只得四年學費預算，讀中學好還是留翻讀大學

annie40

每個家庭都有自己的選擇，甚麼是捱世界，只有捱過世界的人才會明白。個人經驗是世上最美味的食物，就是當個人精神上和肉體上的能量指數近乎零或者是負數時，全身官能細胞為求生存而盡力爭札放大吸收力，這時喝上一囗水，感應細胞可以深澈清淅的體會水的真實味道，最普遍的水就是甘泉，平凡的蘋果，就是世上最美好的食物。

幸福是一種味道，如果孩子擁有敏銳的味覺，身邊的幸福人，幸福事，便俯拾皆是了。

辛苦過頭，可能會猝死？講得對，真的有機會猝死的。但經常又見嘆嘆下，又或開開心心狂打機的年輕人都照樣猝死喎，所以好鬼驚又或唔識驚（如我之流）的潛在風險，也是旗鼓相當，在無乜大事發生前，我就繼續QQ地生活下去吧！

小女剛從英國工作回來，現正在北京工作，一如往常的唔多理我，問了句：還好嗎？回復是：天高氣爽，環境很美。工餘時追看「明朝那些事兒」，幾個月後再往英美工作。我想幸福就是一種感覺，培養孩子耳聰目明，有強大正能量觸角，日子還是很如意吧！

esmehouse

應該好多同路人，香港依幾個月攪到咁好多家長都會可以的話就早些送小朋友去外國讀書，係辛苦架，但冇辦法啦

甜思思

小時了了 發表於 19-11-7 16:47
原來, 自己 not alone!!! 有網友同我同行、同感受、同想法
依家頭痕緊簽證嘅財力證明, 如果籌唔 ...

請問財政証明要多少架？

小時了了

甜思思 發表於 19-12-1 14:22
請問財政証明要多少架？

每個國家唔同的，要去返你想知嘅國家做簽證部門揾吓相關資料加拿大proof of finance support
https://www.canada.ca/en/immigration-refugees-citizenship/services/study-canada/study-permit/prepare/get-documents.html

甜思思

小時了了 發表於 19-12-1 14:51
每個國家唔同的，要去返你想知嘅國家做簽證部門揾吓相關資料加拿大proof of finance support
https://www. ...

我都係打算俾阿女去加拿大讀，但裡面冇確實寫要幾多？

小時了了

甜思思 發表於 19-12-1 15:01
我都係打算俾阿女去加拿大讀，但裡面冇確實寫要幾多？

確實幾錢你要自己計: 係根據你讀啲學校學費另加簽証要求的額外buffer 金錢。
加拿大私立中學與公立中學嘅學费已經最少相差加幣1至3丶4萬以上。如果加拿大大學費又貴過中學學费。所以，簽證財力證明唔係劃一寫 eg~40萬，反而係寫學費另加簽證所需嘅buffer 錢

甜思思

小時了了 發表於 19-12-1 15:18
確實幾錢你要自己計: 係根據你讀啲學校學費另加簽証要求的額外buffer 金錢。
加拿大私立中學與公立中學嘅 ...

唔該哂你

小時了了

甜思思 發表於 19-12-1 16:15
唔該哂你

幫我依家攪加拿大升學 Agent 講，交咗學費後+ homestay 費用後(~14萬港幣)， 銀行定期/活期etc要留~20 萬港幣作為申請 visa 嘅財力證明(我係報公立學校)

但有網友提我要$40萬作為財力證明

當然，越多越好

rainbowbb

我冇你咁多budget ，一邊儲錢一邊交學費

annie40

回覆 esmehouse 的帖子

似乎已經開始走難潮了。
祝願大家的孩子都平平安安，安安平平。

Anniemun

小時了了 發表於 19-12-1 21:34
幫我依家攪加拿大升學 Agent 講，交咗學費後+ homestay 費用後(~14萬港幣)， 銀行定期/活期etc要留~20 萬 ...

請問是否已決定比個女去加拿大升學?

小時了了

Anniemun 發表於 19-12-2 08:23
請問是否已決定比個女去加拿大升學?

是否已決定比個女去加拿大升學.....

