本帖最後由 Makmak9213 於 20-11-23 19:44 編輯
回覆 QQ0202 的帖子
(澳運蔚思Sophie用家)一講到呢間幼稚園就嬲嬲地。最初因為方便而且校舍新及大,面試時老師好親切,而校監/校長(同一人)是保良局的總理,如想入保良局XXX小學的家長,佢都會幫手寫推薦信,最後選了這學校比小朋友讀。但是否選這間學校讀,真係睇睇家長想要啲乜嘢。在這兒的分享下
學校經常轉老師:我小朋友喺呢度讀,班主任每年都會轉幾個人,眼見每級的老師經常轉。K1中文老師中途轉,最離譜係K2中英文班主任都各轉了一次,即轉了4次老師,K3英文老師中途又再轉。我小朋友升上去,每次唔見老師一排就知道又轉老師。好彩大部份老師都係好有愛心,但經常轉老師
一定有影響學生。學校一定有些內部問題才會經常換老師。
K2升K3課程距離大:其實預咗學校教得會比較深,教得新不是問題題,但兩個年級的課程內容相距太大,小朋友和家長們都追得好辛苦。
行政非常混亂:尤其這時段更加突顯混亂。復活節前已經通知會於復活節及暑假補課,家長表達擔心未能復課,但學校強推補課,為的是要家長們交學費。一張補課通告,更改了幾次。詢問老師有關內容,他們都說也是剛剛與家長同步收到通告。唔知中層(全學校得一個主任)點同老師溝通,而且全校得一個主任,唔難想像佢太多野做跟本做唔到野。
錢字行頭:停課期間,老師打電話來十居奇九是追交學費丶下年度的留位費。連茶點費及校車也要照收全費。家長不斷反映,最後學費才-25%,其他雜費一律照收。感覺上學校一直向錢看,明白私校因為學校流失經營有困難
,家長都可能有壓力,大家只係希望有雙方願意嘅方案解決問題,但學校一直唔願意或好耐之後才聆聽。
不顧及小朋友健康:這期間有很多家長都帶小朋友回去上課,因為有上zoom,見到有很多小朋友穿上校服在學校裏上zoom,家長們私下聯絡,才發現雖說是托兒服務,但後來學校出咗上課時間表給回來的學生。有家長打電話回校詢問為何復課似的,主任竟然說學校是開放的,只是他沒有帶小朋友回校。主任態度勁差,家長話是擔心那麼細年紀的小朋友回校容易感染,及跟從教育署指引沒帶小朋友回來,主任這樣說完全不顧及小朋友健康,最後追我們簽9月份留位費及自動轉賬戶口的通告,又係錢。
廁所坐板破爛:有廁所坐板已破爛左好幾年,唔會點解咁耐都唔換,一係用膠紙封住就算,有時返學放學多小朋友去廁所,佢哋話都要坐係冇廁板的坐廁去廁所。
外藉班主任於課堂時間離開學生:有家長朋友兒子讀蔚思Sophie,學校有個叫SSIT課程比10個月至2歲的小朋友,那家長報咗名同佢年幼的兒子上課,點知係大兒子的班主任任教這SSIT課程,而且還有其他外藉老師。這SSIT一堂上1:15分鐘,當中加埋課前課後準備的時間,即班主任離開了差不多1.5小時,那麼幼稚園班房的學生如何有外藉老師陪同上課?其中因為英粵班主任才讀這校,若班老師經常於課堂時間離開學生任教其他班
,為何仍要比成$6xxx/月的學費?對班的學生又負責嗎?而課室的情況會如何?
校長/校監長期不在學校:說實,若你想試吓請校監寫推薦信,你可以試吓選擇這學校,但值唔值得自行決定。其實有好多家長都好不滿學校嘅行政,及覺得需要校監幫忙所以唔願意出聲。好嘅學校唔止一間,比得呢一個價錢嘅學費
,還有好更多好選擇
。而且,係呢度N、K1面試嘅學生基本上學校都會收。有面試嘅家長話佢既小朋友面試嘅時候一直喊哭,抱住媽咪唔肯落地
,老師問嘅問題叫佢做嘅嘢完全冇做過,面試完畢喺門口等消息,收到通知話會收佢,還叫他們可以即時俾留位費
。那家長都覺得自己小朋友表現很差,點都冇理由會收,
最後都冇選擇這間學校。
說實好似因為多一個學生多一份錢,係咪都照收。
小朋友喺度讀書其實係開心嘅,因為學校老師都好好,但一年轉咁多個老師,唔代表你次次都咁好彩有好老師會出現。
而且學校行政一定有問題,每年都留唔到老師,流失率勁大,
每年都有起碼一半老師會離開,不知道新學年有幾多老師會留下來。說實若老師是因為做得唔開心而走,留係到或係到做緊時都唔會有心機對小朋友。
|