DSE考生在這個長暑假會做咩呢？

Panda_mother

回覆 Charlotte_mom 的帖子

版主加油！

csy_ma

Charlotte_mom 發表於 19-6-20 08:41
批評人之前，請站在對方角度唸唸，咩北風漸南，我聽左好好受？
見好好地一個討論，開始政治，我唔屏啦溫提 ...

謝謝版主的努力和繼續願意溝通。
我之前有頗一段時間沒上EK，好像去年開始才多上，為女兒的升學選擇而徵求意見，因此，未目睹EK是如何清晰界定把上帝的歸於上帝那種壁壘分明。

北風南漸，是每個人意識上的感覺，我不過是很少會看在EK政治議題的post，不知道會有圍牆這回事，比較敏感吧了。就像，香港第一次出現催淚彈，施者、受者和旁觀者都感覺震撼，到第二次出現，大家的反彈就減了，將來，可能終會麻木？版主只是執行者，我其實無意為難。因為我只是看了小時了了的留言，跟我一樣，同樣自媽媽的角度出發，倒未知道素兒如何更政治？

香港現時這環境，把教育和政治嚴定分野，難呵。也感謝版主的努力和善意

Charlotte_mom

我都係媽媽，我女都係18歲，類似嘅溝通我都有
佢明知我唔想佢做，但俾佢去，大家傾好條件。事後佢特登send whatsapp多謝我，話好感動我俾佢選擇

我當時回左句「你18歲我仲管到你咩」
佢話，係呀，哈哈，你唔俾，我咪偷偷做囉

哎，我都好多感慨感言，但奈何版規所限，我亦唔想去時政版講呢d

多謝大家諒解了

csy_ma

Charlotte_mom 發表於 19-6-20 14:58
我都係媽媽，我女都係18歲，類似嘅溝通我都有
佢明知我唔想佢做，但俾佢去，大家傾好條件。事後佢 ...

如此時勢……真希望佢成績差，考唔到佢想讀既大學，順勢送佢出去……我咁同家長講時，有人問我咁讀完書後點？…………
不過，假設性問題唔想像落去……每個家長都會擔心，但咁大個，除咗擔心，真係唔知做得咩……

Yanamami

Charlotte_mom 發表於 19-6-20 14:58
我都係媽媽，我女都係18歲，類似嘅溝通我都有
佢明知我唔想佢做，但俾佢去，大家傾好條件。事後佢 ...

我见到会幫手提人唔好踩雷㗎~

csy_ma

星期五了……因為我囡明早離港，而佢好多嘢未準備，所以佢今日唔會出金鐘（除非特發事件，令佢覺得唔出去會好冇義氣）。佢話，群組既人投咗票今日唔衝，各做各，所以，佢同明天同去grad trip既同學，都打算換完錢後搵個地方去唱詩云云。
咁，過度武力係唔係就咁放過？我諗，呢個期間發生既事，令到好多人預計到未來卅年會如何發展？可以離開的，會加緊腳步，不離開/選擇留下的，尤其新一代，會更深入考慮自己可以點做，最小，唔好令老人家玩選民登記率遠高於年輕人？

csy_ma

早前在相熟群組寫過一段文字，現放在這，給小時了了補充在內地讀書會遇到什麼（卅多年前，既89前，是內地思潮活躍的開放年代，跟現時相距甚遠）。

我大學在內地讀既，中文系，寫作係必修科。有次，題目係啄木鳥和樹，要就呢個寓言寫篇文。我地港澳生，冇人揀人云亦云咁闡釋啄木鳥既偉大形象，我講啄木鳥係奸既。成班人寫既同老師要求既唱反調，其中我因作文向較高分，又係雜誌搞手，好似係頭頭咁。果次，我地贏咗咁，分數雖然唔高，但都可以。但去到考試，我果科既分數係全系最低，只6x分，低過另一位向來不太能夠寫通順中文既港澳男生。

老師以為我會嘈，見到我就扮晒嘢捉住我手話做咩考試失準，我睇住佢，好好笑，覺得在佢手下攞高分才更白痴。結果我當冇事，不爭不吵，因為根本唔重視佢畀既分數。
不過，多年後想返，係後悔既，因為寒蟬效應已形成，佢可能會藉此告訴其他學生，作為警告。呢位老師，由系裡既一科老師好快高升，後來成為另一師範大學既黨委書記，佢成功打壓我既手段，可能成為咗佢既慣用技倆？（我在佢冇教我之後既大三上學期，因為好多科靠提交功課代替考試，成為咗系第一名）

我讀果間，已係招好多港澳生、非由教育部主管既大學，好多政策都相對寬鬆，我同幾個港澳生一起搞既雜誌，其中有探討86年學運文章，聞說會被系裡作為成果咁展覽出黎（冇通知過主編既我），但依然有明顯打壓既情況。更莫論大三下學期我碰上89民運……如果我地唔想子女好似我咁，但又唔想佢地達到順口就講違心之論既境地，我地呢一代，真係要做啲嘢

素兒

csy_ma 發表於 19-6-19 22:32
被屏蔽了。果然是有北風漸南的風格
小時了了，我外出以前看到妳的post，想到很多，也想整理這會兒所 ...