嗯! 只可以咁講, 經過我幾年來 "海外中學留學" 資料搜集英國、愛爾蘭、紐西蘭、日本、新加坡及加拿大呢6個國家嘅中學, 最後阿女 "強烈內心呼喚" 都係好想加拿大 (而我理性考量係想阿女去新加坡、愛爾蘭、紐西蘭呢3個國家是旦一國)

我唔知 EK 網友大家會唔會最後決定去邊個國家係俾仔女自己決定? 因為我個人想法係日後將來前路係仔女自己行而唔係我, 我唔想日後阿女怨恨我做咩要佢去XX國家留學但係佢最想去加拿大令到佢依家咁咁咁........

而今次加拿大, 我依家只係報咗唯一一間基督教公立中學, 以我個人性格及做事方式, 一直以來有 Plan B - Plan Z, 反而呢次我自己認為非常之影響阿女將來好大機會係邊個國家落地生根佢可能移民嘅地方, 今次我無申請 Plan B - Plan Z 嘅其他加拿大中學 (雖然我亦一早 資料搜集, 心中亦有Plan B - Plan Z中學名單). 今次, 我真係好想自己放下自己完全由主帶領, 俾我清楚知道加拿大係主為阿女預備而唔係我個人屬世理性決定去XX國家. 呢間唯一一間基督教公立中學如果最後收阿女. 我見呢間學校 FB 相非常非常少亞洲面孔學生, 而香港留學生純我估係無, 如果真係有相信都係小貓幾個而已, 因為呢間 school board 無香港 agent 代理. 而加拿大簽證嘅財力證明過關學生簽證成功批出 (呢個對我哋家庭來講係一個嚴峻嘅難關), 阿女加拿大升學才算係成功及最後決定

esmehouse

annie40 發表於 19-12-1 23:16
回覆 esmehouse 的帖子

似乎已經開始走難潮了。

係架，好多朋友都諗住大學才去，現在好多都提早了，硬住頭皮都要供佢地

longlokma

小時了了 發表於 19-12-2 09:05
是否已決定比個女去加拿大升學.....

嗯! 只可以咁講, 經過我幾年來 "海外中學留學" 資料搜集英國、愛爾蘭 ...

為什麼選擇加拿大? 我身邊的朋友選擇英國較多

小時了了

longlokma 發表於 19-12-2 10:53
為什麼選擇加拿大? 我身邊的朋友選擇英國較多

嗯! 天曉得阿女為何有呢個 "內心呼喚"!

mcl203

esmehouse 發表於 19-12-2 10:03
係架，好多朋友都諗住大學才去，現在好多都提早了，硬住頭皮都要供佢地  ...

真係多咗唔少家長/學生選擇急急轉灣～～～

小時了了

esmehouse 發表於 19-12-2 10:03
係架，好多朋友都諗住大學才去，現在好多都提早了，硬住頭皮都要供佢地  ...

唉! 硬住頭皮、肚皮頂硬上.

我同阿女講過幾次, 阿媽好勉強只能提供1個位嘅救生艇, 呢個救生艇只救中學全部費用及大學學費, 大學生活費要佢自己做 partime 自己幫手攪掂.

阿女都講過幾次如果將來佢成功移到民, 佢會接埋我及C6過去!! 呢樣野我從無想過及無講過我及C6會藉住佢移民嘅, 我及C6一直以來諗住只可以係香港終老, 而我亦從無想過阿女14歲人仔會咁諗及講呢啲說話, 眼眶內嘅淚水都唔知開心定心傷

bbba05

小時了了 發表於 19-12-2 12:02
唉! 硬住頭皮、肚皮頂硬上.

我同阿女講過幾次, 阿媽好勉強只能提供1個位嘅救生艇, 呢個救生艇只救中學全 ...

當然開心啦，阿女咁生性。

放心啦，將一切交托神，神會給妳最好的預備！

^O^

TTEE1819 發表於 19-11-3 16:46
本帖最後由 TTEE1819 於 19-11-3 16:47 編輯

我會選擇「3」，既然已經讀緊中5，離考DSE的日期，仲有一 ...

如果在香港讀完4年U，再去外國讀Master又如何呢？對在外國搵工有幫助嗎？

小時了了

^O^ 發表於 19-12-2 13:46
如果在香港讀完4年U，再去外國讀Master又如何呢？對在外國搵工有幫助嗎？

我家姐女, 佢係香港讀中學, 台灣讀4年大學, 英國讀1年 Master後即刻係英國搵到工.

P.S. 佢係澳門人持有葡國護照 (歐盟護照), 所以佢 working visa 唔洗好似我哋特區護照最少年薪要好似3萬英磅, 所以佢易搵到工及薪金低嘅都可以留係英國?!