不是以小朋友為本的學校很可怕

GreenMaDad

我小朋友不在國際學校，但就算俾我地小朋友免費揀，我都想試下香港式學校先，真係吾掂先去國際學校。
首先，國際學校其實語言係單一發展，它們當然有教英文以外的語言，但第二語言對他們來説係興趣班。 數學方面，早前看新聞，見到英國政府要求公立學校多操練數學，因英國學生數學水平太落後。

再加上，我自己眼見的國際學校學生，可能因太自由，到10歲以上都好似吾明咩叫規矩，响不是球場的地方踢波、打波，周圍亂衝亂撞、高聲呼叫.....

我小朋友以前在 LH, 而家在所謂的神校，測驗考試他要溫書，成績大多不好，溫書時和收成績時會俾我鬧，但他從不想轉校，因他説他很喜歡學校。

小朋友將來做什麼職業，無人能估到，這世上真的有人未番過學但可以做得好成功，有個美好人生。但見到現今的年輕一輩（包括在外國），有很大部份在時裝店、咖啡室、不知名的公司做文書或不高級職位工作， 工作時間長，人工又不算高，無乜前景，但轉行也改變不了困境，結婚生子後更加吾可以吾做，還要面對更大的財政壓力.....如果你見到這些年輕人的履歷，可能他們的共同問題便是：讀書成績不好。

我常常跟小朋友説，讀書起碼要認真試，成績好的人將來選擇自然比成績不好的人多，這是現實情況。

janicelwy

回覆 pancake5354 的帖子

咁如果去到grade 10 先發現跟唔到呢？我無讀過IS，而傳統想打好個底係啱既，只係而家過火左，無學識無時間既父母都唔知點跟
而家既家長都要好努力

janicelwy

回覆 hkpapa852 的帖子

對母語係英文既人可能係輕鬆點吧，不然學英文都是另一種困難。

janicelwy

回覆 pancake5354 的帖子

其實政府幼稚園淺，政府學校都要淺先涵接到架，而家根本連幼稚園生既水平都差距都好大。

janicelwy

回覆 karllambb 的帖子

我捉住隻手同佢做交差算

993rs

tester5 發表於 18-10-26 19:04
回覆 Kangaroojoey 的帖子

唔好灰心..

什麼類型既學校，只要按小朋友既能力、興趣、性格，配對好；家長知道自己做緊乜，唔好盲目，我覺得就唔需要理其他人做緊乜。

小朋友主動學習，happy school 其實冇問題。實實在在，谷既名幼對升小根本就冇 guarantee；神校亦有收happy school 小朋友

要唔要谷，真係好睇小朋友性格。

我大既小朋友，點氹點迫都唔會睇書、學習好被動，谷既學校對佢發展有一定保障。唔係佢唔叻，只係並非屬於香港教育制度下的叻。我唔谷佢，應該留緊班。

相反，個細既性格截然不同，佢自理好強，所有野都想自己做。系我完全冇理過佢學習既情況下（大部份時間要放系大果個既學習），唔駛我煩做功課、睇書、溫習。過去兩年都係 honored student。 我真係冇谷過佢喎。

系學習上擺脫唔到一樣野既係，你越鐘意睇書、睇得多越有利、越唔需要外力谷。我相信睇書既投入同學習成果係成正比，所謂唔谷、愉快學習，只係你小朋友肯睇書，只係你未見過一d搵枝槍指住都唔肯睇書既細路。

一個極端d既例子，有朋友既細路，佢最愛既娛樂就係睇書、智力遊戲，跟同齡小朋友一齊玩玩具覺得悶。父母冇「谷」、冇考 cert 架，如果考，我好肯定佢有出面所謂 flyer 以上既能力。當年佢盡收神校 offer。街外人睇咪就係「愉快學習」下入神校既例子。

最重要知自己想點、為咩而做。我話我報21間小學，好多人都覺得我癲，但我有我原因，按住我地既需要、能力而安排，冇 overload 我小朋友，何況最終有去 interview 亦只係得50%。唔好因為人地都做而做，唔好因為人地唔做而自己唔做

eg_mere

GreenMaDad 發表於 18-10-27 08:54
我小朋友不在國際學校，但就算俾我地小朋友免費揀，我都想試下香港式學校先，真係吾掂先去國際學校。
首先 ...

