升中自行分配 取錄擬3月通知 校長支持:免折磨家長多幾個月

elbar

【明報專訊】中一派位每年7月初放榜，同一時間公布「自行分配學位」與「統一派位」（俗稱大抽獎）結果。教育局建議修訂中一派位安排，中學可預早在3月通知「自行分派學位」階段取錄的學生，即約三成小學生於3月已知獲心儀中學取錄。當局正就建議諮詢學校及家長，最快2020中一派位年度實施，即或影響現時小五生。有小學校長支持安排，認為家長「不用折磨多幾個月」；有直資中學不認同，認為收生彈性大的直資，失去原先較早公布結果的優勢。


現時小六生1月可透過「自行分配學位」，直接向兩間中學申請，但不知錄取結果。他們均需參與「統一派位」，直至7月中一放榜，由教育局一併公布「自行分配學位」與「統一派位」結果（見圖）。


獲取錄毋須統一派位


教育局昨回覆本報查詢時證實，該局最近提出建議，最快由2020年度中一派位（即2020年9月入讀中一）開始，參加派位中學在完成處理「自行分配學位」的申請後，須提早通知獲取錄的學生，有關家長毋須於4月「統一派位」階段填寫選校表格。當局指過去一直有家長表示希望預早知悉「自行分配學位」申請結果；亦有家長希望能因此掌握更多資料作選校決定，相信建議的安排有助減低學生及家長壓力。


據了解，教育局建議中學3月底以書面及電話方式通知獲取錄的學生，但不包括後備及落選者，又指現行中一派位機制無改變，所有學生都如常在7月初獲知教育局公布的正式錄取結果，到中學辦理註冊手續。


校長：家長有選擇


教育局就建議諮詢學校，學界對此有不同看法，直資學校議會不贊同建議（見另稿）。香港資助小學校長會主席張勇邦支持安排，認為家長「不用折磨多幾個月，不一定獲取錄，但有個知字，不用受煎熬」。目前直資學校一般2至3月公布錄取結果，部分家長為求子女入讀心儀學校，便轉投直資，不參加統一派位。張勇邦認為新建議下，學生如獲資助及直資中學同時取錄，「家長可『秤』一『秤』讀哪一間，有選擇，而不是有錢報直資就可預早幾個月知結果，報資助就要驚多幾個月」。


張勇邦又指對小學而言亦有好處，因學校已知有多少小六生在3月已獲中學取錄，可集中資源處理餘下學生的選校安排。

elbar

恐失收生優勢 直資校反對

【明報專訊】教育局若改變中一派位安排，直資學校便首當其衝。小六生升中，除可在1月參加「自行分配學位」，直接向兩間中學交申請表，亦可同時申請直資學校，數目不限。不過，目前兩類學校非同步放榜，直資學校一般在2至3月，便會告知家長取錄結果，如學生選讀直資，需放棄參加統一派位（「大抽獎」）。直資學校議會副主席陳狄安指出，不贊成派位中學提早至3月通知學生錄取結果。他稱直資學校應在收生安排上有彈性，不受時間限制，認為新建議下，兩類學校同期公布，令直資學校失去收生優勢。

稱對不獲取錄學生有壓力

陳狄安認為，此派位安排討論了20年都未有共識，認為新建議牽連甚廣，有很大改變，須廣泛諮詢。目前「自行分配學位」階段，中學取錄的學生不可多於中一總學額三成，即新建議之下，有三成小學生因獲取錄，可提早知升中結果，陳狄安指不獲取錄的學生會有無形壓力，「3月沒有消息，一直到7月先知，其間怎自處？是否需要為小學生添上不必要的壓力？」

他又指直資學校政策容許學校收生有彈性，收生、公布結果的時間不受限制，「如果資助中學日後公布結果的時間沒有限制，直資學校仍有何特別？可以說是失去優勢」。他表示，料有部分學生流向資助中學，對收表量多於學額的直資校，收生人數影響不大，但對收生情况一般的學校，在新安排下便會有影響。

據知，教育局內部也有評估改安排或會對直資構成影響，故先作各方諮詢，而教育局大方向是想減輕學童學習壓力，如早一點知派位結果，家長未必需安排子女報讀大量直資校，減少學童要應付面試及催谷應試的壓力。

piglet0529

elbar 發表於 19-3-1 08:51
恐失收生優勢 直資校反對

【明報專訊】教育局若改變中一派位安排，直資學校便首當其衝。小六生升中，除可 ...

可以去邊度提出反對？ 新界西北已經比其它區好唔公平甘接受一大班雙非，當年小學已經加派加班。依家仲想要比直資生可以兩邊揀？

whitepurin

piglet0529 發表於 19-3-1 09:07
可以去邊度提出反對？      新界西北已經比其它區好唔公平甘接受一大班雙非，當年小學 ...

我又唔覺得好唔公平，自行位其實好少吧，而兩邊都考到嘅人係有真實力，反為由於消息不靈通而被迫放棄自己心儀津校，搞到大家錯配晒。

piglet0529

whitepurin 發表於 19-3-1 09:13
我又唔覺得好唔公平，自行位其實好少吧，而兩邊都考到嘅人係有真實力，反為由於消息不靈通而被迫放棄自己 ...

係好唔公平甘塞班雙非係新界西北，又未見中學會配套

hkpapa852

elbar 發表於 19-3-1 08:51
恐失收生優勢 直資校反對

【明報專訊】教育局若改變中一派位安排，直資學校便首當其衝。小六生升中，除可 ...

