聖馬可白普理 vs 聖羅撒幼稚園

carmenkmc

女女收到聖馬可白普理的全日班，及聖羅撒幼稚園的offer, 好難選擇，希望大家可以俾少少意見:
1. 聖馬可堂白普理
~ 全日班，教學模式感覺相對比較開心, 逢星期五有Happy Friday 活動，感覺冇咁傳統死板，但怕課程太寬鬆，升小一銜接會有困難。同埋全日班空餘時間較少，如想報讀校外課程怕會比較難安排。

另外呢間比較近屋企，走路5分鐘，可以親自接送。

2. 聖羅撒
~ 半日班，可以利用其他時間報讀其他興趣班，學校紀律較嚴，因為女女屬於坐唔定的好動小朋友，一方面覺得傳統啲嚴厲啲可以讓她多學習紀律，但另一方面又矛盾地怕她唔適應而影響上學的興趣。學校環境大啲靚啲亦是我們考慮的其中一個因素。

呢間要靠保母車接送，冇咗親自接送嘅親子時光。

請問有冇讀緊以上兩間的小朋友家長可以分享吓諗法，俾少少意見我們參考? 感謝感謝!

lokkayung

SRL for sure

測驗

carmenkmc 發表於 18-12-31 15:56
女女收到聖馬可白普理的全日班，及聖羅撒幼稚園的offer, 好難選擇，希望大家可以俾少少意見:
1. 聖馬可堂白 ...

1 ， 選擇一間合適小朋友既學校比較重要

honeybibibibi

又要睇下你對全日既需求有幾大

rosekaren86

其實近屋企都係一個好大既優勢, 小朋友舒服好多，唔使坐成個鍾校車，我之前何文田坐校車去九龍塘都超過一小時！

不過SRL學術就應該好D

carmenkmc

測驗 發表於 18-12-31 16:53
1 ， 選擇一間合適小朋友既學校比較重要

如果女女坐唔定又硬頸，邊間會適合啲? 聖羅撒呢類傳統學校會否可以幫助灌輸對服從及守規矩方面嘅概念俾佢? 我怕去啲 happy school 佢會再放任啲...

carmenkmc

honeybibibibi 發表於 18-12-31 23:35
又要睇下你對全日既需求有幾大

其實呢個就係矛盾位，雙職家長，屋企有個初生妹妹，如果大女返咗全日班，就可以俾多啲時間妹妹。但全日班的話又好似難以安排其他校外興趣班。

carmenkmc

rosekaren86 發表於 19-1-2 09:27
其實近屋企都係一個好大既優勢, 小朋友舒服好多，唔使坐成個鍾校車，我之前何文田坐校車去九龍塘都超過一小 ...

我都好同意，其實如果可以好想親自接送，因為可以同老師見面，小朋友又開心啲。
但聖羅撒又感覺學術同校風都好啲，所以好難取捨...

另外聖幼上聖小，扣門是否有優勢?

huliyugong

聖馬可各方面都唔差，學術不是他們賣點。學術無論上哪間幼稚園，家長都要自己跟。若與聖羅撒比較，就是名氣少了很多。再說興趣班，全日都可以是放學后或周六。但聖馬可的全日學費偏貴，再加上興趣班，已經是私幼的學費啦。
針無兩頭利，真是要取舍。

兩間都是好學校。

carmenkmc

huliyugong 發表於 19-1-2 10:41
聖馬可各方面都唔差，學術不是他們賣點。學術無論上哪間幼稚園，家長都要自己跟。若與聖羅撒比較，就是名氣 ...

請問聖馬可賣點係咩呀?

huliyugong

carmenkmc 發表於 19-1-3 12:30
請問聖馬可賣點係咩呀?

表達唔好，令你誤會。我意思係聖馬可唔係學術強的那類幼稚園。

sheepyland

carmenkmc 發表於 19-1-2 09:41
我都好同意，其實如果可以好想親自接送，因為可以同老師見面，小朋友又開心啲。
但聖羅撒又感覺學術同校風 ...

利申：曾經係SRL用家

聖幼上聖小無優勢，但我地呢年叩其他一線小學，
成績幾好。

另外你話嚴，其實老師都會就住小朋友嘅，
曳個d咪嚴d囖，平時老師都好錫學生嘅~
不過SRL出嚟嘅學生係乖嘅！