求高人指點： 數學科好多唔小心， 有咩方法訓練？

Jane1983

回覆 little_yolky 的帖子

所以你要搭番你C6呢種平和敦厚型的老公，家庭先得以平衡。
睇到人的缺點無問題，幫佢改善就得，亦唔應該影響你欣賞佢的優點。

little_yolky

Jane1983 發表於 19-10-25 09:08
回覆 little_yolky 的帖子

所以你要搭番你C6呢種平和敦厚型的老公，家庭先得以平衡。

我睇唔到優點的，除非佢完全無缺點。

Elenalan

我大膽咁講, 唔小心/眼殘唔係能力上問題, 係去到心理層面o既問題。當唔小心/眼殘已成為習慣, 連當事人都認命覺得冇可能改變呢個「事實」, 根本已經冇哂信心去扭轉情況, 呢個時候, 家長再去鬧和懲罰只會得到反效果。

要令當事人徹底改變現況, 家長係要令佢覺得有信心可以改變, 話佢知佢本來係可以好小心, 只要用o岩方法, 而呢個方法一直存在, 而且佢完全可以掌握毫無難度。

sunnymama2

little_yolky 發表於 19-10-25 10:06
我睇唔到優點的，除非佢完全無缺點。

我以前都好似你咁，其實咁樣好辛苦ga

Elenalan

con't

首先, 做野要有步驟, 每個步驟都有關係, step 1係幫助/提醒你去做好step 2, skip步驟或隨意改步驟次序會令成件事出亂子, 要用額外時間去執生。

所以平時做功課, 我叫呀女"自定"好一個步驟, 每次都要follow, 就會少左好多寫漏/ 抄漏情況。("自定"好重要, 因為佢會認真思考過、會消化, 如果叫佢跟我果套, 佢唔會記得)。

我同佢講, 你每朝起身未瞓醒, 你會唔會刷牙唔記得jit牙膏? 唔記得洗面? 出門返學先發現仲著緊睡衣唔記得換校服? 晨早起床狀態唔夠清醒, 你都唔會做漏野, 因為你每朝都follow一個既定步驟。然後佢就駁嘴, 話呢d同做數學無關係, 佢唔相信我講o既野 (佢性格係好固執, 但說服到佢, 佢就好有決心去做)。

我做左個實驗令佢信服, 就係搵一個早上, 起身後叫佢直接換校服, 然後佢就自己食早餐, 跟住揹書包出門口....到佢著鞋時, 佢先醒起, 佢原來未刷牙洗面。於是佢終於明白步驟係幾咁重要。

little_yolky

sunnymama2 發表於 19-10-25 12:22
我以前都好似你咁，其實咁樣好辛苦ga

係架，以前習慣咗就唔覺。不過呢幾年上EK，同網友傾下講下，就好咗D。可能年紀大咗掛。不過JM們成日可以好似身歷其境咁提出屋企三寶既優點，我都覺得嘆為觀止

sunnymama2

IloveJJ 發表於 19-10-25 12:04
我就唔會專登搵野讚，我唔係讚賞派  我係黑白分明派，好就讚，唔好就鬧。
...

學Elenalan 媽咁，揾野讚囉。之前連痾屎都讚，而家肯快快手做功課都讚。

我覺得有效，之前默書，默極都唔識，我會話佢點解咁冇記性ga，跟住佢會即刻起哂鋼!

而家改變左我態度，佢亦counter-offer, 咁效果好左。我同佢講你尊重我時我亦會尊重你，大家都係求合作愉快啫!

Elenalan

con't

我就再同佢舉實例, 佢以前成日寫漏日期, 做數學簿又成日抄錯題目(題目1變題目2, 或2條混算題目combined), 原因係佢鍾意「拆件式」咁抄, 先用間尺間哂線, 再寫哂題號, 再寫哂所有橫式...佢覺得呢個係佢個步驟。我話你個次序令到每個steps都冇關係, 所以抄寫過程出錯都sense唔到。一定要完成一題, 先再抄和計下一題。

做每一題, 每個步驟係有意義, 亦對下個步驟有影響。我哦左佢成年, 到佢上年最後一次考試真係低分, 佢先知衰, 然後用暑假時間, 重新制度步驟去做練習。

Elenalan

Con't

因為數學科低分, 佢已經覺得冇可能突破8字頭宿命, 亦擔心自己升小二時冇得入最高組別 (佢學校堂課係分3個程度, 最高組別只有4人), 因為大把同學9x分。

我大膽同佢講, 你覺得你錯o既係唔識o既咩, 老師讚過你數感好, 最深o既題目你識做。你一定會入到最高組別, 因為分組係睇能力, 唔係睇分數, 分數只係反映係犯錯位, 唔係反映能力。

(呢段之前分享過, 我係從來唔會discourage小朋友, 我係無論如何都support到底, 即使我偶爾順口開河。一個人有自信係好重要, 有自信先有鬥心, 先會進步。追求進步/卓越絕不是因為逃避懲罰, 而係覺得自己「我可以更好」。)