見到呢句:


教育局大方向是想減輕學童學習壓力，如早一點知派位結果，家長未必需安排子女報讀大量直資校，減少學童要應付面試及催谷應試的壓力。


真係想笑 (笑中有淚) ......邊個攪到學生要有咁大壓力?


點解要三次呈分?

點解升中分Banding又唔係按照自己能力去分?
點解唔可以俾學生知自己實際Banding?
點解容許直資係任何時間收生同公佈收生結果?

0030

我覺得提前知道系好事～不用心思思多幾個月～

Crystal03wong

依家啲教育制度嫌學生D壓力未夠大，自選壓力，大抽獎壓力。仲要拖多幾個月增加學生、家長壓力

elbar

hkpapa852 發表於 19-3-1 09:28
見到呢句:

教育局大方向是想減輕學童學習壓力，如早一點知派位結果，家長未必需安排子女報讀大量直資校，減少學童要應付面試及催谷應試的壓力。


真係想笑 (笑中有淚) ......邊個攪到學生要有咁大壓力?


點解要三次呈分?

點解升中分Banding又唔係按照自己能力去分?
點解唔可以俾學生知自己實際Banding?
點解容許直資係任何時間收生同公佈收生結果?

gigayan

piglet0529 發表於 19-3-1 09:07
可以去邊度提出反對？      新界西北已經比其它區好唔公平甘接受一大班雙非，當年小學 ...

如果係講緊天水圍2間直資, 相信都唔存在俾學生2邊揀, 因為2間直資都係3月前已經公佈結果。直資是沒有限幾時收生, 如果呢項政策真係會改, 相信各大直資一定會早過自行開始收生。
其實諗深一層, 呢個政策係好嘅, 起碼知道自行已經收咗一批學生, 有30%已經唔需要填表, 唔使大家都估估下..........

Catnat123

贊成, 不明為何要等

hkpapa852 提出的幾點很值得反思

gigayan

hkpapa852 發表於 19-3-1 09:28
見到呢句:

點解唔可以俾學生知自己實際Banding? -> 呢點真係R爆頭皮都唔明!!! 俾幾十間學校你揀, 但又唔話俾你知自己係BAND幾, 你自己估啦, 估中就無事, 估唔中就大獲了.......

angiecarl

我同意唔好等, 得就得, 唔得就唔得, 點解要拆磨家長同學生呢?
而且教育罾都可以收少啲表啦.

little_yolky

piglet0529 發表於 19-3-1 09:07
可以去邊度提出反對？      新界西北已經比其它區好唔公平甘接受一大班雙非，當年小學 ...

其實我唔明你反對乜喎? 我哋北區/大埔都好多雙非, 但佢哋唔會主力直資架, 佢哋大部份本來就係target官津, 分別只係早D公布而已, 點解話直資生可以兩邊揀又同雙非掛鈎? 我覺得係直資會易考咗。

piglet0529

little_yolky 發表於 19-3-1 12:37
其實我唔明你反對乜喎? 我哋北區/大埔都好多雙非, 但佢哋唔會主力直資架, 佢哋大部份本來就係target官津,  ...

本帖最後由 piglet0529 於 19-3-1 12:43 編輯

當十個煲已經得七個蓋，果三個明比人搶，依家仲要比人拎走一個, 搶你果一個仲要話比你知，我其實都已經有一個係手

piglet0529

gigayan 發表於 19-3-1 12:20
如果係講緊天水圍2間直資, 相信都唔存在俾學生2邊揀, 因為2間直資都係3月前已經公佈結果。直資是沒有限幾時 ...

如果係甘，當然ok. 冇理由有的學生可以兩邊揀，甘唔公平。

little_yolky

piglet0529 發表於 19-3-1 12:42
本帖最後由 piglet0529 於 19-3-1 12:44 編輯

本帖最後由 piglet0529 於 19-3-1 12:43 編輯

北區/大埔都係相同情況, 所以好多B1生經濟能力OK都會去直資。不過, 我唔知你哋區直資同官津水平既差異, 我哋果邊, 直資少, 如果考到沙田果幾間, 同將軍澳果D, 有錢既話我唔會去官津。你要諗下, 十個煲七個蓋, 但七個蓋一定係存在的, 當一批學生走咗去官津, 直資就會添返D學生, 剩返响公海既人數又會少返, 始終仲有七成人無offer, 呢七成人唔一定係B2/B3, 一定有B1, 始終自行間間收得幾十人, 你唔駛太憂累, 情況都仍然係十個煲七個蓋, 唔會惡化太多的。Maybe你係先攞到蓋果個呢。

little_yolky

gigayan 發表於 19-3-1 12:24
點解唔可以俾學生知自己實際Banding? -> 呢點真係R爆頭皮都唔明!!! 俾幾十間學校你揀, 但又唔話俾你知自己 ...

呢個我反而覺得係最大鑊, 因為係B1先抽, 估錯Band係自殺式行為。

piglet0529

little_yolky 發表於 19-3-1 12:51
北區/大埔都係相同情況, 所以好多B1生經濟能力OK都會去直資。不過, 我唔知你哋區直資同官津水平既差異, 我 ...

咪可以预見直資收生會差左羅，band 1津校位更難爭，甘仲唔夠？

piglet0529

little_yolky 發表於 19-3-1 12:53
呢個我反而覺得係最大鑊, 因為係B1先抽, 估錯Band係自殺式行為。

到時唔係你估錯問題，係根本就唔夠派