我中學大部份同學也是公開考試的輸家, 但現在很多工作也有成就。可能只是在現今教育制度的失敗者, 但長大了找到了自己喜歡的方向, 機會和能事業有成的不比我有master 學歷的低。

教育的重要是培養小朋友成為有自信, 明辨是非的人。如果教育是為了教人怎樣賺大錢, 那小學就要學金融, 如何炒賣了。

monodad

eg_mere 發表於 18-10-28 01:29
我中學大部份同學也是公開考試的輸家, 但現在很多工作也有成就。可能只是在現今教育制度的失敗者, 但長大 ...

不是有心challenge，但希望你明白，某層面上，有些學歷低的人會有成就比學歷高的人高這個偶爾現象，但在社會通遍最高層（包括國家級領導人或絕大部份fortunes 500公司的管理人或成立人）學歷絕不低。社會生態變咗係事實，以前社會可能仲有空間可以比低學歷生發展，現今除了創業之外，低學歷可以當上高管或高薪優職我睇唔到有幾多例子，將來社會只會更變本加厲，希望大家在抱怨香港教育制度如何不濟嘅同時，反思一下香港學生嘅質素，至少我地留學嘅年代，香港學生和日本學生一樣，相比其他國家嘅學生喺成績上有絕對優勢。拔苗助長故然唔係一件好事，但不顧現實，過份溺愛將來亦會承受苦果。

nixphoenix

pancake5354 發表於 18-10-27 11:45
有好多人認為幼稚園教得太淺, 導致小朋友升小接軌不到。 但我的看法就是小學課程設定太離地, 加上學校與學 ...

認同

其實呢個就係問題主因...
為咗係呢個制度生存
學術係要兼顧一下
但千祈唔好覺得越谷越深為之好.....
將不正常當常態其實真係最令人覺得悲哀

Kangaroojoey

自信同明辦是非，唔止係學校學，家庭教育都好重要。。。。咁小朋友問：究竟係神創造人類，定係猿人進化成人類？。。。呢個問題，唔同家庭教育下，小朋友都有唔同理解。。。。所以有d野冇一定對或錯。。。正反聲音都一定會有。。。

GreenMaDad

好像究竟應該選用廣東話或普通話學中文，對我來説，學多一種語言一定好，但如果小朋友跟不上用普通話學中文，到時係無得勉強，應用番廣東話學中文。  （我小朋友是用普通話上中文課的，但肯定的是，他的廣東話永遠是他最強的語言， 用了普通話上中文課，廣東話和中文程度都無退步）
現今傳媒常常一面倒，安排小朋友入傳統名校的是怪獸家長，安排小朋友上興趣班的是瘋癲家長。

其實做家長都是見步行步，我自己小朋友跟我的姨甥們已差天共地，"名校"是名校，一定有原因，如小朋友讀得辛苦，自然要轉校。

hkpapa852

eg_mere 發表於 18-10-28 01:29
我中學大部份同學也是公開考試的輸家, 但現在很多工作也有成就。可能只是在現今教育制度的失敗者, 但長大 ...

只能說, 今時不同往日.

20/30年前以前, 中五畢業出嚟工作, 仲有選擇, 今時今日呢?

以前, 讀書唔成仲有職業先修, 可協助就業, 今時今日呢?

以前1X萬個會考只有2/3間大學不足1.5萬個degree, 入U比例只有10%; 近年6萬個學生, 8大+自資degree已有2.5萬以上, 入U機會有40% (如果加埋國內過百間大學個1000個以上既學位, 入U機會 > 50%)


至於甚麼AD/HD, 應用學習課程, 都係只得一個目的, 叫學生繼續以入大學升讀degree為目標, 繼續做萬年考生, 減低失業率.