Elenalan

Con't

好喇上面有人分享「做多d」、「錯一罰十」o既方法。我o既方法剛好相反。不過唔知是否每個細路o岩用。呢個方法亦係我以前做補習老師時用過, 大部份都好work。

我女拎本數學補充出來, 已經覺得自己最多只會做對7-8成。
於是我同佢分析, 一份mock exam paper有40題 (學校考試都係咁上下數量), 你錯8題, 你就只有80分。, 如你只做20題, 即係你唔錯多過4題, 係就肯定有80分, 唔多過2題就有90。你做10題, 只錯一題, 你就一定有90分。

所以, 你想有90分, 你試下每次只做十題先, 俾心機去做(留意跟足步驟), 你好大機會拎到90分。

於是, 佢第一次只做10題, 好努力之下佢拎到90分, 勁開心。
佢話, 媽媽, 我試下做多d, 睇下係咪真係繼續都有9字頭。
我話唔好, 你呢個星期先每日做10題, 目標係做到全對, 100分, 連續3次100分, 就可以升level, 做20題。

如此類推, 佢幾星期後, 已經可以一次過做40題, keep到90%分以上。
當佢試過一次8x分, 我又叫佢去番20題呢個level, 做到100分, 先升level。
有種不服輸o既心態, 佢會對自己有要求, 因為佢拎過100分, 有成功經驗, 想keep住做40題呢個level。

sunnymama2

Elenalan 發表於 19-10-25 12:48
Con't

好喇上面有人分享「做多d」、「錯一罰十」o既方法。我o既方法剛好相反。不過唔知是否每個細路o岩用 ...

你呢個case 好鼓舞，但唔係個個都apply 到，特別係對自己冇要求的人，好似我仔，送lego 俾佢，佢連續兩次默書100分（佢默書100分唔易ga, 佢有少少讀寫障礙，）但今日英文默書，佢就同我講可唔可以唔攞100分。

你套讚美論，我用緊喺阿仔身上，暫時效果幾好。

MrBeast

little_yolky 發表於 19-10-25 10:06
我睇唔到優點的，除非佢完全無缺點。

love is blind

MrBeast

little_yolky 發表於 19-10-25 12:27
係架，以前習慣咗就唔覺。不過呢幾年上EK，同網友傾下講下，就好咗D。可能年紀大咗掛。不過JM們成日可以好 ...

旁觀者清

Elenalan

sunnymama2 發表於 19-10-25 12:28
學Elenalan 媽咁，揾野讚囉。之前連痾屎都讚，而家肯快快手做功課都讚。

我覺得有效，之前默書，默極都唔 ...

唔合作o既小朋友, 好多時係冇乜同理心, 只係活在自己世界, 做自己想做o既野。當家長覺得小朋友冇同理心時, 其實小朋友都覺得家長冇同理心, 唔俾佢做佢想做o既野。

而適當地讚賞小朋友, 就忽然有計傾, 佢會覺得你欣賞佢, 你會留意佢、聽佢講, 會覺得你對佢有「同理心」, 於是佢都會對你有「同理心」, 會願意配合, 合作愉快。

唔係個個小朋友都受嚴師果套, 有d小朋友天生就服從性強, 容易明白事理, 可以以理服佢。

有d小朋友, 係感受行先, 覺得你愛佢, 佢願意愛你, 而聽你講道理, 但並不代表佢唔願聽道理, 只係佢需要一個有被愛有安全感o既環境, 佢先聽你講。

sunnymama2

Elenalan 發表於 19-10-25 13:41
唔合作o既小朋友, 好多時係冇乜同理心, 只係活在自己世界, 做自己想做o既野。當家長覺得小朋友冇同理心時, ...

Bingo!

你真係講中好多阿仔的性格!  

Elenalan

分享一下覆卷技巧:

唔小心o既小朋友, 即使有時間覆卷都可以睇唔到出錯, 亦可能睇漏頁數。我最初教呀女份覆卷時由尾果題睇番上第一題, 目的係「洗」走之前做卷時o既記憶pattern, 可以有個fresh brain重新睇多次有冇計錯。
後來呀女自己發現, 原來覆卷時即使由尾睇番上頭, 佢都有機會睇漏頁數, skip左一d冇check。於是, 佢話佢發明左一個「波浪式」覆卷方法, 話一定唔會睇漏。就係由尾果頁底部睇上頁頂, 下一頁就由頁頁頂到頁底, 再下一頁又由底睇到頂...如此類推, 佢話follow住呢個波浪pattern, 佢會好留意佢有冇跟甩左, 就唔會睇漏某d頁數。

呢個方法係剛過去數測後佢分享俾我知, 話仲好過我教佢o既方法!

其實, 佢覺得佢個方法有效, 唔係因為方法本身, 而係因為個方法係佢自己參透出來, 經過佢思考。人要了解自己弱點, 先可以諗方法去改善。

cylau2

Elenalan 發表於 19-10-25 12:01
我大膽咁講, 唔小心/眼殘唔係能力上問題, 係去到心理層面o既問題。當唔小心/眼殘已成為習慣, 連當事人都認 ...

感謝一連串嘅分享，獲益良多！  (之前睇過你分享培養小朋友閱讀同語文能力嘅經驗，同樣得到好大啟發)

小女嘅小學之前嘅家長會有提過 自我效能感 (Self-efficacy)，大約就係講緊呢個題目。有興趣嘅家長可以 google / youtube 搵下。個人認為絕對好過大量操練。