我路過想話妳知, 水果機內置有GPS功能.



亦明白版主的難處, 她應該是唔想再深入講落去, 所以咁做. 在此SAY SORRY

clarawuwu

Charlotte_mom 發表於 19-6-20 08:41
批評人之前，請站在對方角度唸唸，咩北風漸南，我聽左好好受？
見好好地一個討論，開始政治，我唔屏啦溫提 ...

支持，明白，加油呀！

Charlotte_mom

素兒 發表於 19-6-21 09:49
我路過想話妳知, 水果機內置有GPS功能.

唔好咁講，大家明白就好

小時了了

csy_ma 發表於 19-6-21 08:16
早前在相熟群組寫過一段文字，現放在這，給小時了了補充在內地讀書會遇到什麼（卅多年前，既89前，是內地思潮活躍的開放年代，跟現時相距甚遠）。
我大學在內地讀既，中文系，寫作係必修科。有次，題目係啄木鳥和樹，要就呢個寓言寫篇文。我地港澳生，冇人揀人云亦云咁闡釋啄木鳥既偉大形象，我講啄木鳥係奸既。成班人寫既同老師要求既唱反調，其中我因作文向較高分，又係雜誌搞手，好似係頭頭咁。果次，我地贏咗咁，分數雖然唔高，但都可以。但去到考試，我果科既分數係全系最低，只6x分，低過另一位向來不太能夠寫通順中文既港澳男生。
老師以為我會嘈，見到我就扮晒嘢捉住我手話做咩考試失準，我睇住佢，好好笑，覺得在佢手下攞高分才更白痴。結果我當冇事，不爭不吵，因為根本唔重視佢畀既分數。
不過，多年後想返，係後悔既，因為寒蟬效應已形成，佢可能會藉此告訴其他學生，作為警告。呢位老師，由系裡既一科老師好快高升，後來成為另一師範大學既黨委書記，佢成功打壓我既手段，可能成為咗佢既慣用技倆？（我在佢冇教我之後既大三上學期，因為好多科靠提交功課代替考試，成為咗系第一名）
我讀果間，已係招好多港澳生、非由教育部主管既大學，好多政策都相對寬鬆，我同幾個港澳生一起搞既雜誌，其中有探討86年學運文章，聞說會被系裡作為成果咁展覽出黎（冇通知過主編既我），但依然有明顯打壓既情況。更莫論大三下學期我碰上89民運……如果我地唔想子女好似我咁，但又唔想佢地達到順口就講違心之論既境地，我地呢一代，真係要做啲嘢

多謝妳對我嘅掛心及分享好有用嘅親身第一手中國內地留學資訊俾我及大家.

我嘅網上資訊分享我都係無留底嘅. 大家明嘅, 大家互相體諒各有各職分, 我都係一時感嘆呻吓而言.

後記: 北大、清華、廈門等大學我從今以後唔會有遐想阿女返內地讀了, 原本一心打算阿女考埋 DSE 呢個學歷才考慮吓出國留學, 因為想留條後路阿女日後考政府工之用. 老老實實, 我依家會更慳儲多啲錢, 睇吓有無可能儲到錢, 阿女高中時去愛爾蘭或紐西蘭讀高中及將來外地大學!

csy_ma

回覆 小時了了 的帖子

關於逆流，我都可分享吓第一手資料：
30年前，我識一個新聞系研究生，佢曾經同我講，因為春夏之交我地既接觸，改變咗佢對香港人既印象。然後，佢畢業後被派到新聞單位，立志做個不收賄賂的記者。結果……佢受到好多同行既敵視，雖然也有人支持和欣賞。憑其才氣，佢好快做到負責策劃內容既編輯。然後，在一次被視為出位的專題報道後，佢被辭退了。後來，改開酒吧維生。轉咗業，人緣反較以前在行內更好，好多人會去同寫佢間吧，生意一度火紅。

不過，近年不成。這是行業普遍現象，在反貪大旗下，飲食娛樂業全處於嚴冬。朋友現時生活主要由另一半支持，因為咁，微信才能屢死屢重生。曾經是很有傲氣的人，現在只能偶爾在文字上閃出昔日的火光……

csy_ma

回覆 csy_ma 的帖子

都講過，我囡有個由細識到大既朋友仔返廣州讀中醫，問我意見，我當然唔會反對，亦唔會講以上事例，畢竟，做人但求心安？我讀既大學好多內地同學都是華僑後代，佢地父母當年，都係為理想而離鄉棄財，但係最終得到啲咩？我不認為一個人可以獨立於環境和時代的，可能我志向小，作為父母，真不希望子女站於逆流。