收到人數都和2020差唔多，就係MBBS從去年150人再跌到135人。

Poyau

73662710 發表於 21-8-12 22:59
大學聯招（JUPAS）今日（12日）放榜，兩大醫學院合共取錄321名文憑試（DSE）尖子，聯招收生人數連續2年下 ...

聯招取錄321人源自中大回覆查詢

https://m.mingpao.com/pns/港聞/article/20210813/s00002/1628793121779/港大醫科五成經聯招收生-未達75-承諾-4狀元中大讀醫-錄取186人-70-聯招

港大醫學院未發布收生數據。中大醫學院回覆查詢，稱今年有321名文憑試考生經聯招入讀醫科，186人揀中大。換言之，有135人揀港大。港大醫學院曾承諾75%學額經JUPAS取錄，惟自2018年聯招醫科生比例未超過六成，今年則為五成。

港大醫學院未有回覆

港大醫學院昨未有回覆查詢，院方去年稱「維持提供75%聯招學額予合資格考生」。大學亦可非聯招收生，考生持國際文憑（IB）、普通教育高級程度證書（GCE A-levels）成績申請。

jamhappybobo

其實唔明大家爭論什麼？只要政府宣佈容許非港人醫生免考試來港執業，仲有咁多人努力讀書考高分入兩間本地大學嗎？俾我就求其讀完中學，返大陸求其讀間醫學院，係大陸畢業真係有方法就做到，關係呀，錢呀，大家明既，攞咗個牌，黎香港公立醫院做醫生，轉頭出私家啦。

DSE 18分輕鬆入咗大陸暨南大學醫學院
https://www.thestandnews.com/society/專題非本地醫生-2-醫學生後悔中國讀醫-斥教學方式不足-憂放-唔叻-唔勤力-醫生來港

workingmom

jamhappybobo 發表於 21-8-14 07:49
其實唔明大家爭論什麼？只要政府宣佈容許非港人醫生免考試來港執業，仲有咁多人努力讀書考高分入兩間本地大 ...

你講得都好有道理,. 不過唔知政府幾時會修改條例呢??

小時了了

workingmom 發表於 21-8-14 10:13
你講得都好有道理,. 不過唔知政府幾時會修改條例呢??

你無睇新聞？現在進行式Present Continue Tense 喎，幾個月前 6月2日已交立法局，如無意外， 下個月9月立法局開後，排期一讀、二讀議員舉手就修改囉喎，快的話，明年立法局7月休會前就一、二讀通過完成修例啦

https://www.info.gov.hk/gia/general/202105/18/P2021051800388.htm
政府將向立法會提交《2021年醫生註冊（修訂）條例草案》（《條例草案》），以開闢新途徑，讓合資格且為香港永久性居民的非本地培訓醫生在香港執業。

　　《條例草案》訂明非本地培訓醫生須符合若干條件，方可在香港正式註冊。該等條件包括：

（一）申請人屬香港永久性居民；


（二）持有非本地醫學院頒授的認可醫學資格，並已在該等醫學院所在的任何地方取得醫生註冊資格；


（三）取得專科醫生資格後，在任何公營醫療機構（即醫院管理局（醫管局）、衞生署、香港大學和香港中文大學的醫學院）以特別註冊形式全職工作最少五年；以及


（四）獲僱主機構認為擔任醫生的五年（或以上）期間的服務屬令人滿意及稱職。

　　《條例草案》亦訂明設立一個法定的特別註冊委員會，以訂定非本地醫學院頒授的認可醫學資格名單，成員包括衞生署署長或其代表、醫管局行政總裁或其代表、香港醫務委員會（醫委會）主席、醫專主席、本地兩間醫學院院長，以及由行政長官委任的不多於四名成員（包括三名醫委會委員及一名其他人士）。

　　《條例草案》將於星期五（五月二十一日）刊憲，並於六月二日提交立法會審議。


　　市民可瀏覽食衞局的網頁（www.fhb.gov.hk/cn/press_and_publications/otherinfo/210500_amendments_mro/index.html）了解《條例草案》的詳情。
2021年5月18日（星期二）香港時間15時45分

DOCTORGG

小時了了 發表於 21-8-14 10:45
你無睇新聞？現在進行式Present Continue Tense 喎，幾個月前 6月2日已交立法局，如無意外， 下個月9月立 ...

請問包唔包埋牙醫？

小時了了

workingmom 發表於 21-8-14 10:13
你講得都好有道理,. 不過唔知政府幾時會修改條例呢??