今時今日, 以至未來1X/2X年既香港, 如果連degree都攞唔到, 又無人脈, 除非父母留番一兩間屋俾D小朋友收租, 否則條路應該比以前更難行N倍

tester5

993rs 發表於 18-10-27 11:14
什麼類型既學校，只要按小朋友既能力、興趣、性格，配對好；家長知道自己做緊乜，唔好盲目，我覺得就唔需 ...

其實, 我兩個也不是主動拎起本書的乖學生, 現在高小有時間都係打機, 睇電視. 始㚵只係普通小朋友.
你的孩子應該比他們超班好多. 我想分享唔係佢地超班就可以愉快學習, 唔係呢回事. 而係有d習慣, 家長可以留意, 或者可以幫佢地接軌.


例如, 我真係冇放棄過同佢地睇書, 基本上係我迫著佢地睇, 佢地肯睇叮噹, 我都會妥協, 就係希望佢地唯持呢個閱讀既習慣. 到大都唔好放棄閱讀.
有時佢地點迫唔都唔肯睇, 我就自己先睇, 例如:我女課程有40本英文書要睇, 佢點冇與趣, 唯有我自己先拎上手去睇, 睇完同佢分享, 好笑就引佢一齊睇, 佢現在才有興趣自己睇... 我真係用左好多唔同既方法去提起佢地既閱讀既興趣, 我唸ek仲有好多勁人可以分享下點提升子女的閱讀興趣, 我只係用自己唸既方法, 未必係好方法.


做功課,基本上HAPPY都會有功課, 放學後就一定要坐定定做, 呢個係習慣, 情願做完去玩去訓去街, 都唔好拖拖拖唔做, 咁上小一即使功課再多, 也可以很快完成.

睇電視方面, 為左改佢地呢個惡習, 我冇反對佢地睇, 但我晚晚同一時間捉佢地落街做運動, 佢地可以落街就開心, 做完運動都冇時間睇了, 我又係從中希望培養出佢地既習慣, 由晚晚睇1 個鐘電視為做1 個鐘運動.


呢d都係我做父母唔會放棄, 不過真係可幸佢地可以有好成績, 我都係唸都冇唸過, 老師話佢地突飛猛進時, 我地都跌到一地眼鏡碎.....

共勉之....

luckyveronique

GreenMaDad 發表於 18-10-27 08:54
我小朋友不在國際學校，但就算俾我地小朋友免費揀，我都想試下香港式學校先，真係吾掂先去國際學校。
首先 ...

读神校就读神校吧，无需踩人地，英国的数学你真的了解吗？

tester5

pancake5354 發表於 18-10-27 00:24
你的情况真的好幸運，可能是各方面的配合所得出來的結果。你們父母的努力，小朋友本身的性格及資質，以及 ...

其實佢地唔係叻, 比起直資私校的學生, 可能仲有一斷距離, 但起碼對住功課唔係做到11點, 要補習, 冇晒卡通時間... 上小學佢地仲可以玩, 可以傻下傻下, 仲可以有一個我地唸都唔敢唸既成績.

karllambb

hkpapa852 發表於 18-10-29 08:41
只能說, 今時不同往日.

20/30年前以前, 中五畢業出嚟工作, 仲有選擇, 今時今日呢?

well said

hkpapa852

GreenMaDad 發表於 18-10-27 08:54
我小朋友不在國際學校，但就算俾我地小朋友免費揀，我都想試下香港式學校先，真係吾掂先去國際學校。
首先 ...

我小朋友不在國際學校，但就算俾我地小朋友免費揀，我都想試下香港式學校先，真係吾掂先去國際學校

提提妳, 稍為好一點的國際學校, 唔係妳想入就可以入到

如果可以好輕易入既既, 應該都係"國際寶校"