移民前小朋友喺香港的教育

Melody.in.V

我地預計小朋友讀完小學移居. 而家讀緊中文程度高的國際學校, 大部份同學係講英語的華人.

本來諗住移居前學多d中文, 但發覺文化始終比較本地, 怕將來難真正融入外國.

而且我見喺英國同加拿大讀書的朋友, 如果生活文化唔夠西化, 大學畢業後多數回港. 咁其實即係未能喺外國落地生根, 又返回起點.

所以考慮緊轉唔轉去主要係西方人讀的國際學校, 但短處係中文只會識基本聽講讀寫.

mandy_ng207

Melody.in.V 發表於 20-6-18 10:01
我地預計小朋友讀完小學移居. 而家讀緊中文程度高的國際學校, 大部份同學係講英語的華人.本來諗住移居前學 ...

識基本已經好好！如果已有外國國籍，根本不需諗回流。如果同中文有緣，去到識咗外籍華人，彼此中文都不會太差的。我在倫敦租Airbnb時，屋主是一對已定居英國十年的華人情侶，是中國/馬來西亞移民，他們的英語/普通話都是native 的，平日雙方係用普通話溝通。
不過在香港的日子也要努力學中文，如何叫一個「西化」的小孩努力學中文才是最困難！

Melody.in.V

回覆 mandy_ng207 的帖子

你意思唔需要回流外國? 我地決定左過去la. 免得移民問題跨三四代冇解決, 又回到起點.

mandy_ng207

Melody.in.V 發表於 20-6-18 10:54
回覆 mandy_ng207 的帖子

你意思唔需要回流外國? 我地決定左過去la. 免得移民問題跨三四代冇解決, 又回到 ...

我意思係定居外國，無需回流香港。之前訊息可能令你誤會，唔好意思。

Melody.in.V

回覆 mandy_ng207 的帖子

唔緊要唔緊要 :)

Osiana

Melody.in.V 發表於 20-6-18 10:01
我地預計小朋友讀完小學移居. 而家讀緊中文程度高的國際學校, 大部份同學係講英語的華人.本來諗住移居前學 ...

正所謂“賣仔莫摸頭”.  如果將會小朋友係唸住係外國生活工作，佢嘅朋友、同事會係當地人（外國人），公司係當地公司，所以，佢必須有一個係當地的思想模式生活模式令佢可以溶入當地社會及工作。  好多人回流香港，有因為英文唔夠Native, 又見過有d 自細係當地長大，主要係華人社區生活，根本唔可以係當地生活， 成日話d "鬼佬"呢樣唔好，嗰樣唔好，無乜外國朋友，明顯係唔能夠溶入當地社會。
如果，你思前顧後，唸住要讀好中文，將來又未必要用好多中文，咁學咗嘅都會流失。 我自己覺得，小朋友覺中文係同父母親人溝通為最重要考慮。  第二，中文依家唔學，將會比較花時間，所以，依家要有一個基礎，係可以用於日常生活。 但係學得點樣叫做好叫做夠，因人而異。

我唸個重點係，依家係香港接受教育如何銜接外國的課程及生活，而唔係中文。

況且，將來香港仲值唔值得回流係一個未知數。

Melody.in.V

回覆 Osiana 的帖子

「如果將會小朋友係唸住係外國生活工作，佢嘅朋友、同事會係當地人（外國人），公司係當地公司」
yes, 這是我目標. 所以考慮轉讀多西人同學的學校.

gingercatcat

Melody.in.V 發表於 20-6-18 18:22
回覆 Osiana 的帖子

「如果將會小朋友係唸住係外國生活工作，佢嘅朋友、同事會係當地人（外國人），公司係 ...

我就是有你的想法，所以最後選擇了一間好少華人的國際學校。

Melody.in.V

回覆 gingercatcat 的帖子

本來都唔肯定會移居...

Osiana

gingercatcat 發表於 20-6-18 18:30
我就是有你的想法，所以最後選擇了一間好少華人的國際學校。

係呀，見到好多人好矛盾，最後兩頭唔到岸。
講真，依家世界變，將會做乜工作都唔知，唔係再係做醫生律師呢d 唸法。  

剛剛加州大學、哈佛大學都宣佈唔睇SAT, ACT 成績，要考慮全人發展。 跟住會有好多大學跟隨。 所以，小朋友最重要的是展現自己優點，唔係只識讀書。

ykydg

回覆 gingercatcat 的帖子

請問邊間少華人？

lovebb2

Melody.in.V 發表於 20-6-18 10:01
我地預計小朋友讀完小學移居. 而家讀緊中文程度高的國際學校, 大部份同學係講英語的華人.本來諗住移居前學 ...

小朋友 現在未識嘢，已要幫他/她 決定將來 在那裡生活，真不容易。

Melody.in.V

回覆 lovebb2 的帖子

其實係全家一齊去另一個地方生活je

Jenjanjan

其實你計劃讀完小學就移民，小朋友要融入當地文化絕對唔難。將來會唔會回流係有好多其他考慮，很大考慮是工作機會和家人。而且今時今日就算你去到外國，中國人圈子都很大，外國大學，大公司 比起我當年都多了非常多中國人，所以很難説將來會點。

現在既然人在香港，學多點中文也有用的。

Osiana

ykydg 發表於 20-6-19 07:19
回覆 gingercatcat 的帖子

請問邊間少華人？

都有好幾間，不過唔就腳。

SISian

回覆 ykydg 的帖子

如果估計大約15%香港人有外國護照，用教育署刊登嘅數字local student 15%以下學校,咁樣加起來小過1/3係本地人，其實所餘無幾

964000

SISian 發表於 20-6-19 09:36
回覆 ykydg 的帖子

如果估計大約15%香港人有外國護照，用教育署刊登嘅數字local student 15%以下學校,咁樣 ...

其實去到中學, 就算多外國人的IS, 好多外國人都已經陸續回國，如果想接觸外國文化，由幼小開始會比較多機會，而且性格文化是自少形成的。
我小朋友轉了去多外國人的IS後，我才知道原來「點指兵兵」，「小明小明小小明」呢D都有外國版本的。
我自己都從學校學了許多，原來俄羅斯的聖誕節是在一月的，歐洲傳統也有玩燈籠的節日，他們幼稚園時會成班同學老師一起晚上拿着燈籠去遊花園，大個就不會有這些節目了。
不用擔心小朋友會「太西化」，其實小朋友始終受屋企影響最大，只要家長有花時間和小朋友「生活」和分享經驗，個底都係好local的。

964000

Melody.in.V 發表於 20-6-18 10:01
我地預計小朋友讀完小學移居. 而家讀緊中文程度高的國際學校, 大部份同學係講英語的華人.本來諗住移居前學 ...

Your concern is very valid, 不過有時是priority 問題，又想多中文，一多中文就一定local/中國人多，就算CIS都是。又想成績好（local/中國人多），又想接觸多些外國文化，又驚長大會太”wild” etc
於是很多人就有選擇困難症，我自己覺得，如果決定唔到邊様重要些，就揀自己補到的就自己補，自己補唔到的就靠學校。

Melody.in.V

回覆 964000 的帖子

成績係我暫時最少顧及的一環, 因為小朋友年紀尚小. 而且小學後一定去外國, 到時住好的區就可以入到幾好的學校.我又唔怕小朋友好會變wild, 因為睇佢性格係斯文保守type.
而家唯二concern就係半放棄中文, 同埋上年搬完屋下年又搬lor

gingercatcat

ykydg 發表於 20-6-19 07:19
回覆 gingercatcat 的帖子

請問邊間少華人？

Kellett school