係你先至不斷盲目鼓吹人哋只讀IB你口中嘅non jupas 非聯招捷徑考醫之路。

DSE 有國策大力推行你唔知，立法修條免試可以係香港可以做醫生你又唔知，你所講嘅以捷徑IB 非聯招non jupas 考香港医學院靠譜嗎？

如真係想揾捷徑讀醫後係香港做醫生，等立法修例後政府官方列出世界各地(當然包括中國內地)嘅大學免試可以係香港執業，到時無一百相信有幾十間世界各地大學免試

所以，我係你另一帖講，大湾区考DSE 係國策，用DSE 唔洗超高分/狀元成绩就可以免試入讀內地有辦嘅医學大學，如呢啲大學係政府嗰免試大學 list 内，呢條先比讀IB 更捷徑喇

你成日揾捷徑考医學院，做醫生，會醫死人的

小時了了

DOCTORGG 發表於 21-8-14 10:55
請問包唔包埋牙醫？

詳情，可以睇返立法會文件，我曾快速望過一眼，好似無提牙醫，我都唔肯定，請自行fact check 及睇準確哟

https://www.fhb.gov.hk/cn/press_and_publications/otherinfo/health.html & 《2021 年醫生註冊(修訂)條例草案》www.fhb.gov.hk/cn/press_and_publications/otherinfo/210500_amendments_mro/index.html 立法會參考資料摘要 (fhb.gov.hk)  https://www.fhb.gov.hk/download/press_and_publications/otherinfo/210500_amendments_mro/c_legco_brief.pdf (立法會文件編號 檔案編號： F H C R 1 / F / 3 2 6 1 / 9 2  立法會參考資料摘要 《醫生註冊條例》《2021 年醫生註冊(修訂)條例草案》)

小時了了

workingmom 發表於 21-8-14 11:37
其實所謂捷徑都係正當合法,  獲得承認或者甚至推崇的途徑。  比方說, 用ib成績考醫學院 。
其實每年經由ib入醫學院嘅學生都好多 , 醫學院都好滿意佢哋嘅表現。我希望你唔好再喺度 中傷嗰啲學生, 說會醫死人, 咁樣講嘢我認為係危言聳聽, 唯恐天下不亂！！
梁卓偉院長都有講佢哋係擇優而錄的, 所以只要能夠獲取醫學院的取錄就是優等生！ 就唔會出現你所謂嘅醫死人嘅情況！！
請不要繼續在此中傷嗰啲經由非主流學制進入醫學院嘅學生

首先，我绝對係 IB 課程粉絲，我從無中傷以non jupas 入医學院學生

其次，我心裏執着及不舒服的只係"捷徑"二字心態考医，因我個人價值觀認為考医、行医非常有使命感"救急扶危"委身嘅職業，並唔係是是旦旦得過且過打份工，医生&護士绝對令人尊敬嘅行業。所以，若以"捷徑"心態入医呢行令我不是味道，可能我太天真及執着

医生，医死人，我意思係修例後，唔知會有幾多参差不齊嘅免試医生可以係香港執業行医

b3410

小時了了 發表於 21-8-14 11:59
首先，我绝對係 IB 課程粉絲，我從無中傷以non jupas 入医學院學生

其次，我心裏執着及不舒服的只係"捷徑 ...

唔需要介意佢惡意挑撥。日日諗捷徑，已經可以知道人品如何。

chickchick

workingmom 發表於 21-8-14 11:37
其實所謂捷徑都係正當合法,  獲得承認或者甚至推崇的途徑。  比方說, 用ib成績考醫學院 。
其實每年經由ib ...

我唔理你係曲好直好，亦唔理係咪正路定捷徑喇。
切入返去收生門監之一，即係interview。點解無人講下？

咩學制都要去interview嘅, 明顯2間分別係行MMI 和 2對1嘅面談。
MMI 6站，5英1中, 每站俾你答2分鐘就丁你去下站。咁講，邊一d人比較表現好些（純粹講語文，唔講內容）,容易留下好印象？留過學，多presentation，讀IS，都係係“速度上佔優”. 咁同樣2分鐘，講多50%-100％內容（唔講內容質素）都仲得。
廣東話，人人都要考呢站，無咩唔公平。
內容完全講hk medical system+news， dse讀咁多年通識有壓倒性優勢㗎！

dse生唔係好多人會瞓身去prepare MMI或medic interview，（如果佢地唔考外國醫科）,連bmat/ucat都唔知係咩，咁佢地係會少咗好多有關medical ethics 4 pillars同 ethical dilemma 嘅了解，唔係點會d人話“改咗MMI就多咗變數”？咁唔俾effort去prepare就更係多變多炒多唔如意，揀CU就直接大信心好多。 nonjupas生係多幾手準備，會考bmat/ucat或者prepare medic interview，MMI答嘅內容好d平均d都唔奇，你估真係唸口黃咩都話“do no harm"就過到骨。

正正係dse嘅Jupas以分為王嘅庇蔭下，dse生唔多活躍去早早計劃準備考醫讀醫嘅思維，有時唔係高分入到就讀得掂。而家仲係講35嘅做咩唔俾讀，憑咩話我唔適合讀？係喇，正是這點。如果學生在CV有好些有關嘅經歷，例如社區兒童老人殘障人士義工服務，發表下參加下有關社會議題嘅徵文比賽，再考下ucat拎個super score返來，35分可能格外開恩。

與其消極話唔公平，去鬥氣，倒不如各人自己爭氣。

chingyu

有實力嘅人，全世界都可以搵飯食。冇實力嘅人，就會踩低別人抬高自己。
總之一分耕耘一分收穫。
你付出100分努力，人家可能付出200分丶300分。
與其花時間搞亂別人又冇貢獻，害己害人，
何不想想怎樣增值自己和下一代呢？
除了學術方面，人品更為重要。
種善因得善果，正向思維吧！
人生匆匆，若不釋懷，只會令自己永遠都唔開心。

ANChan59

chickchick 發表於 21-8-14 15:53
我唔理你係曲好直好，亦唔理係咪正路定捷徑喇。
切入返去收生門監之一，即係interview。點解無人講下？

我同意之至。

阿仔當年想讀醫，我第一樣就係要佢去試吓shadowing，要見吓血－open surgery, 科技－MIS, 悲傷－-certified death，人性-見吓專科門診的病人，好多都教醫生斷症及開藥的場面，唔好講On call，之後先同我講係唔係去馬！

病人死在手術床上的冲擊最大，個副教授之後帶佢去Starbucks，輔導佢一陣，轉頭 就whats next ！一開始他都覺得惡頂，但之後就適應到！

他因為shadowing，他識幾個醫科教授，提醒佢留意medical ethics，到HKU面試時，另外有個教授考完ethics，問佢係咪睇過份文件(在網上有)，佢答係。

讀醫唔係只講學制及分數，事前準備，心理質素及心志！

他最後唔夠分，只可以讀次神科，讀得普通，但專業方面發展得好好，我點都收貨。

Radiomama

照咁睇，醫學院在收生問題上，並無優待本土DSE, 反而更覺收得好緊，就算學額存在也不願意放鬆一分，讓更多DSE學生進入讀醫科。
相反，對IBDP/A level，甚至其他經non jupas 的學生就手鬆？
如果真係事實，代表什麼？
後輩幾年前入醫學院，是拔尖形式，中學last year 開學後收call, 轉到大學讀。你可以説他連最後的公開試也不用考就行「捷徑」入大學，但小朋友在其整個中學階段其實是keep住表現良好，才得此機會的。

chickchick

Radiomama 發表於 21-8-15 15:44
照咁睇，醫學院在收生問題上，並無優待本土DSE, 反而更覺收得好緊，就算學額存在也不願意放鬆一分，讓更多D ...

竟然係呢度見到radiomama你，真係高興！你係我心中覺得持平有見地嘅家長之一。
你講中的是『努力keep到好成績』這個重點。我哋好多人都有講，不過好多人會唔理性去看。不過你說的: 『 如果真係事實，代表什麼？』你的看法是怎樣,可以講多些嗎?


拔尖都要先努力，令自己"出人頭地",先有得被拔。

機會永遠留比有準備嘅人. 唔係下下靠公開試最後個幾個月去衝。

chingyu

chickchick 發表於 21-8-15 17:30
竟然係呢度見到radiomama你，真係高興！你係我心中覺得持平有見地嘅家長之一。
你講中的是『努力keep到好成 ...

非常同意

IBDP 2020 突然不用考試, 只有部份考生有齊兩邊offer , 仲要係 unconditional offer .  

唔係一路咁多準備，咁好表現，邊有機會呢？